Qounoute Nazilah

Question:

ki veut dire Qunoot-e-Naazilah? Dans ki namaz li sunnah pou lire sa?

Qounoute signifié doah. Et نازلة (Nazilah) veut dire malheur ou difficulté. Qounoute Nazilah signifié ene doah spécial ki faire pendant namaz dans l’interval quand ene malheur assez grave affecté la communauté en général. D’après hadice de Hazrat Anas t, ça genre de qounoute-là ti pratiqué par Rasouloullah r pendant quelques jours seulement. Li pas ene pratique établi ki ti pé pratiqué lors ene base permanente. Ça qounoute-là ti pé pratiqué après roukou' dans dernier rakaat dans posture diboute avant alle dans sajdah. Au commencement ça ti pé pratiqué dans tous banne namaz. Et finalement ti pé pratique li ziste dans namaz fajar. Et ça aussi, occasionnellement dans banne moments bien difficile ki affecté la communauté en général. Pas regulierement.

Le commencement Qounoute Nazilah

Hadice Hazrat Anas t

بعث رسول الله r سبعين رجلا لحاجة يقال لهم القراء فعرض لهم حيان من سليم رعل وذكوان فقتلهم فدعا رسول الله r شهرا فى صلاة الغداة فذلك بدأ القنوت وما كنا نقنت (البخارى ومسلم)

Traduction:

“Rasouloullah r ti délègue, lors ene certaine mission, 70 personnes ki ti appelle zotte “Qurraa”. Alors deux familles Ri’l et Zakwaan ki sorte dans descendant Soulaim fine barre zotte et fine assassine zotte. Lors ça Rasouloullah r fine faire doah pendant ene mois dans namaz fajar. Ça c’était le commencement de Qounoute. Nou pas ti pé faire Qounoute (avant ça). ” (Boukhari/Mouslim)

Explication:

C'était dans 4eme année hijri quand Rasouloullah r ti délègue 70 personnes lors ene demande de la part de banne tribus رعل (Ri’l), ذكوان (Zakwaan) et عصية (‘Ouçayyah) d’une part et de l’autre part lors requête et garantie de عامر بن مالك (‘Aamir Bin Malik), pou invite ene certaine peuple vers l’Islaam. C’était banne Sahaba-e-Kiraam ki ti appelle Al Qurraa et ki ti pé reste à cote Rasouloullah r pou apprane Qour’aan-e-Kareem. Ça délégation-là fine vine arrête cote ene l’endroit appelle بئر معونة et zotte fine envoye حرام بن ملحان (Haram Bin Milhaan) pou transmette le message et la lettre de Rasouloullah r à عامر بن الطفيل (Aamir Bin At-Toufail). Banne-là fine aggresse Hazrat Haraam Bin Milhaan et fine faire li shaheed. Ensuite banne tribu رعل, ذكوان et عصية fine vine joine عامر بن الطفيل et fine assassine le reste banne Sahaba-e-Kiraam. Zotte tous fine shaheed apart deux Sahabi nommé كعب بن زيد et عمرو بن امية.

A la suite de ça l’événement-là et ene l’autre l’événement semblable ki ti arrivé avec le groupe de Hazrat Khoubaib t à makkah, Rasouloullah r fine faire Qounoute pendant ene mois dans namaz fajar. Ça doah Qounoute-là ti pé faire dans le but pou invoque malédiction lors ça banne tribus ki ti trahir et martyrise banne Sahaba-e-Kiraam. Selon le hadice, c’est à partir ça même l’événement ki Rasouloullah r fine commence faire Qounoute. Avant ça pas ti ena Qounoute.

Ça Qounoute-là appelle Qounoute Nazilah. C'est-à-dire ene doah ki faire dans ene façon particulière dans namaz à l’occasion ene difficulté assez grave ki affecté banne musulman en général. Ça Qounoute-là ti pé faire li après roukou’ avant alle dans sajdah.

 Question:

Combien le temps Rasouloullah (s.a.w) ti faire Qounoute Nazilah ?

Reponse: 

Hadice Hazrat Anas t

"قنت النبى r بعد الركوع شهرا يدعو على رعل وذكوان ..." (البخارى)

Traduction :

Nabi r ti faire Qounoute après roukou’ pendant ene mois pou invoque malédiction lors رعل (Ri’l) et ذكوان (Zakwaan). (Boukhari)

Explication :

Ça Qounoute ki Rasouloullah r ti faire pou invoque malédiction ti après roukou’. Pas avant roukou’ couma ça c’est le cas avec Qounoute dans witr.

Dans ene l’autre hadice, Hazrat Anas t précise ça pli bien. C’est à dire selon ene hadice dans Boukhari, Hazrat عاصم (Asim) t fine dimane Hazrat Anas t eski Qounoute li avant roukou’ ou bien après roukou’. En réponse Hazrat Anas t fine faire conné ki Qounoute li avant roukou’. Apres li fine faire ressortir ki :

انما قنت رسول الله r بعد الركوع شهرا ... (البخارى)

“C’est necque pendant ene seul mois ki Rasouloullah r fine faire Qounoute après roukou’ …”

 (Boukhari)

Ça hadice-là li montré nou banne points suivants :

1.    Qounoute ki ti en vigueur régulièrement, ti pé faire li avant alle dans roukou’, pas après roukou’.

2.    Qounoute Nazilah ti faire li après roukou’.

3.    Qounoute Nazilah pas ti durée plis ki ene mois.

Selon ene hadice dans Mouslim Hazrat Anas t dire :

ان رسول الله r قنت شهرا يدعو على احياء من العرب ثم تركه" (مسلم)

« Rasouloullah r ti faire Qounoute pendant ene mois pou invoque malédiction lors ene banne tribus arabe et ensuite li fine abandonne ça » (Mouslim)

Question:

Qounoute Nazilah avant roukou’ ou apres roukou’ ?

Reponse:

Hadice Hazrat Anas t

عن عاصم قال سألت انس بن مالك عن القنوت فقال قد كان القنوت قلت قبل الركوع او بعده قال قبله قال فان فلانا اخبرنى عنك انت قلت بعد الركوع فقال كذب انما قنت رسول الله r بعد الركوع شهرا ..." (البخارى)

Traduction :

Rapporté par Asim ki li fine dire : « Mo fine dimane (Hazrat) Anas Bin Malik t à propos Qounoute. Alors li fine dire moi ki Qounoute ti déjà ena li. Mo fine dire : Avant roukou’ ou bien après ? Li dire : Avant. (Apres ça) Li dire : Parceki un tel fine informe moi à propos ou ki ou fine dire ‘après roukou’. Li (Hazrat Anas t) fine dire : Li fine faire confusion. C’est necque pendant ene seul mois ki Rasouloullah r ti faire Qounoute après roukou’ … »

 (Boukhari)

Explication :

Ça hadice-là montré deux qualités de Qounoute ki banne Sahaba-e-Kiraam ti conné. Ene ki ti faire avant roukou’ et l’autre ki ti pé faire après roukou’. Hazrat Anas t fine précisé ki le Qounoute ki ti en vigueur régulièrement ti pé faire li avant roukou’. Quant à Qounoute Nazilah ki ti pé faire après roukou’, c’était ene Qounoute ki Rasouloullah r ti faire li pendant ene mois seulement.

Question:

 KI NAMAZ KI FAIRE QOUNOUTE NAZILAH LA-DANS?

Reponse:

Hadice Hazrat Abdullah Bin Abbaas t

"قنت رسول الله r شهرا متتابعا فى الظهر والعصر والمغرب والعشاء وصلاة الصبح فى دبر كل صلاة اذا قال سمع الله لمن حمده من الركعة الآخرة يدعو على احياء من بنى سليم على رعل وذكوان وعصية ويؤمن من خلفه" (ابو داؤد)

Traduction:

Rasouloullah r ti faire Qounoute pendant ene mois consecutif dans Zohar, Assar, Maghrib, Esha et namaz Fajar à la fin de chaque namaz quand li ti pé dire سمع الله لمن حمده dans dernier rakaat. Li ti pé envoye malédiction lors banne familles (ki sorti depi) dans descendant Soulaim c'est-à-dire رعل (Ri'l), ذكوان (Zakwaan) et عصية (Uçayyah). Banne ki ti derrière li ti pé dire Ameen. (Abu Dawood)

Explication:

Hadice Hazrat Abdullah Bin Abbaas t et hadice ki fine rapporté par Hazrat Anas t et Hazrat Abou Hourairah t montré ki Qounout Nazilah ki Rasouloullah r ti commence faire à la suite de l’événement triste ki ti traversé lors banne Sahaba-e-Kiraam, ti être pratiqué dans tous les cinq namaz faraz dans dernier rakaat avant alle dans sajdah.

D’après ene hadice de Mouslim Shareef, Hazrat Abou Hourairah t rapporté ki Rasouloullah r ti faire Qounoute dans namaz Esha. Selon ene l’autre hadice de Mouslim Shareef même, Hazrat Abou Hourairah t ti pé faire Qounoute dans namaz Zohar, Esha et namaz fajar. Selon ene l’autre hadice dans Mouslim, Hazrat Al-Baraa t dire :

"قنت رسول الله r فى الفجر والمغرب" (مسلم)

« Rasouloullah r ti faire Qounoute dans namaz Fajar et  Maghrib » (Mouslim)

Selon ene hadice dans Saheeh Boukhari Hazrat Anas t dire :

"كان القنوت فى المغرب والفجر" (البخارى)

« Qounoute ti existé dans namaz Maghrib et namaz Fajar » (Boukhari)

Question:

Eski Qounoute Nazilah fine abrogé ?

Reponse:

Hadice Hazrat Abdullah Bin ‘Oumar t

"سالم عن ابيه انه سمع رسول الله r اذا رفع راسه من الركوع فى الركعة الآحرة من الفجر يقول اللهم العن فلانا وفلانا وفلانا بعد ما يقول سمع الله لمن حمده ربنا ولك الحمد فانزل الله ليس لك من الامر شئ الى قوله فانهم ظالمون" (البخارى)

Traduction :

Hazrat Saalim rapporté de so papa (Hazrat Abdullah Bin ‘Oumar t) ki li fine tanne Rasouloullah r dire quand li ti pé lève so la tête depi dans roukou’ dans deuxième rakaat namaz Fajar après ki li ti pé fini dire سمع الله لمن حمده ربنا ولك الحمد :

« O Allah (Ta’ala) maudit un tel, un tel et un tel »

Alors Allah Ta’ala fine descende :

" ليس لك من الامر شئ او يتوب عليهم او يعذبهم فانهم ظالمون"

« Li pas à ou à décidé (li à Allah Ta’ala si li oulé) soit li gracié banne-là ou bien li puni zotte parceki zotte banne (injustes). » (S3/V128)  (Boukhari)

Explication :

Quand le verset fine descende, Raouloullah r fine arrête faire Qounoute. Quand nou dire ki li fine arrête faire Qounoute, eski :

                i.     ça veut dire ki li fine arrête faire Qounoute même,

              ii.     ou bien li fine arrête faire Qounoute avec la formule ki li pé faire auparavant

            iii.     ou bien li fine arrête faire li dans certaine namaz ?

C’est banne possibilités ki existé dans dire ki Rasouloullah r fine arrête faire Qounoute à la suite de la révélation de ça verset-là.

Dans tout ça-là, ceki paraite pli compatible avec lezot hadice c’est ki Rasouloullah r fine arrête faire Qounoute (Nazilah) lors ene base régulier et permanent. Mais l’option pou pratique li dans cas nécessaire fine reste toujours ouvert. Donc ceki fine abrogé c’est la pratique de Qounoute Nazilah comme ene principe établi lors ene base permanent. Quant à Qounoute pendant ene certaine nombre de jours dans difficulté ki affecté la communauté en général, li encore existé. Et ça pas fine abrogé. Etant donné ki pas fine ena aukene nécessité, acoze ça Rasouloullah r pas fine pratique li plis ki ene mois.

Hadice Hazrat Anas t

"ان النبى r قنت شهرا يدعو عليهم ثم تركه فاما فى الصبح فلم يزل يقنت حتى فارق الدنيا" (البيهقى)

Traduction :

“Nabi r ti faire Qounoute pendant ene mois pou envoye malédiction lors banne-là (tribu رعل (Ri’l) et ذكوان (Zakwaan) etc.). Après ça li fine abandonne li. Quant à namaz fajar li fine continué faire Qounoute là-dans juska ki li fine quitte le monde”. (Al Baihaqui)

Explication :

Ça hadice-là montré ki Rasouloullah r ti pé faire Qounoute Nazilah dans tous banne namaz. Apres ça li fine arrête faire li dans tous banne namaz excepté dans namaz fajr. Li fine continué faire Qounoute dans namaz fajar veut dire ki li fine laisse option ouverte pou ene telle pratique en cas nécessaire. Ça pas veut dire ki li fine continué faire li comme ene pratique établie régulièrement. Parceki selon ene hadice dans Tabraani, Hazrat Ghalib Bin Farqad dire :

"كنت عند انس بن مالك شهرين فلم يقنت فى صلاة الغداة"

“Mo fine reste acote Hazrat Anas Bin Malik t pendant deux mois mais li na pas fine faire qounoute dans namaz fajr.” (Tibraani)

Le premier hadice signifié ki Rasouloullah r ti autorise ça comme ene pratique ki capave faire en cas necessaire. C’est acoze ça meme Hazrat Anas Bin Malik t pendant deux mois pas fine faire li. Parceki pas ti ena aukene necessité pou faire li. Selon ene hadice rapporté par Al-Khateeb dans so Kitaab-ul-Qounoute avec sanad authentique, Hazrat Anas Bin Malik t dire :

"كان لا يقنت الا ان يدعو لقوم او على قوم"

“Li (Rasouloullah r) pas ti faire qounoute excepté quand li ti ena pou faire douah en faveur kit peuple ou contre kit peuple.”

Ça hadice-là aussi pé montré dans ene façon nette et clair ki la pratique de qounoute nazilah dans fajr ti ene pratique ki ti autorisé au moment nazilah (difficulté) seulement.

Hadice Hazrat Abou Hourairah t

"ان رسول الله r كان اذا اراد ان يدعو على احد او يدعو لاحد قنت بعد الركوع ..." (البخارى)

Traduction:

« Quand Rasouloullah r ti pé oulé envoye malédiction lors kikene ou bien faire doah en faveur kikene, li ti pé faire Qounoute après roukou’ … » (Boukhari)

Explication :

Ça hadice-là montré ki Qounoute après roukou’ ou bien Qounoute Nazilah, li pas ene pratique permanente. Li ti ene pratique ki ti pé faire ziste quand ena problème lors musulman. Selon Saheeh Ibn Khuzaimah, Hazrat Anas t fine dire :

"ان النبى كان لا يقنت الا اذا دعا لقوم او دعا على قوم"

« Nabi r pas ti pé faire Qounoute (Nazilah) (du tout) apart quand li ti pé faire doah en faveur kit groupe ou bien quand li ti pé envoye malédiction lors kit groupe » (Saheeh Ibn Khuzaimah)

A noté ki ça hadice-là li ene hadice Saheeh (authentique). Coumsa même selon Saheeh Ibn Hibbaan, Hazrat Abou Hourairah t fine dire :

"كان رسول الله  لا يقنت فى الصبح الا ان يدعو لقوم او يدعو على قوم" (صحيح ابن حبان)

« Rasouloullah r pas ti pé faire Qounoute dans namaz fajar à part ki li ti pé faire doah en faveur kit groupe ou bien ki li ti pé envoye malédiction lors kit groupe. » (Saheeh Ibn Hibbaan)

C’est banne hadices ki fine amene banne ‘Oulama pou comprend ki Qounoute Nazila ki ti pé faire dans tous banne namaz, ça fine pratiqué pendant ene mois seulement. Et finalement Qounoute Nazilah fine commence pratiqué dans seulement namaz fajar et ça aussi pas régulièrement mais temporairement quand ena la nécessité.

Question:

Eski li sunnah pou lire Qounoute dans namaz fajar lors ene base reguliere ?

Reponse:

Hadice Hazrat Anas t

عن محمد قال قلت لانس هل قنت رسول الله r فى صلاة الصبح قال نعم بعد الركوع يسيرا

(البخارى ومسلم)

Traduction :

Rapporté de Mouhammad ki fine dire : Mo fine dire avec Hazrat Anas t : Eski Rasouloullah r ti faire Qounoute dans fajar ? Li (Hazrat Anas t) fine dire : Oui, (li ti faire) pendant ene ti boute le temps après roukou’. (Boukhari/Mouslim)

Explication :

Selon ça hadice-là, le Qounoute dans namaz fajar pratiqué par Rasouloullah r ti duré juska “ene ti boute le temps” seulement. Et li ti faire li après roukou’. Ça “ene ti boute le temps” c’est ene mois couma ça fine précisé par Hazrat Anas t même dans ene hadice rapporté dans Saheeh Boukhari. Pendant ça ene mois-là, Rasouloullah r ti faire Qounoute pou invoque malediction lors ene banne tribus couma رعل, ذكوان et عصية ki ti assassine ene bon groupe de Sahaba-e-Kiraam. Ça aussi li fine rapporté clairement et explicitement par Hazrat Anas t dans Saheeh Boukhari et Saheeh Mouslim et lezot livres de hadice. Selon ene hadice rapporté dans Saheeh Boukhari par Hazrat Abdullah Bin ‘Oumar t, Allah Ta’ala fine arrête la pratique de Qounoute dans fajar par révèle le verset :

"ليس لك من الامر شئ او يتوب عليهم او يعذبهم فانهم ظالمون" ٢٨ /ال عمران

« Li pas à ou à décidé (li à Allah Ta’ala si li oulé) soit li gracié banne-là ou bien li puni zotte parceki zotte banne (injustes). » (S3/V128)

Ça montré ki la pratique de Qounoute dans namaz fajar li pas ene pratique permanente et reguliere. Li ene pratique occasionnelle seulement couma Hazrat Abou Hourairah t fine rapporté :

"كان رسول الله r لا يقنت فى الصبح الا ان يدعو لقوم او يدعو على قوم" (صحيح ابن حبان)

« Rasouloullah r pas ti pé faire Qounoute dans namaz fajar à moins quand li ti pé faire doah en faveur kit groupe ou bien contre kit groupe. » (Sahih Ibn Hibbaan)

Le hadice de Hazrat Abou Hourairah t fine bien précise avec l’emphase l’occasion dans laquelle Rasouloullah r ti pé faire Qounoute dans namaz fajar. Ça montré ki li ti ene pratique occasionnelle.

Question:

Ki bane sahabah dire lor sa sujet la?

Reponse:

(1)  Hadice Hazrat Abou Maalik t

عن ابى مالك الاشجعى قال قلت لابى يا ابت! انك قد صليت خلف رسول الله r وابى بكر وعمر وعثمان وعلى رضى الله تعالى عنهم ههنا بالكوفة نحوا من خمس سنين أكانوا يقنتون؟ قال اى بنى! محدث. (الترمذى)

Traduction :

Rapporté de Abou Maalik Al-Ashja-ï ki fine dire : Mo fine dire avec mo papa : « O mo papa ! Ou fine faire namaz derrière Rasouloullah r, Hazrat Abou Bakr t, Hazrat ‘Oumar t Hazrat ‘Ousman t et ici dans (la ville) Koufah pendant à peu près cinq banané derrière Hazrat Ali t. Eski banne-là ti pé faire Qounoute ? Li (papa Abou Maalik) fine dire : O mo garçon ! C’est ene innovation. » (Tirmizi)

Position hadice :

Ça hadice-là fine qualifié de ene hadice حسن صحيح (passable et authentique) par Imam Tirmizi.

Explication :

Le narrateur c’est Abou Maalik ki fine rapporte ça hadice-là de so papa.

Abou Maalik so vrai nom c’est سعد et so papa appelle طارق بن اشيم (Taariq Bin Ashyam). La question c’était eski Rasouloullah r et so banne Califes après li ti faire Qounoute ? En réponse, Taariq Bin Ashyam t qualifié ça pratique-là de innovation. Ça veut dire ki ça pratique-là pas ti existé dans l’époque Rasouloullah r et so banne Califes. Le hadice pas dire narien concernant ki namaz la question de faire Qounoute ti posé. D’après la version de Ibn Majah ki fine qualifié de Hassan (passable et bon) par Allaamah Ibn Hajar Al-Asqalaani dans At-Talkhees, fine précisé ki la question c’était concernant la pratique de faire Qounoute dans namaz fajar. Donc selon le Sahabi Hazrat Taariq Bin Ashyam, la pratique de faire Qounoute dans namaz fajar li ene innovation. C'est-à-dire li ene pratique ki pas ti existé dans l’époque Rasouloullah r ni dans l’époque so banne Califes. Ça explique la raison d’être de la pratique de la grande majorité. C'est-à-dire le جمهور (la grande majorité) pas fine pratique Qounoute dans fajar. Apres avoir rapporte ça hadice-là, Imaam Tirmizi faire ressortir :

"والعمل عليه عند اكثر اهل العلم"

“Et la pratique de la majorité de savants li basé lors ça (hadice-là)”.

C’est-à-dire la plus grande majorité de banne savants pas ti pé pratique Qounoute dans namaz fajar. A la tête de ça grande majorité-là nou ena Hazrat Abou Bakr t, Hazrat ‘Oumar t, Hazrat Ali t, Hazrat Abdullah Bin Mas’oud t et lezot.

Note : Ceki fine qualifié de innovation dans ça hadice-là, c’est la pratique de faire Qounoute dans namaz fajar comme ene principe établi lors ene base régulier. Quant à la pratique de Qounoute en cas nécessaire et occasionnellement, alors ça fine être pratiqué par banne Khoulafa-e-Rashideen après Rasouloullah r. Le hadice de Abou Maalik pas fine interfère avec ça question-là.

(2) Hadice Hazrat Abdullah Bin Mas’oud

"ان النبى r لم يقنت فى الفجر قط الا شهرا واحدا لم ير قبل ذلك ولا بعده وانما قنت فى ذلك الشهر يدعو على اناس من المشركين" (كتاب الآثار لمحمد)

Traduction : “Nabi r pas ti faire Qounoute du tout dans namaz fajar apart ene seul mois. Pas fine trouve li (faire ça) avant ni après. C’est necque dans ça ene mois-là ki li fine faire Qounoute pou envoye malédiction lors ene groupe de banne Moushrik”.

(Kitaabul-Athaar de Imaam Mouhammad R)

Position hadice : ça hadice-là li ene hadice sahih (authentique) selon Allaamah Ibn-ul-Houmaam (décédé en 861 Hijri). Perna narien à dire concernant l’authenticité ça hadice-là.

Explication : Rasouloullah r pas ti ena l’habitude faire Qounoute dans namaz fajar. C’est necque ene seul mois ki li fine pratique ça. Quand li fine arrête li après ene mois, li pas fine re-mette li en pratique. Donc Qounoute li pas ene partie intégrante dans namaz fajar. Si li ti forme partie dans namaz fajar, li ti bizin faire li tout le temps.

(3) La pratique Hazrat ‘Oumar t

"عن الاسود ان عمر t كان لا يقنت فى صلاة الصبح" (معانى الآثار للطحاوى)

Traduction : “Al-Aswad rapporté ki (Hazrat) ‘Oumar t pas ti pé faire Qounoute dans namaz fajar”. (Ma-aanil Athaar de At-Tahaawi)

Selon ene hadice dans Kitaabul-Athaar de Imaam Mouhammad, Al-Aswad dire :

"انه صحب عمر بن الخطاب t سنين فى السفر والحضر فلم يره قانتا فى الفجر حتى فارقه"

“Li fine reste en compagnie (Hazrat) ‘Oumar Bin Al-Khattaab t pendant des années en voyage et aussi surplace mais li pas fine trouve li faire Qounoute dans namaz fajar juska ki li séparé avec li”. (Kitaabul-Athaar de Imaam Mouhammad)

Hazrat Al-Alqamah, Al-Aswad et Masrouq dire :

"كنا نصلى خلف عمر الفجر فلم يقنت" (معانى الآثار للطحاوى)

“Nou ti pé faire namaz fajar derrière (Hazrat) ‘Oumar t mais li pas ti pé faire Qounoute”.

(Ma-aanil Athaar de At-Tahaawi)

Banne grand Tabei couma Al-Aswad, Al-Alqamah et Masrouq fine gagne l’occasion reste ene bon boute le temps en compagnie Hazrat ‘Oumar t. C’était banne zélèves Hazrat ‘Oumar t ki zotte fine gagne la chance et l’occasion reste avec li partout et observe bien ceki li faire. De ce fait ceki zotte fine observé et ensuite ceki zotte fine déclaré concernant la pratique de Qounoute, mérite prend li en considération,  ça signifié ki Hazrat ‘Oumar t pas ti pé faire li. Si li ti ene pratique ki ti bizin faire li régulièrement, alors Hazrat ‘Oumar t ti bizin faire li.

(4) La pratique Hazrat Abdullah Bin Mas’oud 

"عن علقمة قال كان عبد الله t لا يقنت فى صلاة الصبح" (معانى الآثار للطحاوى)

Traduction :

“Hazrat Al-Alqamah dire ki (Hazrat) Abdullah (Bin Mas’oud) t pas ti pé faire Qounoute dans namaz fajar”. (Ma-aanil Athaar de At-Tahaawi)

"عن الاسود قال كان ابن مسعود لا يقنت فى شئ من الصلوات الا الوتر فانه كان يقنت قبل الركعة"

(معانى الآثار للطحاوى والطبرانى)

Traduction : “Al-Aswad rapporté ki (Hazrat Abdullah) Bin Mas’oud t pas ti pé faire Qounoute dans aukene namaz apart witr. (Quant à witr) Li ti pé faire Qounoute là-dans avant (faire) roukou”. (Ma-aanil Athaar de At-Tahaawi/Tibraani)

"عن ابراهيم ان ابن مسعود لم يقنت هو ولا احد من اصحابه حتى فارق الدنيا يعنى فى صلاة الفجر"

(كتاب الأثار لمحمد)

Traduction :

“Ibraheem rapporté ki ni (Hazrat Abdullah) Bin Mas’oud t ni kikene parmi so banne zélèves ti pé faire Qounoute, c'est-à-dire dans namaz fajar ziska ki li fine quitte le monde”. (Kitaabul Athaar de Imaam Mouhammad)

Remarque : Les deux hadices ki Al-Alqamah et Al-Aswad fine rapporté c’est banne hadice authentique. Quant à hadice ki Ibraheem Nakh-ï fine rapporté, ça aussi li authentique malgré li paraite ene hadice Mounqati’. C’est parceki li rapporte hadice de Hazrat Abdullah Bin Mas’oud t dans ça façon-là quand li tanne ça hadice-là à travers ene quantité personnes. A noté ki hadice منقطع (Mounqati’) c’est ene hadice ki au milieu so sanad ena kit rawi (narrateur) fine tombé. Donc à la lumière ça explication-là, ça hadice ki Ibraheem Nakh-ï fine rapporté, li paraite ene hadice Mounqati’ mais au fond de li même, li ene hadice authentique pou la raison ki fine mentionné là-haut.

(5) La pratique Hazrat Abdullah Bin ‘Oumar

"عن ابى الشعثاء قال سئلت ابن عمر عن القنوت فقال ما شهدت وما رأيت" (معانى الآثار للطحاوى)

Traduction :

 “ Abou Ash-Sha’tha rapporté : Mo fine dimane (Hazrat Abdullah) Bin ‘Oumar t a propos Qounoute. Alors li fine dire : Ni mo fine témoigné ni mo trouvé”.

(Ma-aanil Athaar de At-Tahawi)

Position hadice : C’est ene hadice ki so sanad li authentique. Donc le hadice li ene hadice saheeh (authentique).

"ان عبد الله بن عمر كان لا يقنت فى شئ من الصلاة" (مؤطا الامام مالك)

Traduction :

“ (Hazrat) Abdullah Bin ‘Oumar t pas ti pé faire qounoute dans aukene namaz (faraz)”. (Mou’atta Imaam Malik)

"عن ابى مجلز قال صليت خلف ابن عمر الصبح فلم يقنت فقلت آلكبر يمنعك فقال ما احفظه عن احد من اصحابى" (معانى الآثار للطحاوى /الطبرانى)

Traduction :

“ Abou Mijlaz rapporté : Mo fine faire namaz fajar derrière (Hazrat Abdullah) Bin ‘Oumar t alors li pas fine faire Qounoute. Lerla mo fine dire “Eski la vieillesse fine empêche ou (faire Qounoute) ?” Li fine dire : “Mo pas rappelle ça (pratique-là) de la part personne dans mo banne collègues”. (Ma-aanil Athaar de At-Tahawi/Tibraani)

Remarque :

La façon ki Abou Mijlaz fine pose so question, laisse paraite ki la pratique de faire Qounoute dans namaz fajar ti bizin existé quelque part. Couma li possible ki la pratique occasionnelle de Qounoute fine donne Abou Mijlaz l’impression ki c’était ene pratique réguliere. Mais la réponse de Hazrat Abdullah Bin ‘Oumar t fine montré ki ça pas ti pratiqué par banne Sahaba-e-Kiraam en général et li pas ti ene pratique réguliere. Ça même pé paraite pli logique parceki ene kitchose ki ti pé pratiqué tous les jours partout par banne Sahab-e-Kiraam pas ti capave reste cachiette avec Hazrat Abdullah Bin ‘Oumar t pou li dire ki li pas rappelle kikene ki fine pratique ça.

"عن ابى الشعثاء قال سئل ابن عمر عن القنوت فقال ما القنوت؟ فقال اذا فرغ الامام من القرائة فى الركعة الآخرة قام يدعو قال ما رأيت احدا يفعله ..." (معانى الآثار للطحاوى)

Traduction :

“Abou As-Sha’tha rapporté ki (kikene) fine dimane (Hazrat Abdullah) Bin ‘Oumar t a propos Qounoute. Alors li fine dire “ki Qounoute ?” Alors la personne fine dire “Quand Imaam termine Qiraat dans deuxième rakaat, li diboute pou faire doah (ça  Qounoute-là). (Lors ça) li fine dire : “Mo pas fine trouve personne faire li.”

(Ma-aanil Athaar de At-Tahawi)

Explication : Selon ene hadice dans Boukhari, Hazrat Abdullah Bin ‘Oumar t fine rapporté ki Rasouloullah r ti pé envoye malédiction lors un tel un tel quand li ti pé lève so la tête depi dans roukou’ dans deuxième rakaat fajar.

En présence ene hadice pareil, coumanière li possible ki Hazrat Abdullah Bin ‘Oumar t fine capave ignore conne ça pratique-là ? Ça signifié ki la pratique ki li ti témoigné de la part Rasouloullah r ti arrêté après la révélation du verset 128/ Sourah 3. Après ki ça fine arrêté, li pas fine trouve personne pratique li régulièrement. Li vrai ki selon ene hadice dans Saheeh Boukhari, Hazrat Abdullah Bin ‘Oumar t fine rapporté ki Nabi r ti faire ça. Mais ça c’était ene pratique ki ti pratiqué auparavant ki li pas fine considéré parceki kitchose ki fine abrogé, li pas être considéré normalement. Donc ceki li fine ignore reconnaite, c’est la pratique de qounoute lors ene base permanent comme ene partie intégrante dans namaz fajar. Là-dans li pas fine interfère avec la pratique de qounoute occasionnellement.

(6) La pratique Hazrat Abdullah Bin Abbaas t

"عن مجاهد وسعيد بن جبير: ان ابن عباس كان لا يقنت فى صلاة الفجر" (مصنف ابن ابى شيبة)

Traduction :

“Hazrat Moujahid et Hazrat Said Bin Joubair rapporté ki (Hazrat Abdullah) Bin Abbaas t pas ti pé faire Qounoute dans namaz fajar”. (Mouswannaf Ibn Abou Shaibah)

عن عمران بن الحارث السلمى : "صليت خلف ابن عباس الصبح فلم يقنت" (معانى الآثار للطحاوى)

Traduction :

Imraan Bin Al-Haarith As-Salami rapporté :

“Mo fine faire namaz fajar derrière (Hazrat Abdullah) Bin Abbaas t mais li pas fine faire Qounoute”. (Ma-aanil Athaar de At-Tahawi)

(7) La pratique Hazrat Anas Bin Malik t

غالب بن فرقد (Ralib Bin Farqad) rapporté:

"كتب عند انس بن مالك شهرين فلم يقنت فى صلاة الغداة" (الطبرانى)

Traduction:

“Mo ti reste deux mois à cote (Hazrat) Anas Bin Malik t, alors li pas fine faire Qounoute dans namaz fajar”. (Tibraani)

 Remarque:

Banne hadice concernant faire Qounoute dans namaz fajar fine rapporté par Hazrat Anas t. Et c’est li même ki fine rapporté ki ça pratique-là ti duré juska ene mois avant être abandonné. Ça même Hazrat Anas t pas fine pratique Qounoute dans fajar pendant ene période de deux mois. Tout ça la montré ki Qounoute dans namaz fajar pas ti ene pratique réguliere.

(8) La pratique Hazrat Abdullah Bin Zubair t

"عن عمرو بن دينار قال كان عبد الله بن الزبيز t يصلى بنا الصبح بمكة فلا يقنت"

(معانى الآثار للطحاوى)

Traduction:

“Amr Bin Dinaar rapporté ki (Hazrat) Abdullah Bin Zubair t ti pé faire nou faire namaz fajar dans Makkah mais li pas ti pé faire Qounoute”.

(Ma-aanil Athaar de At-Tahaawi)

(9) Hazrat Abou Darda t et Qounoute dans fajar

"عن علقمة بن قيس قال لقيت ابا الدرداء بالشام فسألته عن القنوت فلم يعرفه"

(معانى الآثار للطحاوى)

Traduction : 

“Alqamah Bin Qais rapporté : Mo fine joine (Hazrat) Abou Darda t dans Shaam (nom ene l’endroit) et mo fine dimane li concernant Qounoute. Mais li pas fine reconnaite ça”. (Ma-aanil Athaar de At-Tahaawi)

Explication :

Qounoute dans namaz fajar li pas ti ene pratique réguliere. Qounoute ki Hazrat ‘Oumar t ou bien Hazrat Ali t fine faire dans namaz fajar c’était Qounoute Nazilah. C'est-à-dire ene Qounoute ki faire pendant ene moment très difficile ki affecté la communauté en général, lors ene base temporaire ki capave duré continuellement juska ene mois. Parceki Rasouloullah r ti commence faire li dans ene moment difficile et li fine garde li en pratique pendant seulement ene mois. Li pas fine refaire li. Mais quand banne ‘Oulama fine trouvé ki banne Sahaba-e-Kiraam fine faire li après Rasouloullah r occasionnellement, ça fine amene zotte pou conclure ki c’est la pratique continuelle et réguliere de Qounoute dans fajar ki fine abrogé. Quant à la pratique occasionnelle et temporaire dans banne situations difficile li encore maintenir. Ash-Sha’bi rapporté :

"لما قنت على فى صلاة الصبح انكر الناس ذلك فقال على انما استنصرنا على عدونا"

(مصنف ابن ابى شيبة)

“Quand (Hazrat) Ali t ti faire Qounoute dans namaz fajar, banne dimoune fine trouve ça étrange. Alors (Hazrat) Ali t fine dire : “(Nou pas fine faire narien) apart ki nou fine cherche aide contre nou adversaire”. (Mouswannaf Ibn Abou Shaibah)

Explication :

Ça montré ki Qounoute pas ti ene pratique habituelle et permanente dans namaz fajar. C’est acoze ça même le public en général fine trouve ça étrange. De l’autre coté ça montré ki capave faire li quand juge li nécessaire couma Hazrat Ali t fine faire ça dans le but pou faire doah pou gagne aide contre l’adversaire.