Position Qiyaam (diboute) dans namaz

Question.

Est-ce ki li obligatoire pou dibouter faire namaz ?

Reponse.

Li obligatoire pou observe qiyaam (position diboute) dans bannes namaz ki farz et wajib. Allah Ta’aala fine dire dans Quraan Kareem :

وقوموا لله قانتين

Traduction :" Et déboute divant Allah avec soumission

 

D'après consensus l'opinion de banne moufassireen sa Aayat la fine être révèle concernant namaaz, c'est-à-dire li ene l’ordre depuis Allah Ta’aala pou déboute dans namaaz.

 

 

Ki ene personne bizin faire si ena ene empêchement qui empêche li déboute entier namaz ?

 

Si ene dimoune li ma’zoor (cest a dire li ena ene empêchement pou dibouté dans qiyaam toute long so namaz farz ou waajib a cause la maladie etc), mais li capave diboute pou quelque moment seulement (même si li ena pou prend support avec ene baton ou bien muraille etc), alors li pou obligatoire lor li pou diboute sa quantité la, quand même ene quantité le temps qui permette faire takbeer-e-tahreemah, ou la quantité ene aayah ou ene parti qiraat. Après sa li assize en bas et li contine so namaz.

 

N.b. Sa pe montrer nous ki quand ene personne pas pe capave continuer reste déboute pou termine so namaz alors li capave assizer.Normalement quand pe dire assizé ça li signifie assize en bas. Donc li gagne droit assize cote li content dans namaz individuel ou avec jamaat.

 

 

Banne ki pas capave déboute du tout ki bizin faire ?

 

Si ene dimoune pena capacité ditout pou faire namaaz en posture déboute, si li débouté so maladie capave aggraver, ou bien sa pou prolonge so maladie, ou bien li gagne vomit quand li diboute, ou li gagne beaucoup douleur, alors dans sa bannes cas la li pou permettre pou li assize en bas pou faire so salaah dans n’import ki position ki pou facile pour li.

 

Dans ce cas qiyaam pas faraz lor li. Qiyaam li faraz necque quand li capave faire ruku ou/et sajdah dans façon normale. Dans sa cas la a cause li pas pou capave alle dans sajdah depuis qiyaam alors li pou preferable pou li assize en bas, et couma nous conner ki sajdah c’est ene posture important dans salaah alors li pli bon qui li assize en bas et accomplir sajdah par signe. Dans ce cas li bizin baisse ene tigite plis pour sajdah.

Dans ki position ene personne bizin faire namaz si li pas capave faire sajdah ?

 

Si ene dimoune pas capave alle dans sajdah acoze problem le dos etc. la aussi li pou meilleur pou li assizé pou accomplir so namaz. )mais ici préférablement li bizin assize en bas pas lor chaise(. Si la aussi li pe gagne beaucoup difficulté et li pas pe capave assize en bas, alors a ce moment la li capave servi stool/chaise comme ene dernier option.

 

 

Comment et cote bizin place chaise quand pe faire namaz en jamaat ?

 

Si ene personne pas pe capave assize en bas acoze problème genoux etc. a ce moment la li pou pli meilleur pou assise lor ene stool, si sa aussi li pas pe capave acoze problème le rein etc. alors la, li pou capave servi ene chaise ou banc cote li pou capave prend ene support.

Mais dans sa banne dernier option la c’est a dire quand li pou faire namaaz lor stool ou bien chaise etc. li pou bizin mette so chaise, stool dans ene façon cote la banne les autres mussalli pas gagne difficulté avec li. C'est-à-dire li bizin mette deux la patte a l’arrière la lor la line.

 

Pou évite banne inconvenance, dispute etc. dans masjid li bon qui sa personne la mette so chaise dans ene coin pou accomplir so namaaz avec jamaat quand saff la fine rempli, mais si saff la pas encore plein li pou bizin place so chaise/ stool cote saff la fine arrêter.

 

Note :

li makrooh tahreemi pou quitte l’espace entre saff et mouswalli quand pe faire namaaz en jamaat.