Vrai connaissance c'est connaissance de Deen, parceki Deen enseigne ene personne ene facon de vive dans ki li pou faire succee dans sa le monde la et dans Aakhirat aussi. Donc connaissance de deen li ene kitchose ki essentiel dans deen, donc li tres important pou ene personne guetter bien depuis ki sanla li pe acquerir so connaissance. mais sa pou realiser quand ene personne li conne valeur de sa deen la.
li absolument ene personne ki malade et li conne valeur de so la sante, alors sa personne la pas pou mette so la vie en jeux et li pas pou laisse n'importe ki sanla mette couteau avec li pou opere li, mais li pou faire zeffort ki li gagne ene plus meilleur docteur ki pou capave donne li ene bon traitement.
coumsa meme nous bizin prend plus beaucoup precaution en ceki concerne nous deen. nous pas capave suivre n'importe ki sanla ki pretend li ena la connaissance, la connaissance de deen veut dire la comprehension de deen. Allah Ta'aalaa pas donne La comprehension de deen a n'importe ki sanla, mais li donne sa a celui ki li choisirer.
Nabi(صل الله عليه و سلم) fine dire dans ene sens hadeeth:
من يرد الله به خيرا يفقهه فى الدين
celui avec ki Allah Ta'aalaa oule bienfait, li donne li la comprehension de deen
