Question.
Eski gagne droit mange crabe ?
Reponse.
Comme ene principe li bon ki nous faire ressortir ki d’après recherche du Mazhhab de Hanafi li pas permette pou consomme aukene kitchose ki sorti depuis la mer appart poisson. C'est-à-dire parmi tous banne créature ki ena dans la mer juste poisson ki permette pou manger. Donc crabe li pas être considéré comme poisson alors pas pou gagne droit consomme li. Même règlement appliqué pou calamar, homard, orite , etc.
Question.
Eski gagne droit mette ene t-shirt ki ena ene dessin animé (dimoune, zanimo etc) ou ene écriture par devant quand pe faire namaz.
Réponse.
Li Makrooh-e-Tahreemi pou ene personne faire namaz avec sa qualité linge la. C’est à dire li ene action détestable de dernier degrés, malgré ki sa personne la fine décharge so responsabilité quand li fine faire namaz la, mais li pas pou gagne récompense lor sa namaz la.
Ena plusieurs critères ki faire sa namaz li vine makrooh :
1. Tous bannes Ulama et Banne Fuqahaa (juristes) zotte d'accord ki li totalement illégale d'après shariat pou dessine banne images de banne objets animés. Dans la même façon li pas permette pou mette ene linge ou bien garde ene kitchose lor ki ena dessin de sa banne images la.
Nabi (s.a.w) fine servi ene ton asser sévère a l'égard de ene personne ki dessine banne dessin animé ou bien garde sa banne dessins la.
HADEETH
و عن أم المؤمنين عائشة قالت: قدم النبي صلى الله عليه وسلم من سفر وعلقت درنوكا فيه تماثيل فأمرني أن أنزعه فنزعته
(رواه البخاري)
Traduction:
Rapporté depuis Aisha (r.a) ki : Ene fois Nabi (s.a.w) fine retourner depuis ene voyage et mo ti appendant ene rideau ki fin (lor la porte) dans ki ti ena banne images, Nabi (s.a.w) fine ordonne moi pou tire li alors mo fine tire li. (Bukhari)
Sa hadeeth la fine mentionné dans Muslim shareef aussi, cote la fine mentionne Nabi (s.a.w) so mécontentement vis-a-vis sa kitchose la a tel point ki so visage mubaarak fine pâli et li fine déchire sa rideau la en disant ki " Celui ki pou gagne plus beaucoup punition le jour du Qiyaamat c'est ene personne ki fine imite Allah dans so création.
Ene l'autre Hadeeth
عن أم المؤمنين عائشة رضي الله عنها قالت : واعد رسول الله صلى الله عليه وسلم جبريل عليه السلام في ساعة يأتيه فيها , فجاءت تلك الساعة فلم يأته وفي يده عصاً فألقاها من يديه وقال : ما يخلف الله وعده ولا رسله , فالتفت النبي فإذا جرو كلبٍ تحت سريره فقال : يا عائشة متى دخل هذا الكلب هاهنا ؟ فقالت : والله ما دريت , فأمر به فأخرج ,فجاء جبريل فقال رسول الله صلى الله عليه وسلم : واعدتني فجلست لك فلم تأتِ فقال : منعني الكلب الذي كان في بيتك إنا لا ندخل بيتاً فيه كلباً ولا صورة
(رواه مسلم)
Traduction:
Rapporté par Ummul Mu'mineen Hazrat Aisha (r.a) ki ene fois Hazrat Jibraeel (a.s) fine promette Nabi (s.a.w) ki li pou vine joinde li dans ene certaine moment. Quand moment la fine arrivé, Hazrat Jibraeel (a.s) pas fine paraitre, Dans Nabi (s.a.w) so la main ti ena ene bâton, Nabi (s.a.w) fine jette bâton la, et li fine dire ki Jamais Allah pou alle en contre de so promesse et ni so messager, après sa Muhammad (s.a.w) fine retourné, soudain li fine remarqué ki ti ena ene ti li chien en bas so li-lit.
Nabi (s.a.w) fine dire: O Aisha ! Quand sa li chien la fine rentre ici ?
Aisha (r.a) fine réponde : Par Allah mo pas au courant de sa.
Ensuite Nabi (s.a.w) fine donne l'ordre et fine faire tire sa li chien la.
Après sa Hazrat Jibraeel (a.s) fine vini. Nabi (s.a.w) fine dire li ki to fine promette moi et mo fine reste attanne toi mais to pas fine vini. A ce moment la Hazrat Jibraeel (a.s) fine réponde ki sa li chien ki ti dans to la caze la ki fine empêche moi vini, parceki nous pas rentre dans ene la caze ki ena li chien et image (photo). (MUSLIM)
Apparte sa ena beaucoup banne les autres ahaadeeth authentique ki montrer nous Shariat so point de vue concernant image, photo etc. et même bannes anges de bénédiction pas mette zotte présence dans banne lieu cote ena sa banne images la. Sa même suffit pou montrer nous ki quantité li grave et li ene action détestable pou ene personne mette ene vêtement pareil pou déboute devant so créateur.
2. Coumça même li ene manque du respect pou mette ene linge pareil surtout quand pe vine dans masjid pou faire namaz. Parfois nous pas porte attention ki dessin ena lor nous linge. Ena dimoune vine masjid avec banne photos obscènes imprime lor linge, ou même banne écriture ki pas correcte. Et sa capave distraire ene personne so l’attention depuis so namaz.
3. Li capave vine ene moyen pou annule ene dimoune so namaz parceki si ene personne ki pe faire namaz (même en jamaat) prononce banne écriture ki fine imprimé lor linge de ene personne ki pe diboute devant li, alors sa personne la so namaz pou casser.
Donc même banne linge ki ena écriture nous bizin évité quand nous pe faire namaz surtout dans masjid.
Question.
(1) Est-ce ki dans Hadeeth authentique prophète fine ordonne nous pou garde la barbe?
(2) ki longueur li sunnah pou garde la barbe ?
Reponse. 1
Oui ! Nabi (s.a.w) fine ordonne nous pou garde la barbe. Donc li waajib pou garde la barbe. celui ki pas garde la barbe pe néglige ene grand Sunnah du prophète (s.a.w) et aussi li pe désobéir Nabi (s.a.w).
"عن ابن عمر قال قال رسول الله صلى الله عليه وسلم انهكوا الشوارب واعفوا اللحى (البخارى)
sa hadeeth la li bien claire et li pas nécessite explication.
Reponse. 2
En ce qui concerne longueur la barbe ki li sunnah pou garder nous ena ene hadeeth ki donne nous ene indication bien claire.
"عن نافع عن ابن عمر عن النبى صلى الله عليه وسلم قال خالفوا المشركين وفروا اللحى واحفوا الشوارب. وكان ابن عمر اذا حج اوعتمر قبض على لحيته فما فضل اخذه (البخارى)
Traduction:
Dans sa hadeeth la , Sa narateur la (Ibn Umar r.a) fine pratiquement donne nous ene explication lor Prophete (s.a.w) so parole quand li ti pe dire par garde la barbe et jusqu'a ki longueur li sunnah pou garde la barbe.
Question.
ki veut-dire sajdat-ut-tilaawah et couma bizin faire sajdah la?
Reponse.
Tilawaat veut dire ‘‘lecture’’. Ena plusieurs places dans Qur'aan ki ene personne bizin faire sajdah qui nous appelle li sajdah tilawaat quand li lire sa banne place la ou bien fine tande ene l’autre personne lire li quand li en dehors namaaz.
Ena 14 places ki ena sajdah tilawaat dans Qur’an :
1. Surah A'raf - ayat 206 - para 9
2. Surah Raad - ayat 15 - para 13
3. Surah Nahl -ayat 50 -para 13
4. Surah Bani-Isra'il - ayat 109 - para 15
5. Surah Maryam - ayat 58 - para 16
6. Surah Hajj - ayat 18 para 17
7. Surah Furqaan - ayat 60 - para 19
8. Surah Naml - ayat 26 - para 19
9. Surah Sajdah - ayat 15 - para 21
10. Surah Swaad - ayat 25 - para 23
11. Surah Haameem sajdah - ayat 38 - para 24
12. Surah Najm - ayah 62 - para 27
13. Surah Inshiqaaq - ayat 21 - para 30
14. Surah A'laq - ayat 19 - para 30
* Si ene personne li pé lire a plusieurs reprise ene Ayat-é-sajdah, mais li pé assize dans ene seule place
ki li pas fine lévé du tous, alors li faire ene seule sajdah, au cas contraire si li fine change place alors
li bizin ré-lire Ayat-é-sajdah là, li besoin faire plis ki ene Sajdah Tilawaat.
* Li makrouh pou quitte ayat à côte ena sajdah tilawaat pou continue lire ene l'autre ayat.
* Li makrouh pou renvoie ene sajdah pou plis tard, meilleur faire li tout de suite après recitation ayat là,
et ensuite li capave continue so tilaawat.
* Li permette, et li préférable pou lire doucement ene ayat-e-sajdah quand ena plusieurs personne.
* Banne obligations ki appliuer pou Namaaz zotte applique pour sajdah-e-tilaawat aussi :
2. Propreté l'endroit.
3. Figure en face Qiblah.
4. Couvert sitr.
5. Niyat pour sajdah.
Li haraam pou faire sajdah tilawaat sans wazou.
Si ene personne a côté fine tende sa ayat-é-sajdah depuis la bouche ene dimoune li aussi bizin faire sajdah.
Dans roulot cassette si tende ene ayat pas néccessaire faire sajdah .
Quand ene dimoune lire ene ayat a côte ena sajdah tilaawat, li meilleur debouté, dire Takbir et alle directement dans sajdah et lire Tasbih (minimum 3 fois). Nous redire Takbir et nous redresse nous.
Si ene dimoune fine lire ene ayat-e-sajdah dans namaaz tout de suite après ayat la lire alle directement dans sajdah dans sa namaaz la même. Quand li fini faire sajdah-là, li relevé li alle dans Qiyaam et continue so Qira'at.
Question.
Couma bizin accomplir chaque posture dans namaz d'après sunnah?
Reponse.
Hazrat Ml Fazlur-Rahmaan Azmi (Daamat Barakaatuhum) Sheikh-ul-Hadeeth Dans Dar-ul-Uloom Azaadville fine écrire ene ti livret lor façon faire namaaz en anglais, mo pe présente li en bref devant ou en créole. ki Allah récompense Maulana énormément et faire nous continué profiter avec so connaissance.
FAÇON FAIRE NAMAZ
Tout d’abord observe sept (7) conditions avant namaz.
1. le corps bizin paak (propre).
2. Linge bizin paak (propre).
3. Place cote pou faire Namaz bizin paak (propre).
4. Bizin tourne vers Qiblah.
5. SITR (partie privée) bizin couvert.
6. Bizin faire Niyyat (l’intention).
7. Bizin faire Namaz dans so l’heure.
QIYAAM : (POSITION DIBOUTE DANS NAMAZ)
1. Li pied bizin droite dans direction Qibla.
2. Entre tous les deux li pied quitte ene distance de 4 doigts à 12 doigts.
3. Mette li pied lor la ligne quand pe faire namaz en jamaat (congrégation).
TAKBEER : (QUAND LEVE LA MAIN POU DIRE ALLAHU AKBAR)
1. Plat la main bizin dans direction Qibla
2. Les doigts la main bizin libre (normale), pas ouvert zotte ni ferme zotte.
3. Quand lève la main faire pouce aligné (vis-à-vis) a côté boute zoreille.
4. Garde la tête droite dans direction Qibla, pas lève li la haut ni baisse li en bas.
5. Guette dans direction Qibla ou bien dans place cote pou faire sajdah.
6. Quand fini lève la main dire ALLAHU AKBAR ensuite attache la main.
ATTACHE LA MAIN :
1. Quand fini faire takbeer pas largue la main en bas avant attaché.
2. Pose la main droite lor la main gauche.
3. Attache tous les deux la main juste en bas nombril.
4. Paume la main droite lor poignet la main gauche.
5. Faire ene rond avec pouce et auriculaire (ti le doigt) la main droite autour poignet la main gauche.
6. Pose trois les doigts ki rester lor avant bras de la main gauche.
7. Regard fixer dans place cote pou faire sajdah.
RUKU : (COURBER 90° DEGRES).
1. Attrape genoux avec les doigts séparés.
2. Garde la tête, le dos et postérieur (derrière) dans ene seule niveau.
3. Sépare les bras depuis le rein et ventre, et garde la main droite.
4. Garde tous les deux li pied droit. (pas cabosse genoux)
5. Li pied dans direction Qibla et tous les deux chevilles bizin aligné (vis-à-vis).
6. Faire regard fixer bannes orteils (les doigts) li pied.
7. Lire tasbeeh au minimum trois fois.
QAWMAH :
1. Position debout après ruku appelle Qawmah.
2. Li waajib (obligatoire) pou faire qawmah.
3. Li obligatoire pou faire ene pause (itmeenaan) dans qawmah.
4. Sa pause la pou duré longueur ene tasbeeh (subhaanallah).
5. Si ene personne fine néglige sa pause (itmeenaan) la volontairement, li bizin refaire namaaz.
6. Si par erreur li pas fine faire pause la, li pou bizin faire sajdatus-sahw.
7. Si nous lire masnoun duaa ki fine mentionner dans qawmah nous pou échappé depuis sa erreur la.
رَبَّنا َلَكَ الْحَمْدُ مِلأَ السَّموَاتِ وَمِلأَ الأَرْضِ وَمِلأَ مَا شِئْتَ مِنْ شَيْءٍ بَعْدُ
ALLE DANS SAJDAH :
1. Quand alle dans sajdah pas verse la poitrine (l’estomac) par devant, garde li droite. Seulement genoux bizin cabosse.
2. Quand alle dans sajdah mette la mains lor genoux.
3. Après sa, pose genou en bas.
4. Ensuite pose la mains dans place cote pou faire sajdah.
5. Finalement pose front en bas. (Nenez aussi bizin touche en bas ensemble avec front).
SAJDAH:
1. Dans sajdah les doigts la main bizin costé ensemble, pas quitte l’espace entre zotte.
2. Boute les doigts et pouce bizin dans direction qibla.
3.Dans sajdah garde le bras séparé depuis flanc (côte), flanc bizin paraître, dans la même façon faire la jambe séparé depuis ventre. Ventre bizin pas gagne ene support avec la jambe.
4. Pas pose coude lor la terre (poignet bizin en bas et avant bras bizin la haut).
5. Dans namaz faraz pas ouvert la main coté droite et gauche sa quantité la ki banne ki pe faire namaz a coté gagne difficulté.
6. Place la tête entre deux la mains dans ene façon ki boute pouce aligné avec lobe zoreille.
7. Dans sajdah joindre tous le deux genoux ensemble.
8. Dans sajdah bizin cabosse orteils (les doigts li pied) dans direction Qibla, li contre sunnah pou laisse orteils droite dans direction enbas.
9. Ena dimoune cabosse so orteils contre Qibla, sa aussi pas bon.
10. Nous bizin faire bannes orteilles-la touche en bas. Si ene personne fine lève so deux li pieds la haut dans entier sajdah, so namaz pou cassé.
11. Quand ene personne faire sajdah li aussi sunnah ki so deux talons joindre ensemble, pou réussi faire sa bizin joindre tous les deux li pieds ensemble.
12. Li sunnah pou lire trois fois tasbeeh dans sajdah, ene personne capave lire plus ki sa, mais pas moins.
JALSAH :
1. Pou assizé entre deux sajdah appelle JALSAH.
2. Li waajib (obligatoire) pou assizer dans jalsah.
3. Li obligatoire pou faire ene pause (itmeenaan) dans jalsah.
4. Sa pause la pou duré longueur ene tasbeeh (subhaanallah).
5. Si ene personne fine néglige sa pause la volontairement, li bizin refaire namaaz.
6. Si par erreur li pas fine faire pause la, li pou bizin faire sajdatus-sahw.
7. Si nous lire masnoun duaa ki fine mentionner dans jalsah nous pou échappé depuis sa erreur la.
أللهم اغفرلي وارحمني وعافني واهدني وارزقني
8. Place li pied gauche en bas et assise lor li, en même temps garde li pied droite dans position debout en dirigeant orteils ver qibla.
9. Ena banes dimounes ki garde tous les deux li pied droite debout et zotte assize lor talons et ena aussi ki croise zotte li pied, tous les deux façon pas bon et zotte contre sunnah.
10.Nous bizin assize dans tous les deux qa’dah pareil couma nous assizer dans jalsah.
FAÇON POSE LA MAINS DANS JALSAH ET QA’DAH :
1. Pose la main lor la jambe dans ene façon ki bannes les doigts dans direction qibla, et faireles doigts arrête cote la jambe terminer.
* Dans ene l’autre hadeeth fine mentionner ki Nabi (sallallaahu alaihi wasallam) ti pe poseso la main gauche lor genou et ti pe attrape li. (Dans sa facon la bannes les doigts la main gauche pou dans direction en bas au lieu que qibla.
2. Quand commence lire tashahhud (At-tahiyyaat) les doigts bizin posé lor la jambe ou genoux.
3. Mais quand fine arrive sur le mot Ash-hadou (أشهد) faire ene rond avec pouce et le doigts au milieu (le majeur).
4. Et en même temps joindre deux dernier les doigts (annulaire et auriculaire) et faire zotte boute touche avec paume la main.
5. Après sa quand pe lire laa-ilaaha (لا إله ) leve l’index dans direction qibla, ensuite baisse li en bas quand lire Il-lallaahou (إلا إلله ) , bannes les autre les doigts pou reste intact (couma fine mentionner la haut) jusqu'à finission.
6. Quand leve l’index au moment shahaadah, nous leve li dans direction qibla, pas dans direction le ciel.
FAÇON FAIRE SALAAM :
1. Quand faire salaam tourne figure a droite et a gauche sa quantité la ki ene personne par derrière capave trouve la joux de sa personne ki pe faire salaam la.
2. Tourne figure en même temps quand dire Assalaamu alaikum wa rahmatullah.
3. Quand fini faire salaam côté droite, retourne figure vers Qiblah, ensuite depuis ici commence salaam côté gauche.
· Ena dimoune commence deuxième salaam directement depuis premier salaam sans ki li retourne so figure vers Qibla, sa li pas correct.
4. Quand pe faire salaam côté droite et gauche faire l’intention de salaam pou bannes dimounes et bannes anges ki trouve dans sa deux côté la.
DUAA APRES NAMAAZ :
Faire dua après Namaaz li pas ni farz (obligatoire), ni bid’ah (innovation), mais li préférable ki ene personne faire duaa et li demande Allah pou accepté so ibaadat etc.
Ene sahabi (compagnon du prophète) fine dimande Nabi (s.a.w) : Parmi banne duaa ki dua ki pli écouté (accordé) ? Ene de banne réponses ki Nabi (s.a.w) fine donner c’est :
«Duaa ki faire après chaque namaaz farz »
Donc après namaaz farz ene personne capave faire duaa individuellement et couma li capave dire Aameen lor Duaa ki imaam pe faire.
1.Quand faire duaa lève la mains sa quantité la ki zotte alignés avec la poitrine (chest).
2. Quand faire duaa nous bizin assize avec respect et humilité car Allah Ta’aala pas content bannes ki ena l’orgeille.
