Question :
Mo vine dans masjid pou faire namaz et mo trouve Imam dans roukou’. Ki mo bizin faire ? Si mo réussi gagne roukou’, eski la-aussi mo bizin remplace ça rakaat-là ?
Réponse :
Li sounnah pou faire takbir-é-tahrîma dans posture diboute et ensuite joine Imam dans position ki li été. Si li trouvé ki li capave gagne suffisamment le temps pou lire sanaa (soubhanakallahoumma) et joine Imam dans roukou’ avant ki Imam levé dépi dans roukou’, alors li faire li. Sinon, li joine Imam dans roukou’ sans faire sanaa.
Selon Sounan Saïd Bin Mansour, Al-Baihaqî, Mouswannaf Ibn Abou Shaibah, Sahih Ibn Khouzaimah et Tahaawi, Hazrat Abdoul Aziz Bin Roufai t fine rapporté ki banne dimounes dans Madinah fine informe li ki Rasouloullah r fine dire:
“Celui ki trouve moi dans position qiyaam, roukou’ ou bien sajdah, alors li joine moi dans ça position-là (même).”
Selon Allaamah Ibn Hajar (R), ça hadice-là fine qualifié de ene hadice authentique par Allaamah Bin Hazm et Ibn Daqiq-oul-Eid. Nou ena ene hadice pareil ki fine rapporté par Hazrat Ali t et Hazrat Mou’aaz Bin Jabal t dans Tirmizi aussi.
Deuxième partie de ou question si eski ou bizin remplace ça rakaat-là au cas ou fine réussi joine Imam dans roukou’. Dans ce cas ou perna pou remplace ça rakaat-là. Si jamais nou remplace li, nou pou faire ene rakaat en plis ki pas correcte. D’après ene hadice de Abou Dawood, Rasouloullah r fine dire:
“Quand ou vine namaz dans ene moment acote nou dans sajdah, alors ou aussi ou vine dans sadjah, mais pas bizin considère li. Et celui ki fine gagne roukou’ (veut dire ki li) fine gagne salaat.”
Selon Mouswannaf Abdur-Razzaaq, Rasouloullah r fine dire :
“Pas considère sajdah à moins ki zotte fine gagne roukou’.”
Hazrat Abdoullah Bin Mas’oud t fine dire :
“Si mouswalli pas fine gagne roukou’, alors sajdah aussi pas compté.”
(Mouswannaf Ibn Abou Shaibah, Mouswannaf Abdour-Razzaaq, Tibraani)
Par ça nou capave déduire ki faudré bizin gagne roukou’ pou sajdah compté. Si ene personne pas fine gagne roukou’, veut dire ki necque ça sajdah-là pas pou faire li gagne ça rakaat-là. Alors li bizin remplace ça rakaat-là. D’après Mouattwaa Imam Maalik, Hazrat Abdoullah Bin Ou’mar t et Hazrat Zaid Bin Thaabit t fine dire :
“Celui ki fine gagne roukou’, fine gagne sajdah aussi.”
Dans ene lot hadice dans Mouattwaa même, Hazrat Abdoullah Bin Ou’mar t fine dire:
“Quand ou fine manque roukou’, ça veut dire ki ou fine manque sajdah (aussi).”
Ceki nou comprend par fatwa Hazrat Abdoullah Bin Ou’mar t, ki si kikene fine kikene fine gagne roukou’, alors automatiquement li fine gagne sajdah aussi. C’est ene façon pou dire ki li fine gagne ça rakaat-là. Selon Mouswannaf Abdour-Razzaq, Hazrat Abdoullah Bin Ou’mar t fine dire :
“Si ou joine Imam dans roukou’ avant ki li diboute droite, alors ou fine gagne rakaat-là. Et si avant ou joine Imam, li fine fini levé depi dans roukou’, alors ou fine perdi ça rakaat-là.”
Selon le Mouwattaa Imam Malik d’après la version Qa’nabi et Ibn Boukair, Hazrat Abdoullah Bin Ou’mar t et Hazrat Zaid Bin Thaabit t fine dire :
“Celui ki faire roukou’ avant ki Imam redresse-li dépi dans ça posture, alors li fine gagne sajdah aussi.”
Selon Mouswannaf Ibn Abou Shaibah, Hazrat Ali tet Hazrat Abdoullah Bin Mas’oud t fine dire :
“ Pas bizin compté Sajdah quand pas fine gagne roukou’.”
D’après Mouswannaf Ibn Abou Shaibah, le célèbre Tabei Hazrat Said Bin Al-Moussayyab (R) fine dire :
“Celui ki joine Imam dans roukou’ avant ki li lève la tête, fine gagne sajdah aussi.”
Haafiz Ibn Abdul Barr dire dans so Sharh-oul-Istizkaar :
“La majorité de banne fouqahaa (juristes) dire ki celui ki fine faire takbir, li pose so la main lors genoux et li joine Imam dans roukou’ avant ki Imam diboute droite, alors li fine gagne ça rakaat-là. Celui ki pas réussi faire ça, alors li fine perdi roukou’ et sajdah aussi. C’est-à-dire pas bizin compte sajdah quand fine rate roukou’. Imam Malik (R), Imam Abou Hanifah (R) et so banne compagnons, Ath-Thauri, Al-Awzaï (R), Abou Thawr (R), Imam Ahmad (R) et Imam Is-haaq (R) zotte tous partage même l’opinion. Hazrat Ali t, Hazrat Abdoullah Bin Mas’oud t, Hazrat Zaid t et Hazrat Abdoullah Bin Ou’mar t aussi fine rapporte même kitchose.”
Concernant la déclaration de Hazrat Abou Hourairah t selon laquelle ene rakaat pas compté si fine rate qiyaam avec Imam, Hafiz Ibn Abdoul Barr dire :
“D’après nou connaissance, c’est ene l’opinion ki aukene fouqahaa dans banne la villes pas fine adoptée. En plus de ça, ena discussion lors so sanad (chaine de narration.).”
D’après Mirqaat de Allamah Ali Al-Qaari, Allamah Ibn Hadjar (R) dire :
“Ene groupe de savants de hadice et de et Fouqahaa (juristes) parmi nou banne compagnons dire ki ene personne li pas gagne rakaat automatiquement même si li gagne roukou’ (avec Imam). Zotte base zotte lors ça hadice ki dire : “Celui ki trouve Imam dans roukou’, alors li bizin joine Imam dans ça posture-là et après (ça namaz-là), li bizin remplace ça rakaat-là.” ça l’opinion-là fine être contesté parceki li contre Ijma. Et d’ailleurs-là li pas ene hadice authentique. Allaamah An-Nawaawi (R) dire ki tous banne dimounes (‘Oulama) dand tout l’époque fine rejette ça hadice-là. Donc, nou pas capave considère-li.” Tout ça-là montré, quand fine gagne roukou’ avec Imam avant ki li diboute droite, ça veut dire ki fine gagne ça rakaat-là. Perna pou remplace li.
