Eski roussal vine faraz ?

Question:

Ene dimoune fine faire banne rêves érotiques mais quand li fine lève dormi, li pas trouve narien dans so linge. Est-ce ki ghoussal vine faraz lor li?

Reponse:

Non,li perna pou faire roussal. Par contre si li pas fine rêve narien comme érotique mais quand li fine levé, li fine trouve trace lors so linge. Alors dans ça cas-là, li bizin faire roussal.

Li bon conné ki si ene dimoune so roussal li cassé par faire banne rêves érotiques, alors ça pas casse so roza. Necque li ena pou faire so roussal et continué so roza. Mais li bizin pas exagéré dans mette de l’eau dans la gorge ou bien dans nenez quand li faire roussal parceki li risqué casse so roza si de l’eau fine monte dans nez-nez ou soit desanne dans la gorge.

Ene façon pou arrête faire péché

Question:

ki bizin faire pou reste loin avec péché?

Réponse:

1. reste occupée dans pense d'Allah (zikrullah). 

2. Si ene dimoune prend l’habitude reste avec wazou, ça dans ene certaine mesure capave aide li pou reste loin avec péché. Parceki quand li pou ena wazou lors li, li pou ena la volonté pou reste dans zikrullah. Couma nou conné, zikrullah li protége ene dimoune contre shaitaan, ki oulé à tout prix détruire li. Dans ene hadice, Rasouloullah (s.a.w) fine faire nou conné ki shaitaan reste assisé lors le cœur ene dimoune. Quand li faire zikr, shaitaan li avancé depi lors so le cœur et quand li arrête faire zikr, shaitaan revine pou fatigue li avec tout qualité mauvais pensé. Coumsa même quand ene dimoune ena wazou lors li, li essaye pou garde valeur ça wazou-là par pas guette kitchose ki haraam pou guetté. Li préserve so la bouche so zoreille et tous so banne organes de banne kitchose ki pas bon. Dans ce sens, wazou li servi li comme ene bouclier et ene genre de protection contre shaitaan. D’ailleurs d’après hadice, wazou li purifié ene dimoune de so banne péchés ki li faire. Donc li ene moyen de purification. Reste avec wazou, c’est ene de banne raisons ki fine accorde Hazrat Bilal (r.a) l’honneur ki Rasouloullah (s.a.w) fine tanne so son marché dans Jannat.

Faire Taqleed

Question:

 

Ene dimoune dire moi ki-li li pas faire taqleed (suivre) kikene, parce ki pas gagne droit faire taqleed. Est-ce ki li korek sa?

 

Réponse: 

 

li pas faire taqleed parceki li dire ki pas gagne droit faire taqleed. Mais eski li fine réalisé ki par faire taqleed kikene même ki li dire pas gagne droit faire taqleed ! Parceki ça ti connaissance ki li ena-là, pas permette li dire pas gagne droit faire taqleed sans faire taqleed kikene. Finalement ou pas fine capave empêche ou faire taqleed kikene dans dire pas gagne droit faire taqleed. Alors li fine retourne cote li ti démarré parceki li fine empêche faire taqleed par faire taqleed !

Pas gagne droit faire taqleed?

“Pas gagne droit faire taqleed” Ça li pas ene verset dans Qour’aan ça, ni li ene hadice. C’est ene kitchose ki dimoune fine dire par zotte l’esprit.

Gagne droit faire taqleed?

Mais en réalité gagne droit faire taqleed. Et c’est ça même ki li conforme et corresponne avec l’enseignement  Qour’aan et hadice. Pas seulement li permette. Li obligatoire pou ene dimoune ki pas capave faire so propre recherche. C’est suive ene dimoune ki pas dans Deen ki empêché. Mais suive ene dimoune ki ena connaissance et ki sérieux dans so Deen, ti jamais empêché d’après Qour’aan et hadice.