Pli bon missié

Question.

ki sanla ki etre considerer comme ene pli bon missier?

Reponse.

Hadice Hazrat Aisha  (r.a)

ان من اكمل المؤمنين ايمانا احسنهم خلقا والطفهم باهله

(الترمذى)

Traduction:

"Ene pli bon croyant de par so imaan c'est ene ki pli bon de par so caractère et ki pli gentil envers so madame." (Tirmizi)

Explication: 

Ene dimoune so imaan li déterminé par so bon caractère et so façon d'agir avec so madame. Ene dimoune ki so caractère pas bon ou bien ki pas agir bien avec so madame pas capave être ene bon croyant.

Ene dimoune de bon caractère c'est ene dimoune sincère ki fine débarrasse li de banne manière couma la jalousie, l'orgueil, colère etc. Et ene bon façon d'agir avec ene madame signifié donne li so droit avec dignité et l'amitié dans ene façon convenable. Pli ene dimoune ena ça dans li, pli li pou ene bon croyant. Ça montré ki ene dimoune ki faire dominere avec so madame, pas capave être qualifié de ene bon musulman quand même li faire boucou ibaadat. Ene dimoune ki so imaan li ene imaan parfait, li pou toujours respecté droit so prochain et surtout droit de la personne ki pli proche avec li.

Pli bon partenaire dans la vie

Question.

ki banne criteres ene personne bizin observer dans ene madame avant li marier?

Reponse.

عن ابى هريرة عن النبى صلى الله عليه وسلم قال: تنكح المرأة لاربع لمالها ولحسبها وجمالها ولدينها فاظفر بذات الدين تربت يداك

(البخارى/مسلم)

Traduction:

Hazrat Abou Hourairah (r.a) rapporté ki Nabi (s.a.w) fine dire: "Ene madame li gagne demande en mariage acoze 4 kitchose: acoze so du bien, acoze so noblesse familiale, acoze so beauté, et acoze so Deen. (Quant à toi) considère toi gagnant avec ene ki ena Deen. (Sans quoi) to pou faire défaite." 

 (Sahih Boukhari/ Mouslim)

Explication:

Le hadice pé faire mention de banne facteurs ki en principe banne dimoune prend en considération avant zotte marié avec kikene. C'est à dire ene dimoune li capave intéresse marié avec ene madame acoze ki madame-là li bien possédé couma li intéressé avec li acoze ki li sorti dans ene grand famille. Mais très souvent dimoune attiré par ene madame so beauté. Et bien rare li intéressé avec ene madame acoze so Deen. Sans doute li ene grand cadeau si kikene fine gagne ene madame ki ena tous les 4 critères dans li. Mais si li ena 4 madames divant li ki personne parmi zotte pas possède tous les 4 qualités, alors d'après hadice li bizin choisir et donne préférence ça madame ki ena Deen dans li.

Beauté, richesse et noblesse familiale, c'est banne kitchose ki capave être considéré. Mais eski capave considère ça banne critères-là quand li trouve dans ene partenaire ki pena Deen? D'après hadice de Nabi (s.a.w), faudré ena Deen pou capave considère ça banne critères-là. Li bien pas bon guette beauté, richesse ou noblesse familiale au détriment de Deen. 

D'après ene l'autre hadice ki trouve dans Ibn Majah, Rassouloullah (s.a.w) fine dire:

لا تزوجوا النساء لحسنهن فعسى حسنهن ان يرديهن ولا تزوجوهن لاموالهن فعسى اموالهن ان تطغيهن ولكن تزوجوهن على الدين ولامة خرماء سوداء ذات دين افضل

(ابن ماجه)

Traduction:

"Pas marié avec banne madame acoze zotte beauté parceki zotte beauté capave détruire zotte. Ni marié avec zotte acoze zotte du bien parceki ena toute possibilité ki zotte du bien faire zotte révolté. Mais plutôt marié avec zotte acoze Deen. Sans doute ene madame esclave noir avec zoreille et néné coupé mais ki ena Deen, li pli bon” (Ibn Majah)

C'est-à-dire ene madame ki Deendaar ki pena lezot critères, li pli bon ki ene madame ki ena tout mais ki pena Deen dans li.


Hadice Hazrat Abdullah Bin Amr (r.a)

"الدنيا كلها متاع وخير متاع الدنيا المرأة الصالحة"

(مسلم)

Traduction:

"Dounia dans so l'ensemble, c'est ene kitchose de jouissance (temporaire). Et meilleur kitchose pou bénéficié dans dounia c'est ene bon madame." (Mouslim)  

Explication:

Ena boucou kitchose dans ça le monde-là ki Allah Ta'ala fine mette à nou disposition. Mais dans tous ça-là pli bon kitchose et kitchose ki pli profitable, c'est ene bon madame. D'après ene hadice ki trouve dans Ibn Majah, après l'obéissance Allah Ta'ala pena aukene kitchose ki ene mou'mine (croyant) bénéficié ki capave pli bon ki ene bon madame. Dans ça même hadice, Rassouloullah  fine définir ene bon madame dans ça terme-là:

 C'est ene madame ki obéir so missié,

 C'est ene madame ki comporte li en sorte ki faire so missié content quand li vine divant li,

 C'est ene madame ki garde parole et serment ki so missié faire,

 C'est ene madame ki préserve so la chasteté et dibien so missié dans l'absence so missié.

Ça veut dire ene madame ki pas écoute so missié pas capave vine ene bon madame. Tanque possible li bizin obéir so missié. Tanque possible veut dire tanque ki li ene kitchose ki permette dans Shariah. Parceki Nabi (s.a.w) fine dire:

"لا طاعة لمخلوق فى معصية الخالق"

Traduction:

"Pena l'obéissance créature dans désobéissance Créateur"

Donc ene madame li obligé obéir so missié aussi longtemps ki ça l'obéissance-là pas amène li dans désobéissance Allah Ta'ala. Li très important ki li conne garde so le corps et linge lors so le corps propre. Li bizin conne cause bien et agir bien dans ene façon convenable avec so missié. C'est dans ça façon-là ki li pou capave ranne so missié heureux. Et après ça li pli important ki li garde so l'honneur et préserve li même et dibien so missié. Faudré pas li ena contact avec banne zomme étranger parceki ene madame so dignité li trouve dans so la chasteté. Et ça li préservé quand li réserve li zisse pou so missié. Et faudré pas li faire gaspillage. Pas faire gaspillage veut dire ki li pas amène la vie dans l'étalage. Li contente li avec ene ti peu ki so missié donne li. Dans l'absence so missié, li pas lève narien li donne kikene sans l'autorisation so missié. Par cela li gagne confiance so missié. Si la méfiance entre missié-madame ranne la vie difficile, la confiance li amène la paix, l'harmonie conjugale et tranquillité morale.
Hadice Hazrat Abou Hourairah 

"اذا خطب اليكم من ترضون دينه وخلقه فزوجوه ان لا تفعلوه تكن فتنة فى الارض وفساد عريض"

(الترمذى)

Traduction:

Rassouloullah (s.a.w) fine dire: "Quand ene, ki ou satisfait avec so (comportement dans) Deen et avec so caractère, avoye ou ene demande, alors marié li (avec ou zenfant). Si ou pas faire ça, pou ena ene grand fitna lors la terre et ene désordre à grand échelle." (Tirmizi)

Explication:

D'après ça hadice-là ene dimoune bizin choisir ene ki ena Deen et ki ena bon caractère pou marié so zenfant avec li parceki c'est ça même critère ki pli essentiel. Si ene dimoune fine gagne demande de la part ene personne pareille, alors li bizin accepté li. Faudré pas li rejette li acoze manque de richesse etc.

Très souvent dimoune rode ene la caze riche pou marié so ti fille avec ene l'espoir ki so zenfant pou dans bien. Nou ena droit et nou bizin toujours cherche le bien être de nou zenfant mais très souvent nous faire erreur dans cherche li parceki nou cherche li cote pena Deen et bon caractère. Nou pensé c'est richesse ki faire bonheur ene dimoune. Mais en réalité c'est ene dimoune ki ena Deen et ki ena bon caractère ki apporte li le bonheur. 

Donc le bien-être et le bonheur li trouve avec ene partenaire ki ena Deen et ki ena bon caractère. Li pas trouve avec ene ki riche mais ki pauvre de par so Deen et so caractère. Dans considère lezot critère au lieu considère le critère de Deen, ena forte possibilité ki li pas gagne ene bon traitement. Et ça li capave développe l'ennemité entre les deux familles. C'est dans ça façon-là ki ça choix-là li ene choix ki désapprouvé par Shariah. Et c'est ene choix ki pena narien de bon apart ki li créé hostilité entre famille et bouleverse la société. Donc bizin choisir ene ki ena Deen et ki ena ene bon caractère. 

Li pas ene façon pou dire ki la richesse li pas ene critère ki capave être considéré mais l'essentiel pou montré ki sans Deen et sans bon manière, la richesse pena aukene considération. En fin de compte, li vine ene fardeau. Donc la richesse c'est ene plus quand li accompagné de Deen et de bon caractère. 

Ene personne fine dimane conseille avec Hazrat Hassan Al-Basri (R) concernant so tifille ki ti pé gagne demande de tout coté. En réponse Hazrat Al-Basri (R) fine dire: 

"Marié li avec ene dimoune ki peur Allah. (Parceki) Si arrivé li fine content li, li pou garde li bien et si li pas content li aussi, li pas pou faire dominere avec li."

Kaffaarah de Roza

Question.

Roza so kaffaarah ki ete?

Reponse.

Kaffaarah (KAFFAARAH VEUT DIRE REMBOURSER)

Quand accomplir Kaffaarah sa l'ordre la bizin etre respecter.

1. Libere éne esclave (si li existe). Sinon,

2. Garde 60 roza éne derrière l'autre.

3. Si pena la force pou garde 60 roza alors :

(a) Nourri 60 dimoune pauvre rempli vente 2 fois par jour.

(b) Ou soit nourri éne pauvre pendant 60 jour rempli vente 2 repas.

(c) Ou soit donne 60 pauvres 1,633 gramme du blé ou la farine du blé, ou soit 3,266  
      grammes l’orge ou soit so prix à chacun.

(d) Ou soit donne éne pauvre pendant 60 jours même quantité ki fine mentionné là-haut. 

Kitchose ki casse roza (Qaza,Kaffaarah)

Question.

(1) Est-ce ki roza casser si ene dimoune manger, boire etc par oublie ?

(2) ki kitchose ki casse roza et faire zisse qaza vine obligatoire?

(3) Ki kitchose ki casse roza et li faire qaza et aussi Kaffaarah vine obligatoire?

Reponse.

عن أبي هريرة ، أن النبي - صلى الله عليه وآله وسلم قال  " من أفطر في رمضان ناسيا فلا قضاء عليه ولا كفارة " . 

رواه أبن حبان . (هذا حديث صحيح على شرط مسلم ، ولم يخرجاه بهذه السياق) إعلاء ص133ج9

TRADUCTION:

Celui ki fine casse so roza par oubli dans le mois de Ramadaan, alors pena qaza et ni kaffaarah lor li. (Ibne hibbaan)

C'est-à-dire quand même sa personne la par oubli li fine consomme ene kitchose ou bien li fine alle dans ménage avec so madame pendant ki li ti roza, sa pas pou affecter roza la et li pou bizin contine so roza. Et sa personne la comme si Allah Ta’aalaa fine donne li Manger ou boire.

Dans ene l’autre hadeeth Nabi (s.a.w) fine dire :

عن أبي هريرة رضي الله عنه عن النبي (صلى الله عليه وسلم) قال: إذا نسي فأكل أو شرب فليتم صومه فإنما أطعمه الله وسقاه

(رواه البخاري)

Traduction :  

Si par oubli li fine manger ou bien li fine boire alors li bizin complete so roza, parceki c’est Allah Ta’aala ki fine donne li manger et boire. (bukhari)


Banne kitchose ki casse roza (seulement Qazaa appliqué)


1. Si ene personne fine manger boire ou bien fine gagne relation par oubli et puis li fine penser ki so roza fine annulé et après sa li continuer manger boire volontairement, alors là so roza pou annulé et seulement qazaa pou appliqué.

2. Si ene personne fine vomi involontairement et puis li fine penser ki so roza fine annulé et après sa li manger boire volontairement, alors là so roza pou annulé et seulement qazaa pou appliqué.

3. Si ene personne mange ou bien boire ene kitchose ki ni li rempli ventre ni li utilisé comme médicament et normalement pas consommé sa kitchose la par plaisir et désir, alors so roza pou annulé et seulement qazaa pou appliqué.

4. Si ene personne fine avale ene kitchose par force, roza pou annulé et seulement qazaa pou appliqué.

5. Si ene personne fine avale de l’eau par erreur, roza pou annulé et seulement qazaa pou appliqué.

6. Si ene personne fine avale vomi volontairement, roza pou annulé et seulement qazaa pou appliqué.

7. Si ene personne fine vomi pleine bouche volontairement, roza pou annulé et seulement qazaa pou appliqué.

8. Si ene personne avale éne kitchose ki ti tasse dans les dents ki grosseur éne gramme ou plus, roza pou annulé et seulement qazaa pou appliqué. Mais si li moins ki éne gramme, roza pas pou cassé. Oui, si li fine tire sa tigite ki moins ki ene gramme là aussi en dehors so la bouche et puis li avale li, là roza pou cassé et pou ena qazaa sans kaf-faarah.

9. Si ene personne fine mette de l’huile dans z’oreille, roza pou annulé et seulement qazaa pou appliqué.

10. Si ene personne fine avale du sang ki fine sorti depuis gencive et du sang là li domine couleur la crache, roza pou annulé et seulement qazaa pou appliqué.

11. Si ene personne continuer manger boire après soubh saadiq et li croire ki ena encore le temps pou sehri fini, roza pou annulé et seulement qazaa pou appliqué.

12. Si ene personne faire iftaar avant coucher du soleil la cause mauvais temps ou bien a cause le a temps nuageux, roza pou annulé et seulement qazaa pou appliqué.

13. Si ene personne casse ene roza volontairement apart roza Ramadwan, pou ena seulement qazaa.

14. Si ene personne so roza fine cassé involontairement, seulement qazaa pou appliqué.

15. Si ene personne fine casse ene roza volontairement pou ene cause ki valable d’après shari’ah, seulement qazaa pou appliqué.


BANNE KITCHOSE KI CASSE ROZA (QAZAA ET KAF-FARAH APPLIQUE)

1. Manger ou boire volontairement banne nourritures et boissons ki normalement servi pou rempli ventre ou bien servi comme médicament ou bien banne kitchose ki délicieux et ene personne attiré vers li.

2. Ene personne alle dans ménage avec so madame (Relation sexuelle)volontairement.

N.B. Si ene personne fine mette de l’huile dans so la tête, ou bien fine mette sourma dans liz’yé ou bien fine faire ene prise de sang et li fine croire ki roza fine cassé et puis li manger boire volontairement, là so roza pou annuler et qazaa et kaf-farah pou appliquer.

Makrooh de roza

Question.

Ki bannes kitchose ki makrooh dans roza?

Reponse.

1. Cause menti, faire rhibat, jourer, mette fausse charge, la guerre, discuter, querreller et faire gounaah.

2. Goutte ène kitchose sans avaler excepter pou ène madame ki ena ène mari coléreux ou bien pou ène personne ki cuisinier de profession. Le meme li appliqué pou ene madame ki pé bizin craze et mache manger pou faire so z’enfant manger et li pena aucaine alternatif. 

3. Laisse kitchose dans la bouche ou bien macher sans raison valable sans ki sa kitchose là so gout alle dans la gorge.

4. Embrasse et touche (so) madame avec passion en cas pena controle.

5. Avale la crache et flèmme ki fine ramassé dans la bouche.

6. Faire ène travail (dure) ou bien tire di sang ki a la fin pou amène faiblesse et pou bizin casse roza.

7. Trop écarte li pieds pou faire istinjaa.

8. Souvent rince la bouche et mette de l’eau dans néné de façon ki pé montré faiblesse et desespoir la cause roza; excepté dans wouzou et rhoussal.

9. Montrer faiblesse et découragement à cause roza.

10. Pas faire rhoussal avant soubh-saadiq quand ena necéssité méme ki ena le temps.

11. Servi dentifrice, charbon ou bien éne l’autre substance pou nettoye les dents.

12. Mette medecine dans les dents sans ki so l’effet alle dans ventre.

13. Senti ene kitchose ki so l’effet alle dans la gorge – e.g camphre, musc ki pure, etc…

14. Gaspille le temps dans banne kitchose et banne activités inutile ki pas pou améne ni l’avantage de dounya ni aakhirat - e.g cause causé inutile, jouer carom, jouer snooker, jouer videogame, etc…

15. Retarde iftaar sans raison valable.

16. Faire piqure pou gagne la force et vitamine.

17. Garde seulement ene seul roza de ‘Aashouraa (10 Mouharram).

N.B. Makrooh veut dire ene act detestable et reprehensible. Donc sa bannes kitchose la sois,

(1) zotte diminuer reccompense ki ene personne suposer gagner quand garde roza,  ou bien

(2) zotte amene ene personne envers ene situation cote ena ene forte possibilite pou li casse so roza,

c'est a cause de sa ki zotte fine etre considerer comme makrooh.

Sehri so l'importance

Question.

(1) Est-ce ki li necessaire pou faire sehri ?

(2) Si ene personne pas fine faire sehri est-ce ki so roza pou compter ?

(3) Ki l'heure li sounnah pou faire sehri?

Reponse.

Sehri c’est le repas ki banne musulmans prend avant l’aube grand matin (l’heure sehri) pou observe roza.

Ena beaucoup vertus et profits materiels et spirituels dans sehri:

قَالَ رَسُوْلُ اللهُِ صَلَّى اللهُُ عَلَيْهِ وَسَلَّم: تَسَحَّرُوْا فَإِنَّ فِي السُّحُوْرِ بَرَكَةً

(متّفق عليه)

Traduction:

Rassouloul-laah (s.a.w) fine dire: “Faire sehri parce ki ena barakat (benediction) dans sehri.” (Boukhari et Mouslim)

فَصْلُ مَا بَيْنَ صِيَامِنَا وَصِيَامِ أَهْلِ الْكِتَابِ أَكْلَةُ السَّحْرِ

(مسلم وابو داود والترمذى)

Traduction:

“Difference entre nou roza et roza de banne gens du livre (ahloul kitaab - chretiens et juifs - c’est faire sehri.” (Mouslim, Abou Dawoud et Tirmizi)

Depi sa deux hadiths là nou trouvé ki dans sehri ena barakat et sehri distingue nou roza depi roza de banne chretiens et juifs ki pena le principle de faire sehri.
Barakat li renferme benediction dans dounya, deen et aakhirat.
Distinction et differencier nou meme depi les autres c’est ene kitchose ki Rassouloul-laah (s.a.w) fine mette beaucoup l’emphase – a tel point ki li fine dire:

مَنْ تَشَبَّهَ بِقَوْمٍ فَهُوَ مِنْهُمْ

(ابو داوود)

Traduction:

“Celui ki imite ene peuple li consideré parmi sa peuple là.” (Abou Dawoud)


Et ici nou pé trouvé ki sehri pé faire nou evite sa danger là.

Apart sa ena encore beaucoup vertus, profits et l’avantages materiels et spirituels et banne sagesses dans sehri ki fine rapporté depi Rassouloul-laah , banne ‘oulamaa et banne sages.

Donc lever pou faire sehri li sounnah. Meme si nou pas faim ou bien nou pas envie manger nou bizin faire ene z’effort pou lever et boire meme ene gorgé de l’eau pou accomplir sa sounnah là.
Si ene personne pas fine capave lever l’heure sehri et li fine arriver lever après, li pas gagne droit mange narien et li bizin simplement faire niyyat et reste roza coume sa meme. Li pou ene peché grave si li pas garde sa roza là. Li ene fausse conception ki bizin absolument faire sehri meme pou capave garde roza.
Sounnah de sehri pou accomplir si nou faire li après minuit et dernier moment de sehri c’est soubh sadiq. Quand soubh saadiq fine paraite, li pas permette dans aucaine cas pou mange kitchose.
Meilleur moment pou faire sehri c’est quelques moments avant soubh saadiq. Mais faudré pas faire li trop en dernier heure de façon ki li amene complication et doute dans roza.
Nou bizin fini accomplir tout nou necessité concernant manger boire quelques minutes avant sehri terminé afin ki nou capave ena pleinement l’assurance, garanti et tranquillité concernant nou roza.
Nou bizin toujours renseigner lors l’heure exact de sehri et pas fié lors banne azaan ki ena ki donner avant l’heure et ena après l’heure.
Si ene personne fine continuer manger et l’heure sehri fine terminé et après li fine arriver conner ki li fine mangé après soubh saadiq, sa roza là pas pou valable et li ena pou remplace li sans kaffarah (l’amane). Et sa personne là bizin pas manger boire juska coucher du soleil.
Nou bizin profite l’occasion pou faire quelques rakaates de tahaj-joud a l’heure de sehri et demande dou’aa parce ki dou’aa plus accepté a sa l’occasion là.
Li ene mauvais l’habitude dans certaine personne ki zotte alle dormi après sehri sans faire fajr et dans beaucoup cas zotte manque namaz ki ene très grave peché.
Ene personne ki dans l’etat janaabat (impureté) capave faire sehri avant et faire rhoussal après si ena seulement sa quantité le temps ki li pou capave faire ene seul travail et sa pas pou affecté so roza. Mais li bizin faire so rhoussal au plus vite possible. Et li pou makrouh pou retarde rhoussal si ena suffisamment le temps pou faire tous les deux kitchoses.

Mange Halaal

Question.

(1) combien la veine bizin couper pou faire ene zanimau halaal et ki banne les autres procedures ena?

(2) Est-ce ki li necessaire pou ena ene certificat pou ene la viande vine halaal?

(3) Est-ce ki manger haraam afecter ene personne so ibaadat?

(3) Est-ce ki li permette pou vende la viande ki pas fine faire zabah?

Reponse.

Mange halaal !

Ene zanimau ki li soit boeuf, bouc, cabri ou bien poule, pas gagne droit consommé tanque ki pas fine faire zabah. Ene zabah ki valable et ki faire ça zanimau-là vine halaal, c'est ene zabah ki fine faire par ene musulman ki fine lire bismillah avant coupé et ki fine coupe tous les 4 la veine ki trouve dans li cou ça zanimau-là. Si fine coupe trois au lieu 4, ça aussi li valable. Si ene dimoune pé coupe plusieurs zanimau, alors li bizin lire bismillah lors chaque zanimau ki li coupé. Lire ene seul coup bismillah pas sufi. Tanque pas sure ki ça banne règlements-là pé être respecté, d'après hadice de Nabi (s.a.w), pas gagne droit consommé. Li bien difficile pou dire ki ça banne règlements-là pé être respecté dans banne poule ki nou pé consommé. 

... Certificats halaal !

Faudré pas gagne embetté avec banne certificats halaal parceki banne certificats halaal pas capave faire haraam vine halaal si pas pé respecté banne conditions et banne règlements ki bizin respecté. Couma ene certificat haalal pas capave faire la viande porc vine halaal, coumsa même li pas capave faire ene poule mort ou bien ene poule ki pas fine faire zabah, vine halaal. 

... Mange halaal et ibaadat

Ene dimoune ki oulé préserve so banne ibaadat couma namaz, roza, tilaawatul Qour'aan etc, li bizin évite consomme banne poulets zordi jour parceki perna aukene garantie ki zotte halaal. Tanque pas sure ki ça poule ki ou pé mangé-là fine faire halaal d'après règlements et principe de shariah, bizin pas mangé parceki avant tout c'est nou Rabb, nou Nabi, nou Deen, nou Imaan et nou Ibaadat.

... Faire commerce haraam

Couma li haraam pou consomme l'alcool coumsa même li haraam pou faire commerce l'alcool ou servi kikene l'alcool. Dans la même façon, li haraam pou faire commerce banne la viande bœuf, bouc, mouton ou bien poule ki pas halaal. L'argent ki gagné par ene commerce pareil li haraam. Ene musulman pas gagne droit acheté, vendé ou bien faire commerce ene la viande ki li pas sure ki fine respecté banne conditions et règlements de zabah. Jour Qiyaamat banne dimounes pareil pou coupable divant Allah Ta'ala ki zotte fine faire banne musulmans mange haraam.

Khatnah pou grand dimoune

Question.

Est-ce ki gagne droit faire khatnah pou ene personne majeur ki fine accepter l'Islaam?

Reponse.

Khatnah li sounnat pou ene ti zenfant. Coumsa même ça li applique pou ene grand dimoune aussi. Li vrai ki li haraam pou guette ene grand dimoune so partie privé. Normalement quand pou khatnah pou ene grand dimoune, ça pou nécessite guette so parti privé. Mais malgré ça, Shariat fine autorise guette so parti privé et faire so khatnah parceki khatnah li pas necque ene sounnat. Li ene شعار (symbole) de l'Islam ki ena même capacité de ene waajib (obligatoire). 

Banne vieux Quraan

Question.

Ki bizin faire avec bannes vieux Quraan ou bien livres islamique ki pas capave servi?

Reponse.

Banne vieux livres lors Deen ou bien banne vieux Qour'aan ki pas capave servi, capave soit coule li dans la rivière ou dans la mer ou bien enterre li dans ene l'endroit propre cote normalement dimoune pas marché. Quand enterre li, li pli bon mette li dans ene conteneur du bois ou fer blanc ou plastic etc. avant jette la terre afin ki la terre pas tombe directement lors ça banne livres-là.

Acuponcture

Question.

Est-ce ki acuponcture permettre pendant Roza ou bien li casse roza?

Reponse.

Acuponcture pas casse roza donc li permette pendant roza.

Sajdat-ut- Tilaawah

Question.

Quand faire sajdah tilaawat et dans ki facon?

Reponse.

Sajdah tilaawat c'est ene sajdah ki vine obligatoire pou faire li quand lire certaines versets dans Qour'aan-e-Kareem. Nou ena 14 places dans Qour'aan-e-Kareem cote li obligatoire faire sajdah quand lire li. Sajdah tilaawat couma li vine obligatoire quand lire li, coumsa même li vine obligatoire quand tanne li avec kikene ki pé lire li.

Pou sajdah tilaawat vine obligatoire, faudré li ene dimoune ki namaz obligatoire lors li. Acoze ça si ene madame ki li dans haiz ou dans nifaas tanne avec kikene ene ayat ki ena sajdah tilaawat, li pas bizin faire sajdah tilaawat parceki namaz pas faraz lors ene madame ki li dans ça l'état-là. Quand nou dire ki li pas bizin faire sajdah tilaawat, ça veut dire li pas obligatoire faire li quand li vine propre aussi.

Sajdah tilaawat li vine waajib quand tanne li avec la bouche ene dimoune. Si fine tanne li dans radio ou dans cassette ou bien lors télévision, ça pas faire sajdah tilaawat vine waajib.

Sajdah tilaawat li waajib mais pas obligé faire li toute suite. Ene dimoune ki li pas en mesure faire li toute suite, li capave faire li après. Coumsa même si ene kikene pas oulé faire li toute suite sans aukene raison valable, li perna aukene blâme lors li pourvu li faire li après. Mais ene sajdah tilaawat ki fine vine waajib dans namaz, bizin faire li dans namaz même. Si pas fine faire li dans namaz, bizin faire Istighfaar et tawbah pou ça péché-là effacé. Pas capave acquitté de ça responsabilité-là par faire li en dehors namaz.

Tahaarat (la propreté) pou sajdah tilaawat

Tahaarat complète li nécessaire pou capave faire sajdah tilaawat. Ene dimoune ki tanne ayat ki ena sajdah tilaawat dans ene moment ki li perna tahaarat, bizin faire li quand li gagne so taharaat, c'est-à-dire li bizin ena wazou et ghoussal tous les deux.

L'heure ki sajdah tilaawat permette

Perna aukene l'heure ki empêché faire sajdah tilaawat. A tel point si kikene fine lire ene ayat ki ena sajdah tilaawat ou bien li fine tanne ça avec kikene, dans l'heure ki soleil pé levé, ou bien soleil lors coco ou bien soleil pé couché, li gagne droit faire sajdah tilaawat mais li pli bon ki li attane ene ti pé et li faire li après. Mais ene dimoune pas gagne droit remplace banne sajdah tilaawat ki fine vine waajib auparavant dans ça banne l'heure-là. Li bizin remplace li en dehors ça trois l'heure-là. 

Façon faire sajdah tilaawat

Pou accomplir sajdah tilaawat, li pli bon ki ene dimoune li dibouté, li dire Allahou akbar et li alle dans sajdah, li faire tasbeeh et li redire Allahou akbar et li dibouté. Et si li alle dans sajdah depi position assizé même, ça aussi li permette.

Qourbaani

Question.

Si ene zanimau so prix pas encore fixer est-ce ki gagne droit coupe li pou qourbaani?

Reponse.

Ene zanimau ki ou faire Qourbaani, li bizin fini vine pou ou avant verse so du sang sinon ou qourbaani pas pou compté. Pou ça zanimau-là vine pou ou, ou bizin fine fini acheté li avant coupe li. Si ou pencore faire prix pou ça zanimau-là quand pé coupe li, ça veut dire ki ça zanimau-là li pencore vine pou ou. Li encore pou so propriétaire. Acoze ça bizin guette bien. Boucou dimoune zotte ena l'habitude faire prix zanimau-là d'après poids ki li donné quand fini coupe li. Zotte pas faire so prix avant ça. Alors ça veut dire ki quand zanimau-là pé coupé et pé verse so du sang, li pencore vine pou ça banne dimoune ki fine prend part qourbaani dans ça zanimau-là. Ça li couma dire pé acheté la viande cote boucher. Acoze ça dans ça façon-là, qourbaani pas compté.

Faire namaz lor chaise et saff

Questions.

Est-ce ki gagne droit assise lor chaise pou faire namaaz avec jamaat?

li plus meilleur pou assize lor chaise ou bien enbas?

couma bizin mette chaise pou saff vine droite?

Reponse.

Rassouloullah (s.a.w) fine mette boucou l'emphase lors dresse saff dans namaz. Dresse saff veut dire diboute dans namaz costé-costé et cote-à-cote en sorte ki pas laisse aukene l'espace entre deux mouswalli. Coumsa même ça signifié diboute cote-à-cote en sorte ki personne pas diboute divant derrière afin pou saff reste droite et li pas vine travers.
Nabi (s.a.w) ti ena l'habitude dresse saff avant li commence namaz parceki dresse saff droite li forme parti dans perfection ene namaz. C'est-à-dire ça li nécessaire pou ene namaz complété. Sans ça, namaz li accompli dans ene façon incomplète. Après Rassouloullah (s.a.w), banne Khulafa-e-Rashideen fine suive même ligne de conduite. D'après ene hadice, ça capave crée désaccord entre banne mouswalli si pas dresse saff. Donc li très important pou dresse saff dans namaz avec jamaat avant commence namaz.
Zordi jour nou ena ene problème ki boucou mouswalli pé faire namaz lors chaise. Si pas capave même faire roukou et sajdah dans façon normal, alors li pli bon si ene dimoune li assize enbas li faire namaz. Si jamais li gagne difficulté faire li assizé enbas, alors li capave assize lors chaise.
Astere dimoune-là ena difficulté necque dans faire sajdah. Quant à diboute, li pas difficile pou li. Acoze ça nou trouve ene quantité ki pé bizin assize lors chaise pou faire roukou et sajdah, zotte diboute dans Qiyaam. Zotte pas assize lors chaise. Bon, ça aussi li permette dans ene certaine mesure mais li pli bon si pou Qiyaam aussi zotte reste assizé lors zotte chaise quand même zotte ena capacité pou diboute. Dans ça façon-là li pou pli facile pou li pose so chaise lors saff en sorte ki so deux la patte derrière li porte parallèle avec li pied banne mouswalli et li assize lors so chaise depi commencement namaz même. Ça li pli bon ki li décale li avec saff parceki ça li ene façon pou faire saff vine travers ki bien pas bon et ki d'après hadice, li ene source de désaccord entre banne musulmans.
Nou ena ene deuxième problème. Banne ki assize lors chaise pou faire namaz, zotte assize dans ene façon ki isole zotte avec saff. Zotte pas vine faire namaz dans saff malgré ki ena place. Zotte préfère reste ene coté par zotte même ou bien par exigence de la part la direction. Dans ça cas-là nou bizin reconnaite ki nou ena deux difficulté. Si zotte pé diboute dans saff, ça li faire saff-là paraite drôle pou pas dire vilain. Et si zotte pé assize ene coté, ça faire pas respecté l'ordre ki Nabi (s.a.w) fine donné pou joine saff et diboute costé-costé.
Dans ene dilemme pareil, bizin respecté l'ordre Nabi (s.a.w) et vine assize avec chaise quand même dans au milieu saff et quand même ça faire saff paraite drôle parceki Nabi (s.a.w) so l'ordre li passe avant tout. Vaut mieux nou paraite drôle ki nou désobéir Nabi (s.a.w).

Faire Hajj avec soeur so ti zenfants

Question:

Eski ene zomme gagne droit accompagne ti zenfants so sœur dans hajj?

Réponse:

Ene dimoune so sœur so ti zenfant, li tombe so neveu ou bien so nièce so zenfant. Ene dimoune so nièce li ene mahram pou li. Coumsa même zenfant nièce aussi li tombe mahram. Donc ene dimoune gagne droit accompagne ti zenfants so sœur dans hajj.

Masah lor chaussette ordinaire

Question.

Est-ce ki gagne droit faire masah lors chaussette ordinaire?

Reponse.

Ena quatre kitchose ki fine ordonné pou faire dans wazou d'après Qour'aan-e-Kareem. Donc ena quatre kitchose ki faraz dans wazou:

1. Lave figure,
2. Lave tous les deux la main ensemble avec coude,
3. Lave tous les deux li pied ensemble avec cheville et
4. Faire masah lors la tête.

N.B: Faire masah veut dire passe la main mouillé.

Bizin ena ça quatre kitchose-là pou wazou compté. Et bizin ena ene wazou ki compté pou namaz compté. Si kikene fine manque ene de ça quatre kitchose-là, veut dire ki so wazou pas compté et conséquemment so namaz aussi pou ene namaz dans vide.
D'après banne hadice ki bénéficié ene haute degré de l'authenticité ki nou appelle li hadice Moutawaatir, ena facilité faire masah lors ene chaussette spécial ki appelle "Khouff" au lieu lave li pied. Acoze ça banne 'Oulama fine faire exception pou ça genre de chaussette-là. Quant à banne chaussette ordinaire ki faire avec coton ou la laine, alors pas permette faire masah lors-là. Si kikene faire li, so wazou pas pou compté.

Ena hadice ki fine rapporté ki donne l'impression ki ça aussi li permette, mais c'est ene hadice ki pas assez fort ki capave servi pou enlève la loi Qour'aan ki oblige lave li pied dans wazou. Donc ene dimoune li prend ene grand risque quand li faire masah lors chaussette ordinaire dans wazou. Li bizin pas faire li pou so wazou compté.

L'Intérêt

Question

ki veut dire Riba?

Reponse.

Riba veut dire l'intérêt. Ene forme commun de l'intérêt, c'est ça somme en plus ki ene dimoune recevoir lors la somme ki li fine déposé dans la banque. Ça li haraam. Pas gagne droit servi li dans mangé boire, dans acheté linge, dans paye loyer ni dans paye l'ammane. Coumsa même pas gagne droit servi li dans construire toilette ou la caze ni dans construire toilette masjid ou madrassah.
D'abord pas bizin rentré même dans ene transaction ki ena l'intérêt. Si la monnaie l'intérêt vine dans ou possession, bizin débarrassé avec ça par dispose ça à banne ki bien pauvre et banne ki dans extrême difficulté sans l'intention de sawaab (récompense).
Faire transaction ki ena ribah (l'intérêt) li couma dire déclare la guerre avec Allah Ta'ala et so Rasoul (s.a.w). Ene dirham de l'intérêt ki ene dimoune li consommé avec connaissance, li pli grave ki commette 36 fois zina. D'après ene hadice, Rassouloullah (s.a.w) fine dire ki riba (l'intérêt) ena 70 niveau (de gravité). Le niveau pli inférieur li couma dire ene dimoune pé ena ménage avec so mama.
Donc riba li ene kitchose bien bien grave ki dimoune par zotte l'ignorance pé prend li pou bien simple.

Gravité manque ene roza sans raison valable

Question

Est-ce ki L'examen li ene raison valable pou pas garde roza?

Reponse

Ena beaucoup parents empêche et décourage zotte z’enfants pou garde roza dans période l’examen ki bien grave. Parceki dans Shari’ah, ene musulman ki sain d’esprit et ki majeur, BIZIN garde roza. Sans ene raison valable pas gagne droit manque ene roza aussi. Manque ene roza sans aukene raison valable li kabirah gounaah (grand péché).

Rassouloullah (s.a.w) fine dire: “Celui ki manque ene roza de Ramadwaan sans ene raison (valable de la part de shari’ah) et sans ene maladie (grave), roza pendant toute longue la vie pas pou suffi pou remplace ça roza-là.” 

Position Nikah dans l'Islam

Question.

Nikah so Position ki ete dans l'Islam?

Reponse.

Hadice Hazrat Sa'd Bin Abou Waqqaas  (r.a)

"عن سعد بن ابى وقاص يقول رد رسول الله صلى الله عليه وسلم على عثمان بن مظعون التبتل ولو اذن له لاختصينا"

(البخارى)

Traduction: 

"Hazrat Sa'd Bin Abou Waqqaas (r.a) rapporté ki Rassouloullah (s.a.w) ti rejette la requête de Hazrat Usmaan Bin Maz'oune (r.a) concernant tabattul. Si li ti autorise li, nou ti pou faire castré nou" (Sahih Boukhari)

Explication: 

Tabattul signifié reste célibataire. Hazrat Usmaan Bin Maz'oune (r.a) ti dimane permission avec Rassouloullah (s.a.w) pou reste célibataire. Nabi (s.a.w) pas fine accepté ça. Ti ena encore lezot Sahaba-e-Kiraam ki ti ena le même désir reste célibataire. Zotte ti pé attane gagne permission. Si Hazrat Usmaan Bin Maz'oune (r.a) ti gagne l'autorisation, zotte ti pou faire castré zotte pou pena le désir marié.

D'après banne Sahaba-e-Kiraam, peut être le but principal de l'organe sexuel c'était marié pou augmente la population. Si Nabi (s.a.w) ti approuve zotte requête reste célibataire, à ce moment-là pas ti pou ena aukene nécessité pou ça l'organe-là. Donc zotte ti pou faire castré zotte. C'est dans ça sens-là ki zotte ti pou permette zotte en même temps concentré pli facilement dans ibaadat.

D'après ene hadice ki trouve dans Tabraani, la requête de Hazrat Usmaan Bin Maz'oune (r.a) en réalité ti ene requête pou faire castration. D'après le hadice de Sahih Boukhari, la requête li concerne tabattul (reste célibataire). Li possible ki le rawi fine exprime castration par tabattul puisque tabattul li réalisé pli facilement par moyen de castration. L'essential c'était pou gagne la permission reste célibataire soit par moyen castration ou bien sans faire castré. Banne Sahaba-e-Kiraam ti pé attane permission et zotte ti tellement intéressé pou amène la vie célibataire ki zotte ti pou même disposé faire castré zotte si ça ti indispensable.

Ça hadice-là montré ki shariat désapprouve amène la vie célibataire. Si ene personne pena facilité marié, li recommandé pou garde roza continuellement. Quant à castration, ça li pas permette parceki li représente ene modification et changement dans la forme ki Allah Ta'ala fine accorde insaan et ça li ene inspiration satanique d'après Qour'aan-e-Kareem. A la lumière de ça, tous changement ou modification dans la forme ki Allah Ta'ala fine accorde insaan, li interdit. Et li pou reste interdit ziska nou gagne ene l'autorisation spécifique ou ene l'autre preuve ki dire le contraire et légalise ça.

Hadice Hazrat Abdullah Bin Mas'oud (r.a)

قال عبد الله بن مسعود : كنا مع النبى صلى الله عليه وسلم شبابا لا نجد شيئا فقال لنا رسول الله صلى الله عليه وسلم يا معشر الشباب من استطاع منكم الباءة فليتزوج فانه اغض للبصر واحصن للفرج ومن لم يستطع فعليه بالصوم فانه له وجاء

(البخارى)

Traduction:

"Hazrat Abdullah Bin Mas'oud (r.a) fine dire: Nou ti ensemble avec Nabi (s.a.w) quand nou ti jeune. Nou pas ti possède narien. Alors Rassouloullah (s.a.w) fine dire nou: O banne jeunes! Celui ki ena le moyen pou marié parmi zotte, li bizin marié parceki ça li ene moyen pli efficace pou baisse regard et ene pli bon moyen pou préserve parti privé. Et celui ki pena le moyen, li bizin applique le principe garde roza parceki ça li couma dire ene genre de castration pou li."
(Sahih Boukhari)

Explication:

Rassouloullah (s.a.w) fine donne l'ordre pou faire nikah à banne ki ena le moyen. Ziska preuve du contraire, li obligatoire exécute l'ordre Nabi (s.a.w). Donc nikah li obligatoire lors ene dimoune ki ena le moyen. Mais ça "obligatoire-là" li appliqué pou ene dimoune ki so désir sexuel li ene ti pé pli fort ki normal. Parceki Rassouloullah (s.a.w) fine ordonne pou garde roza continuellement en cas si ene dimoune pena le moyen pou marié. Ene dimoune ki so constitution li normal, li pena aukene nécessité garde roza dans le but pou garde so désir sexuel sous contrôle. C'est necque ene ki so désir li assez fort ki bizin ça. Donc ça montré ki ça hadice-là li adressé à banne ki zotte désir sexuel li pli fort ki normal. C'est pou ça catégorie dimoune-là ki Nabi (s.a.w) fine oblige zotte faire nikah si zotte ena le moyen. Le moyen veut dire la capacité financière ki permette ene dimoune prend responsabilité ene madame. Et banne ki pena ça moyen-là, Nabi (s.a.w) fine ordonne zotte pou garde roza continuellement afin ki ça capave garde zotte désir sous contrôle. 

Dans ça hadice-là Rassouloullah (s.a.w) fine adresse la parole à banne jeunes. Ça capave donne l'impression ki ça l'ordre-là li concerne banne jeunes seulement mais pourtant ça li applique en général pou tout banne ki ena le désir sexuel impé plis ki normal, ki ce soit jeune ou vieux. Malgré ça si Nabi (s.a.w) fine adresse banne jeunes en particulier, c'est àcoze ki dans la pratique, c'est zotte même ki ena ça désir-là pli fort. D'après ça hadice-là, ça désir fort-là capave être contrôlé par faire nikah ou bien garde roza continuellement.

Nabi (s.a.w) fine qualifié garde roza continuellement de وجاء (Wijaa) ki signifié castration parceki couma la castration li enlève désir sexuel totalement, coumsa même garde roza continuellement li diminué ça désir-là à ene degré contrôlable. De par so l'effet ça fine être qualifié de ene genre de castration par Rassouloullah (s.a.w).

La position de nikah li varié selon constitution et l'état ene dimoune. C'est-à-dire pou certaine dimoune li capave seulement recommandé couma li capave obligatoire pou ene l'autre catégorie. Ça li dépanne lors l'état ene dimoune et le contexte dans lequel li pé vive. Donc par ça rapport-là ena cinq degré de nikah.

Les cinq degré de nikah: 

1. Quand le désir li fort à ene degré ki tombe dans haraam vine inévitable, à ce moment-là nikah vine FARAZ.

2. Si li fort à ene degré ki ena fort possibilité tombe dans haraam, li vine WAAJIB.

3. Si ene dimoune sure ki li pou néglige so madame et li pou faire li misere, vaut mieux li pas marié parceki dans ene cas pareille nikah li HARAAM.

4. Si ena fort possibilité ki li pas pou capave occupe so madame couma bizin et li pou faire li misère, alors dans ene situation pareil nikah li MAKROUH.

5. Quand ene dimoune so constitution li normal et li ena de quoi ki permette li guette so madame bien, alors nikah li SOUNNAT MOU'AKKADAH.

Hadice Hazrat Anas (r.a)

عن انس بن مالك يقول جاء ثلاثة رهط الى بيوت ازواج النبى صلى الله عليه وسلم يسألون عن عبادة النبى صلى الله عليه وسلم فلما اخبروا كانهم تقالوها فقالوا واين نحن من النبى صلى الله عليه وسلم قد غفر له ما تقدم من ذنبه وما تاخر قال احدهم اما انا فانى اصلى الليل ابدا وقال آخر انا اصوم الدهر ولا افطر وقال آخر وانا اعتزل النساء فلا اتزوج ابدا فجاء رسول الله صلى الله عليه وسلم اليهم فقال انتم الذين قلتم كذا وكذا اما والله انى لاخشاكم لله واتقاكم له لكنى اصوم وافطر واصلى وارقد واتزوج النساء فمن رغب عن سنتى فليس منى

(البخارى)

Traduction:

Hazrat Anas Bin Malik (r.a) rapporté ki trois personnes fine vine la caze banne madames de Nabi (s.a.w) pou dimane zotte concernant ibaadat Nabi (s.a.w). Quand zotte fine gagne l'information, couma dire zotte fine trouve ça bien tigite. Mais après ça zotte fine dire: cote nou! Et cote Nabi (s.a.w)! (C'est-à-dire nou pas représente narien divant position très élevée de Nabi (s.a.w)). Quand tandis ki li fine être gracié pou ceki avant et pou ceki après! Alors ene parmi zotte fine dire: Quant à moi mo pou faire namaz pendant la nuit tout le temps. L'autre fine dire: moi mo pou garde roza tout le temps et mo pas discontinué roza. Et ene l'autre fine dire: moi mo pou reste loin avec banne madames et mo pas pou marié jamais. 

Alors Nabi (s.a.w) fine alle guette zotte et fine dire: "Eski c'est zotte même ki fine faire telle ou telle déclaration? Laisse mo dire zotte ki par Allah mo pli ena la frayeur pou Allah ki zotte et mo pli ena l'obéissance pou li ki zotte. Malgré ça (parfois) mo garde roza et (parfois) mo pas gardé. Mo faire namaz (dans ene parti la nuit) couma mo dormi (dans ene parti) et mo marié avec banne madames. Donc celui ki tourne le dos avec mo sounnat, li pas avec moi." 
(Sahih Boukhari)

Explication:

Le désir pou reste engagé et reste absorbé complément dans ibadaat fine faire ene groupe de Sahaba-e-Kiraam prend décision ferme pou passe entier la nuit dans ibaadat et garde roza dans la journée lors ene base permanent. Zotte fine même prend décision reste célibataire afin ki zotte capave consacré zotte totalement dans ibaadat. Mais Rassouloullah (s.a.w) pas fine approuve zotte décision et fine faire ressortir ki mangé boire et la vie mariage li pas en conflit avec taqwa. Au contraire c'est la meilleur façon pou vive dans l'obéissance Allah Ta'ala parceki ça façon vive-là c'est la façon de Nabi (s.a.w) ki ena pli boucou taqwa et ki ena pli boucou la frayeur pou Allah Ta'ala. Ça hadice-là montré ki mariage c'est le principe et sounnat de Nabi (s.a.w). La vie mariage c'est la vie ki ressemblé avec la vie Nabi (s.a.w). Donc li pli bon ki reste célibataire. Et considère la vie mariage en conflit de taqwa et de l'obéissance à Allah Ta'ala li représente tourne le dos avec le noble principe et le moubaarak tareeqah de Nabi (s.a.w).

Position bannes les doigts quand faire takbeer

Question.

Ki manière banne les doigts dans la main bizin été quand pé lève la main pou takbeer tahreemah ?

Reponse.

Hadice Abou Houraira  (R.a)

(كان رسول الله صلى الله عليه وسلم اذا كبر للصلاة نشرا صابعه" (الترمذى/ المستدرك) 

Traduction :- “Rassouloullah (s.a.w) ti pé ouvert so banne les doigts quand ti pé faire takbeer pou namaz.”                                                          (Tirmizi/Al-Moustadrak)

Position hadice :-

Al-Hakim pas fine faire aukene commentaire lor ça hadice-là. D’après Imam Tirmizi, le narrateur nommé Yayha Bin Yamaan, ki trouve dans le sanad de ça hadice-là, fine faire confusion dans rapporté.

C’est à dire Yahya Bin Yamaan, li tout seul fine rapporte ça hadice-là dans ene façon impé différent de tous so banne collègues. Alors d’après Imam Tirmizi, ça faire ça hadice-là vine dans catégorie ene hadice شاذ (étrange). Mais selon lezot Oulama, na perna aukene contradiction entre ceki Yahya Bin Yamaan et so banne collègues fine rapporté. Si ena kit différence, c’est différence dans formules. Mais de par zotte sens, tous les deux versions li ene seul. Na perna différence entre les deux. Donc dans ce sens, li pas ene hadice شاذ (isolé / étrange).

Explication :-

“Li ti pé ouvert so banne les doigts” veut dire ki li pas ti pé ploye so banne les doigts dans la main couma ene dimoune faire pou attache “coute-poin”. C’est à dire li ti pé ouvert so la main quand li ti pé faire takbeer tahreemah. La question eski banne les doigts bizin reste écarté ou bien bizin costé-costé, ça nou gagne ça dans ene l’autre hadice authentique avec impé plis détail. Selon ça hadice-là, ki trouve dans Al-Moustadrak, Hazrat Abou Hourairah (r.a) dire :
“Ena trois kitchose ki Rassouloullah (s.a.w) ti pé pratiqué, ki banne dimoune fine néglige li. (Ene parmi là-dans c’est) quand li ti pé diboute dans namaz li ti pé faire coumsa”. (Pou expliqué ki veut dire coumsa) Ene Rawi nommé Abou Aamir fine démontré la façon lève la main avec so la main (dans so démonstration) li pas fine écarte banne les doigts ni li fine costé zotte ensemble.
A la lumière ça deux hadices-là, quand Rassouloullah (s.a.w) ti pé lève la main pou takbeer tahreemah, ti pé ouvert so banne les doigts. Et so banne les doigts ti pé reste dans l’état normal. C’est à dire ni zotte ti costé-costé et ni zotte ti trop écarté.

Hadeeth 20 rakaat taraaweeh et autres questions

Question No 1

Combien rakaats Tarawih éna ?

Réponse No 1

Tarawih éna 20 rakaats. Selon ène hadith rapporté par Hazrat Abdoullah Bin Abbas (r.a), Rassouloullah (s.a.w) ti pé faire 20 rakaats plus Witr dans le mois de Ramadwan.

(Al-Bayhaqi/Mouswannaf Bin Abou Shaibah/Tibrani)

Question No 2

Ena ki dire ki ça hadith-là li faible. C’est parceki éna ène Rawi (narrateur) nommé Ibraheem Bin Ousman dans so Sanad ki faible selon banne savants.

Réponse No 2

Ou éna parfaitement raison ki le hadith li faible acoze présence Ibraheem Bin Ousman dans so Sanad. Mais ène l’autre principe ki dire ki ène hadith faible capave être considéré si so contenu li appuyé et supporté par la pratique de banne Sahaba-E-Kiraam et banne Tabeines. Le cas de ça hadith-là aussi li pareil. Li appuyé par la pratique de banne Sahaba-E-Kiraam. Hazrat Saa-ib Bin Yazeed fine dire :
“Zotte (banne Sahaba) ti pé faire 20 rakaats dans le mois de Ramadwan à l’époque Hazrat ‘Oumar (r.a).” (Al Bayhaqi)

Hazrat Yazeed Bin Roumaan fine dire : “Banne dans l’époque Hazrat ‘Oumar (r.a) ti pé faire 23 (20 Tarawih + 3 Witr) rakaats dans Ramadwan.” (Al Bayhaqi)
Hazrat Abou Abdour-Rahman As-Salami et Hazrat Aboul Hasanaa fine dire :
“Hazrat Ali (r.a) ti ordonne ène personne pou faire banne dimounes accomplir cinq Tarweeha - c'est-à-dire 20 rakaats.” (Al Bayhaqi)

N.B Ene Tarweeha c’est 4 rakaats. 5 Tarweeha faire 20 rakaats.

“Hazrat Abdoullah Bin Mas’oud (r.a) ti pé faire 20 rakaats et 3 rakaats Witr. (Oumdatoul-Qari - commentaire lors Boukhari par Allaamah Badrouddeen Al Ayni)

C’est à coze ki la pratique de banne Sahaba-E-Kiraam ti de 20 rakaats Tarawih, d’après le principe établi par banne savants de hadith, capave considère le hadith de Hazrat Abdoullah Bin Abbas (r.a). Dans ène situation pareille ène hadith faible aussi renforci et vine fort.

Question No 3

Eski li nécessaire faire Tarawih avec jama’at ?

Réponse No 3

Rassouloullah (s.a.w) finne faire li avec jama’at pendant trois jours dans Ramadwan. Dans l’époque Rassouloullah (s.a.w) même, ène ti groupe de Sahaba-E-Kiraam ti pé faire li avec jama’at ène coté dans masjid ki Rassouloullah (s.a.w) finne approuvé. Dans l’époque Hazrat ‘Oumar (r.a) aussi ti éna plusieurs groupes ki ti pé faire namaz Tarawih en plusieurs jama’ats ki plutard Hazrat ‘Oumar (r.a) finne rassemblé zotte en ène seul jama’at derrière ène seul Imam. Hazrat Ousman (r.a) et Hazrat Ali (r.a) finne organise namaz Tarawih avec jama’at dans zotte règne respectif. Après zotte banne Tabeines aussi finne acomplir li avec jama’at. Tout sala suffit pou montré ki namaz Tarawih avec jama’at li Sounnat. Mais étant donné ki ti éna ène parti dans ça banne l’époque-là ki pas ti pé participé dans jama’at et ça pas finne désapprouvé par kiken, li faire nou comprend ki li ène Sounnat ki pas appliqué lors chaque individu.

Ene Sounnat pareil appelle Sounnat alal Kifaya. Donc Tarawih li Sounnat Mouakkadah lors chaque individu mais faire li avec jama’at li Sounnat alal Kifayah. C'est-à-dire dans chaque localité bizin éna ène groupe de personne ki accomplir li en jama’at dans masjid afin ki chaque individu dans ça localité-là li acquitté de so responsabilité. Sinon chaque individu pou responsable et coupable d’avoir néglige ène Sounnat.

Question No 4

Eski Tarawih li Sounnat pou banne madames aussi ?

Réponse No 4

Oui, Tarawih li Sounnat pou banne madames aussi.

Question No 5

Eski gagne droit faire namaz tarawih derrière ene Hafiz sahab ki pas garde la barbe ou bien ene Hafiz sahab ki garde la barbe moins ki ene poignet?

Réponse No 5

Faire ene fois Khatmoul-Qur’aan dans namaz tarawih li sounnat. Mais bizin faire li derrière ene Imam ou bien ene Hafiz sahab ki sérieux et bien dans Deen au moins par so l’apparence. Ene Hafiz sahab ki (a) pas garde la barbe et ki habitué rase so la barbe ou bien (b) ki habitué garde la barbe temporairement juste pou namaz tarawih dans Ramadwaan ou bien (c) ki garde la barbe moins ki ene poignet, li ene faasiq d’après Shariat. Pas gagne droit fixé ene hafiz pareil pou faire Imam ni dans faraz ni dans tarawih. La direction de masjid ki autorise ene Imam coumsa diboute lors Mouswallah, zotte pou coupable divant Allah Ta’ala pou avoir néglige zotte responsabilité. Ene hafiz pareil li pas gagne droit faire Imamat ni banne mouswalli gagne droit faire namaz derrière li. Vaut mieux faire tarawih avec banne tipti Sourah ki faire Khatmoul Qur’aan derrière ene Imam ou ene Hafiz pareil.

La lune Ramadwan

Question

Couma établir la visibilité de la lune pou Ramadwan ?

Reponse.

1. Après le 29ème jour de Sha’baan, si le temps claire et pérna nuage dans l’horizon cote supposé trouve la lune, alors bizin ène bon nombre de personnes témoigne la visibilité la lune pou capave proclame la fin de Sha’baan et le commencement de Ramadwan. Dans ce cas, témoignage ène ou deux personnes pas suffit.

2. Mais si le temps li sombreux et nuageux ki empêche la visibilité la lune, alors lors témoignage ène personne ki bien dans Deen, capave proclame le commencement de Ramadwan et la fin de Sha’baan. Ça ène personne bien dans Deen-là capave ène missié couma li capave ène madame aussi.

3. Si le jour après le 29ème de Sha’baan pas fine trouve la lune, alors bizin attane encore ène jour pou faire le mois vine de 30 jours. Après le 30ème jour de Sha’baan, automatiquement le mois de Ramadwan pou commencé.

20 raka'at taraaweeh

Question

Banne salafi dire ki li sunnah pou faire zisse 8 rakaat taraaweeh, est-ce ki li correk?

Reponse.

Salaf c’est banne Sahaba-e-Kiraam, banne Tabeines et banne Taba-Tabeines. Etre Salafi veut dire suive les principes de banne ki ti dans ça trois l’époque-là. Nou tous conné ki banne Sahaba-e-Kiraam fine tombe d’accord lors 20 rakaat taraweeh et ça fine continué être pratiqué dans l’époque Tabeines et Taba-Tabeines. Astere si ene dimoune declare li ene Salafi sans ki li accepté 20 rakaat Taraweeh, ça li pou paraite bien étonnant. Ça nom Salafi-là pas alle avec li. C’est ene fausse prétention. Ou capave appelle ou n’importe quoi. Si ou fine tourne ou le dos avec banne principes ki ti en vigueur dans ça trois l’époque-là, ça sufi pou disqualifié ou comme ene bon musulman. Après ça ki salafi ou pou été! A moins si d'après ou, salafi signifié ene ki pas ene bon musulman.

Papa beaupere so garcon marier avec mama bellemere so ti fille

Question:

Ene missié ki ena ene garçon de so premier madame, fine marié avec ene madame ki ena ene tifille de so premier missié. Eski ça garçon-là capave marié avec ça madame-là so tifille?

Réponse:

Oui, li capave marié parceki zotte perna aukene relation disang ni kit relation dulait. C'est necque ça missié-là ki pas capave marié avec ça tifille-là et ça madame-là pas capave marié avec ça garçon-là.

faire Hajj avec ene non-mahram

Question:

Eski ene madame capave alle faire hajj avec so belle-mère so frère, c'est à dire so missié so mamou?

Réponse: 

Non, li pas capave allé parceki si so missié quitte li, li pou gagne droit marié avec so missié so mamou. Donc li pas ene mahram. A noté ki ene mahram c'est ene kikene ki ene madame pas gagne droit marié avec li jamais.

Punition quand pas faire namaaz

Question 

ki Punition ene dimoune pou gagné quand li pas faire namaz ?

Reponse.

1. "Celui ki fine quitte namaz, couma dire li fine faire Kufr" (Abu Dawood)
2. "Barrière entre Imaan et Kufr, c'est namaz" (Mouslim/Ahmad)
3. "Celui ki quitte namaz avec connaissance, Allah so protection li enlevé depi lors li …(Mousnad Ahmad)
4. "Celui ki pas ponctuelle lors namaz, pou levé jour Qiyaamat avec Qaaroune, Fir'aun, Hamaan et Ubayy Bin Khalaf." (Mousnad Ahmad)

Statu de la pratique banne Sahaba

Question

Est-ce ki nous capave donne la pratique de banne sahaabah ene statu pareil couma hadeeth?

Reponse.

 Ene kitchose ki Rassouloullah (s.a.w) fine déclaré, appelle li hadice Qawli. Ene kitchose ki Rassouloullah (s.a.w) fine pratiqué, ça nou conne li par hadice Fei'li. Et ene kitchose ki ni li fine pratiqué ni li fine dire mais seulement ça kitchose-là fine traversé divant li et li pas fine désapprouve li, ça aussi appelle li hadice même. Ça genre de hadice-là appelle li hadice Taqreeri.
Coumsa même ceki banne Sahaba-e-Kiraam fine pratiqué après Rassouloullah  aussi, li ena ene statu de hadice même. Au contraire ça forme de hadice-là li pli fort ki lezot parceki c'est la forme appliqué de hadice de Nabi (s.a.w) ki fine être adopté par toute ene génération de Sahaba-e-Kiraam et banne Tabeines. D'ailleurs Nabi (s.a.w) fine donne l'ordre pou suive le principe de banne Khoulafaa-e-Rashideen pareil couma li fine ordonne pou suive so propre sounnat.
Donc ça thèse ki dimoune avancé pou pas accepté trois talaaq couma trois talaaq ou bien 20 rakaats taraweeh lors prétexte ki ça perna dans hadice, c'est ene fausse prétexte parceki ceki banne Sahaba-e-Kiraam fine décidé et fine pratiqué, li ena ene statu de hadice Nabi (s.a.w) dans la forme appliquée.
Si jamais la pratique banne Sahaba-e-Kiraam li paraite en conflit de ceki Nabi (s.a.w) fine dire et faire, alors en realité c'est ene contradiction entre deux hadice: Ene hadice verbale et ene hadice appliquée. Li pas ene contradiction entre hadice et la pratique de banne Sahaba. Dans ene situation pareil, d'après principe, bizin donne priorité ça hadice ki li dans la forme appliquée. C'est à coze ça ki banne 'Oulama fine dire ki trois talaaq ki donné ene seul coup li compte trois même et salaat-ut-Taraweeh c'est 20 rakaat. Et li pas correct pou dire ki ça pas basé lors hadice. C'est ene erreur capital ki boucou pé faire pou induire le public dans l'égarement.

Paye dimoune pou lire Quraan

Question

Eski gagne droit prend casse pou lire Qour'aan dans la caze dimoune?

Réponse:

Lire Qour'aan li ene ibaadat. D'après principe ene dimoune perna droit réclame narien pou ene ibaadat. Selon ene hadice, Rassouloullah  fine empêche servi Qour'aan comme ene gagne pain. Donc li pas permette prend casse pou lire Qour'aan dans la caze dimoune. Ça dimoune ki donné-là aussi pou coupable divant Allah Ta'ala. Quant à l'enseignement Qour'aan-e-Kareem, alors li permette employe dimoune lors la paye pou assume ça responsabilité-là parceki l'enseignement Qour'aan li ene kitchose de base dans Deen. Donc li ene nécessité. Zordi jour ena bien tigite dimoune ki pou disposé faire li volontairement à longue terme. Si nou pou attane banne volontaires même, nou banne zenfants pou reste sans conne Qour'aan. Alors acoze ça nécessité-là, banne 'Oulama fine trouve ene concession en ceki concerne l'enseignement Qour'aan. Longtemps banne ki ti engage zotte dans travail de Deen, ti pé gagne aide de coté Bait-ul-Maal ki ti ena dans l'état Islamique. Astere perna li. Mais travail-là bizin continué. Donc ça li vine lors responsabilité de chaque individu ki pé bénéficié avec ça service-là couma li possible ki ça aide-là li garanti en forme salaire de la part ene société, organisation ou bien ene institution. C'est-à-dire travail ki Bait-ul-Maal ti pé faire longtemps, bizin faire li à titre individuel ou collectif astere.
Coumsa même gagne droit employe kikene pou enseigne Deen, pou faire Imaam ou bien pou donne azaan parceki ca banne kitchose-là pou négligé si pas pou payé. Mais pas gagne droit payé pou lire Qour'aan.

Polygamie

Question No 1

ki shariat dire concernant la polygamie?

Reponse.

La polygamie veut dire marié avec plis ki ene madame. Ene zomme musulman ena droit marié ziska 4 madames à la fois. Mais li bizin traite tous so banne madames pareil. Traite tous banne madames pareil li applique ziste dans banne zaffaires matériels couma mangé-boire, l'habillement, logement et resté pendant la nuit. C'est-à-dire li bizin reste ene-ene nuit acote chakene. Li pas gagne droit reste deux nuits cotte ene et ene seul nuit cote ene l'autre. Li bizin donne chakene le même nombre de nuit. Coumsa même li bizin donne chakene le même niveau de vie dans tout kitchose. 
En ceki concerne l'amitié et le coté sentimental, personne pas capave pretanne capave ena control lors-là. Acoze ça Shariah pas impose égalité là-dans parceki ça li impossible. Mais ene missié ena capacité pas laisse paraite ki li content ene plis ene moins. Donc li bizin faire zeffort ça quantité-là. Apres tout, combien zeffort ou pou faire pou garde tout pareil mais chakene pou trouvé ki so camarade pé gagne plis. Donc acoze ça, de temps en temps pou gagne problème ki pou bien fatiguant. Alors ene dimoune bizin conne so capacité avant li marié plis ki ene madame.
La polygamie li ene kitchose ki trouve presque dans tout dimoune. Li vrai ki ena aussi boucou ki pretanne pas content ça. Mais si zotte gagne l'occasion, zotte pou faire li. C'est ene désir et ene l'envie ki reste dormi dans l'intérieur tout dimoune. Li couma dire ene l'appétit ki pas pé manifesté. Li depanne ki menu ou mette divant li. Si li gagne ene bon plat, ou même guetté si li pas mangé.
Coumsa même boucou madames capave qualifié ça de ene vice. Mais necque guetté, si ene prince ou ene acteur propose li, si li pas accepté pou marié avec li sans ki li guette ki ….ieme li pou été.
Apres tout, mariage li pas ene esclavage. Si ene madame pas oulé vine ene deuxième madame pou ene ki déjà ena so premier madame, alors personne pas capave force li pou marié. Ene mariage c'est ene contrat ki dimane le consentement missié et madame tous les deux pou li finalisé. Au lieu vine dire banne zomme pas marié deuxième ou troisième, empêche banne madames vine deuxième ou troisième madame kikene. Mais madame-là ki l'intérêt li ena dans evite faire ça quand li trouvé ki vaut mieux li ena ene bon dimoune derrière so ledos ki ki li vive tout seul pou vine ene proie pou toute sorte jouisseur. Ou bien li capave préfère vine ene deuxième pou ene kikene ki garde li bien au lieu marié avec ene célibataire ki pou ruine li toute longue la vie. Vaut mieux li reste avec kikene dans légalité avec l'honneur et respect ki laisse banne jouisseur jouir et joué avec so la vie sans prend la moindre responsabilité.