Zenfant dans saff grand dimoune

Question.

Est-ce ki banne zenfant gagne droit faire namaz faraz dans saff grand dimoune ?

Reponse.

Li pas bon mette zenfant diboute dans saff banne grand dimoune. Boucou dimoune faire zotte zenfant diboute à coté zotte dans saff grand dimoune. Li pas ene bon pratique. D’après le mouswannaf Ibn Abou Shaibah, Hazrat ‘Oumar (r.a.) ti pé tire zenfant depi dans saff. D’après ene hadice ki trouve dans Sounan Abou Dawoud, Rassouloullah  ti pé classe saff banne zenfant derrière saff banne grand dimoune. Ena dimoune dire ki ça hadice-là li pas authentique acoze présence ene narrateur nommé Shahr Bin Hawshab dans so sanad. Mais pena narien de mal avec le narrateur Shahr Bin Hawshab parceki Imam Tirmizi meme fine qualifié banne hadice ki li fine rapporté de authentique. Apart Imam Tirmizi, banne savants de hadice couma Allaamah Al-Haithami, Allaamah Bin Hajar Al-Asqalaani aussi fine accepté li comme ene narrateur correcte.

Donc pena aukene raison pou rejette hadice ki li fine rapporté. Pou banne ki conné li bon ki zotte jette ene coup d’œil lors Meezanul-I’tidaal de Allaamah Az-Zahabi pou plis renseignement.

Da’wat dans la caze mayyat

Question.

Est-ce ki li sunnah pou banne famille de ene mort donne dimoune da’wat pou manger pendant 3 jours mayyat ?

Reponse.

Li makrouh (ene pratique détestable) pou la famille cote ena mayyat ki zotte faire da’wat (invitation) lors mangé parceki ça (donne mangé) fine faire pou l’occasion contentement non plus dans malheur. Et ça li ene vilain bid’ah (innovation/nouveauté). 

D’après ceki Imam Ahmad et Ibn Majah fine rapporté avec ene sanad (chaîne de narration) authentique, (Hazrat) Jarir Bin Abdullah (r.a)) dire : "Nou ti pé considère réuni dans la caze mayyat et préparation mangé de la part la famille mayyat comme ene pratique de Niyaahah (lamentation)." 

Fathul-Qadeer de Ibnul-Houmaam décédé en 681 H/Raddul-Muhtaar (Shaami)

N.B: Niyaahah (lamentation) veut dire crié ploré lors la mort kikene. C’est ene pratique ki fine interdit strictement par Nabi (s.a.w).

"Li makrouh (ene pratique détestable) pou faire mangé lors premier et troisième jour et aussi après ene semaine à l’occasion quand ena mayyat dans la caze."

(Fataawah Bazzaaziyyah décédé en 827 H / Raddul Muhtaar)