Halaal, Haraam et Makrooh

Question No 1.

Quand ene kitchose pou etre considerer comme Halaal, Haraam et Makrooh?

Reponse.

Haraam et Halaal

Ene kitchose ki empêché ou bien ene kitchose ki permette, ça li bizin ena preuve pou ça. Si ça preuve ki pé empêche ene kitchose-là li ene preuve ki catégorique, alors nou appelle ça kitchose-là haraam.

Par exemple la viande porc li empêché par banne preuves catégoriques. Donc la viande porc li haraam. Donc haraam li ene degré de l'interdiction ki basé lors ene preuve catégorique.

Coumsa même halaal c'est ene kitchose ki permette et ki so preuve li catégorique. Li bien grave considère ene kitchose haraam comme halaal et vis-versa. Par faire ça erreur-là, ene personne nepli reste ene musulman. Li sorti en dehors l'Islam. Par exemple ene dimoune li conné Allah Ta'ala et so Rasool  fine déclare l'alcool haraam. Malgré ça, li considère li halaal. Alors ene dimoune pareil li nepli reste musulman. Coumsa même l'Islam fine permette ene zomme ena 4 madames. Mais ene dimoune dire ki ça li pas permette. Ça dimoune ki dire ça-là, li pas reste ene musulman parceki ene kitchose ki li halaal, li pé déclare haraam.

Makrouh

Parfois ena certaine kitchose ki ena tous les deux porté. D'après certaine preuve, ou trouvé ki li bizin haraam et d'après ene banne preuves, li paraite ki li halaal. Si ena pli boucou preuve ki li haraam, ça veut dire ki li batte pli près avec haraam. Ene tel degré de l'interdiction, nou appelle li makrouh tahreemi.

Et si ena pli boucou preuves ki li halaal, ça veut dire li batte pli près avec halaal. Ene tel degré de l'interdiction, nou appelle li makrouh tanzeehi.

D'après ene hadice rapporté par Hazrat Nou'maan Bin Bashir (RA) ki trouve dans Sahih Boukhari, Sahih Mouslim et lezot livres de hadice, Rassouloullah (s.a.w) fine recommane nou pou abstenir de banne kitchose douteux. Parceki ça c'est ene moyen ki préserve ene dimoune so Deen et so l'honneur. Et dans pas prend précaution avec banne kitchose pareil, ena toute chance tombe dans haraam ki catégorique. Acoze ça nou bizin évite makrouh tahreemi et makrouh tanzeehi aussi si nou envi vraiment préserve nou de haraam. Dans ça façon-là, abstenir de makrouh tahreemi et makrouh tanzeehi li pou ene barrière ki pou sépare nou de commette haraam.

Lire namaaz tout seule dans ene saff

Question No 1.

Quand ene dimoune vine dans masjid et li trouve banne saff fine rempli, alors li gagne droit diboute tout seul par derriere?

Reponse.

Li pas bon lire namaz tout seul dans ene saff quand pé faire namaz avec jamaat. Quand ene dimoune vine dans masjid et li trouve banne saff fine rempli, alors li pas diboute tout seul. Li bon ki li risse ene mouswalli avec li afin ki li pas reste tout seul dans ene saff. Ça c'est le principe. Dans applique ça principe-là, li possible ki dimoune-là pas comprend et li capave casse so namaz. Dans ene cas pareil, faudré pas risse kikene. Vaut mieux faire namaz tout seul ki casse kikene so namaz. Zordi jour, bon bon dimoune aussi pas conne principe. Acoze ça bizin pas applique ça principe-là. Parceki nou applique principe pou arrangé. Si acoze l'ignorance banne dimoune li vine ene moyen pou dérangé au lieu arrangé, alors li perdi so raison d'être. Bizin pas faire li. Mais bizin continué instruire dimoune pou zotte arrive dans ene stage cote capave applique tous banne principes.

la connaissance pou enlevé quand........

Question No 1.

Dans ene Hadeeth fine dire ki la connaissance pou enlevé quand Qiyaamat près pou arrivé, ki veut dire sa?

Reponse.

D'après hadice de Nabi (s.a.w), quand Qiyaamat près pou arrivé, Ilm (la connaissance de Deen) pou enlevé et ça pou remplacé par l'ignorance. Le taux de zina pou augmenté. Dimoune pou boire l'alcool boucou.
Ena dimoune croire ki la connaissance pou enlevé quand Qour'aan-e-Kareem so l'écriture pou effacé. Mais en réalité Qour'aan pou reste intacte. C'est necque banne dimoune ki ena la vrai connaissance de Qour'aan ki pas pou resté. Donc quand banne 'Oulama pou enlevé, connaissance de Deen aussi pou enlevé. Et après ça Qiyaamat pou vini.
Ça montré ki l'existence banne 'Oulama lors ça dounia-là li ene bénédiction et ene moyen de hidaayat ki garantie l'existence de connaissance et la pratique de Deen lors ça la terre-là. Li ene erreur capital tourne le dos avec banne 'Oulama couma boucou dimoune dire "ki faire bizin banne 'Oulama quand nou ena Qour'aan et hadice dans nou la caze". Bizin faire bien attention! La connaissance de Deen nou gagné à travers banne Oulama. Sinon nou capave ena Qour'aan et hadice dans nou la main, mais de coté connaissance et la pratique, nou pou zéro.
Acoze ça même nou trouvé ki jamais Allah Ta'ala fine envoye ene livre sans li envoye ene Nabi pou enseigne ça. Par contre, ena des fois Allah Ta'ala fine envoye seulement Nabi sans envoye kit livre avec li. Ça montré ki l'enseignement de Deen fine toujours assuré par banne Nabi et so banne z'héritiers.
Donc tourne le dos avec banne 'Oulama li représente tourne le dos avec Deen.

Ene madame ki reste separer avec so missier

Question No 1

Eski li vrai ki ene madame li gagne so talaaq si li reste séparé avec so missié pendant ene bon boute le temps?

Réponse No 1

Quand ene missié et ene madame vive ensemble couma missié-madame pendant ene bon boute le temps sans faire nikah, ça pas faire zotte vine missié-madame d'après Shariah. Coumsa même quand ene missié-madame ki fine fini faire nikah, reste séparé après zotte nikah pendant ene siècle aussi, ça pas faire ça madame-là gagne talaaq.
Missié-là bizin donne so madame talaaq pou ça madame-là gagne so talaaq. Ou bien dans certaine cas, ene Qazi ou bien société musulman aussi capave casse ça nikah-là avec certaine condition si madame-là li faire ene demande pareil.

Question No 2

Eski ene madame capave donne so missié talaaq?

Réponse No 2

Talaaq li dans la main missié. Li pas dans la main madame. Donc mille ene madame donne so missié talaaq, ça pas pou ena aukene l'effet. Zotte continué reste missié-madame.

Cherche la connaissance même jusqu’à en chine

Question No 1.

D’après ene certaine information, ça hadice suivant-là fine être considéré comme ene hadice fabriqué: Eski li vrai?

"Cherche la connaissance même jusqu’à en chine".

Réponse:

“Cherche la connaissance même jusqu’à en chine parceki cherche la connaissance li obligatoire lors chaque musulman”

C’est ene hadice ki fine être rapporté par Hazrat Anas r.a et fine être sélecté par Ibn Adi dans Al-Kamil, par Hafiz Ibn-ul-Barr dans so Jami-ul-Bayaan Fil-Ilm, par Al-Baihaqui dans so Al-Moudkhal et Shou’bul-Imaan. Imam Al-Ghazaali (rahmatoullahi alayh) aussi fine faire mention de ça hadice-là dans so Ihyaa-ul-Uloom.

Al-Hafiz Zain-ud-Deen-Al-lraqui, ene éminent savant de hadice du 8eme siècle Hijri, dans ene livre ki li fine écrire pour situé position de chaque hadice mentionné dans Ihyaa-ul-Uloom dire: “Al-Baihaqui dire ki so Matn (contenu) li Mash-hour (reconnu) mais so banne sanad (chaîne de narration) zotte faible".

Donc selon Imam Al-Baihaqui, ene savant de hadice de 5eme siècle Hijri, le hadice en question li rapporté par plusieurs sanad et ki chaque sanad là-dans li faible.

A la lumière de ceki Al-Baihaqui fine déclaré, nou comprend ki le hadice en question, li pas “Mawdou” (fabriqué) parceki ene Sanad faible pas veut dire nécessairement fabriqué. Ena des fois, ene hadice semblable ena la chance et la possibilité vine dans rang ene hadice “Hassan” (bon/passable) quand li rapporté par plusieurs Sanad couma ça li ene principe établi chez banne “Mouhaddices” (savants de hadice).

Al-Hafiz AI-Iraqui aussi ki ti fine engage li pou situé position de banne hadices mentionnés dans lhyaa-ul-Uloom de Imam Al-Ghazaali (rahmatoullahi alayh), pas fine trouve narien pou qualifié li comme "Mawdou" (fabriqué) couma li ena l’habitude faire li à cote li nécessaire.

Donc le hadice en question li pas “Mawdou” (fabriqué). Li ene hadice faible avec ene possibilité d’être élevé au rang de “Hassan” (bon/passable). Effectivement Allaamah Al-¬Mizzi dire ki le hadice ena plusieurs Sanad. Dans so l’ensemble, li capave accède au rang ene hadice “Hassan”. Quant à Allaamah Al-Azeezi de As-Sirajul-Munir, ene commentaire lors Al-Jami-us-Sagheer, li considère le hadice comme ene hadice “Hassan Lighairihi”, c’est à dire ene hadice ki fine être considéré comme Hassan (bon) pou banne raisons apart et extérieurs.

Sajdah Tilaaawat

Question No 1

Eski li permette faire Sajdah Tilaaawat après namaz Fajar et après namaz Assar ?

Réponse :

D’abord nou bizin conné ki ena cinq l’heure ki li pas permette pou faire namaz nafil :

1. Apartir Soubha-saadiq (l’aube) ziska ki soleil levé,

2. Pendant ki soleil pé levé, 

3. Pendant zawaal (zénith), 

4. Après namaz Assar ziska soleil couché,

5. Pendant ki soleil pé couché.

Et banne namaz qadhaa nou gagne droit remplacé dans tout banne l’heure excepté : 

1. Pendant ki soleil pé levé

2. Pendant zawaal (zenith)

3. Pendant Taghai-yur. 

N.B : Taghai-yur veut dire changement. Dans ce contexte ici, li signifié ça phase quand soleil change couleur et li vine jaune. Normalement ça li arrive ene ti pé le temps avant ki soleil couché. Pou conne Taghai-yur, nou bizin essaye fixé soleil. Si nou capave fixé, ça veut dire ki Taghai-yur fine fini commencé. Tanque li difficile pou fixé regard, veut dire ki soleil pencore rente dans ça phase ki appelle Taghai-yur.

4. Pendant ki soleil pé couché.

-----------------------------------------------------------

Nou capave faire Sajdah Tilaawat dans n’importe ki l’heure. Nou capave faire li même dans banne l’heure cote namaz qadhaa ou bien namaz nafil pas permette. Mais li bon si nou pas faire li pendant ça quatre l’heure-là. Si jamais sajdah fine vine waajib dans ene lot l’heure apart banne l’heure ki fine mentionné là-haut, alors li pas pou permette faire li dans ça quatre l’heure là aussi. Par ça explication-là nou fine comprend ki li permette faire sajdah tilaawat après namaz Fajar et après namaz Assar. Et coumsa même quand soleil pé levé et quand soleil pé couché aussi, nou gagne droit faire li. Malgré ki li pli bon si nou faire dans ene lot l’heure. Mais li pas permette pou nou choisir ça deux l’heure-là, c’est-à-dire quand soleil pé levé et quand soleil pé couché, pou faire ene sajdah ki ti wajib dans ene lot l’heure.

Causé rié après la mort

Question No 1

Eski li possible ene dimoune ki fine fini mort, li rié causé? Ene groupe parmi banne ki fine gagne zotte diplome dans shariat a madinah fine refute sa.

Réponse:

Normalement banne kitchose couma causé rié après la mort pas habitué arrivé. Acoze ça li paraite impossible mais en réalité li ene kitchose impossible seulement dans la pratique. Li pas ene kitchose impossible ki pas capave arrivé parceki ena banne l’événements pareille ki fine déjà arrivé dans le passé.

Dans Qour’aan-e-Kareem ena plusieurs l’événements ki montré ki dimoune mort fine revive et fine causé. Dans l’époque Hazrat Moussa (a.s) , ene dimoune fine levé après la mort pou montré ça dimoune ki ti touye li. Hazrat Issa (a.s) fine lève plusieurs dimoune après zotte la mort par l’ordre Allah Ta’ala. Ça banne dimounes-là fine vive aussi ene bon boute le temps après ça.

Selon ene hadice dans Al-Moustadrak de Al-Hakim et dans Tibraani ki fine qualifié de ene hadice authentique, dans l’époque Hazrat Usmaan (r.a) , Hazrat Zaid Bin Kharijah (r.a) ti causé après so la mort. Allaamah Ibn Hajar Al-Asqalaani présente Hazrat Zaid Bin Kharijah (r.a) dans so Taqreebut-Tahzeeb en ce terme :

"صحابى بدرى توفى فى خلافة عثمان وهو الذى تكلم بعد موته" 

“Li ene Sahabi (compagnon du Prophète (s.a.w)) et ene Badri (ki ti participe dans bataille de Badr). Li ti mort dans l’époque khilaafat Hazrat Usmaan (r.a) . C’est li même ki ti causé après so la mort.”

Selon ceki Allaamah An-Nawawi fine cité dans so commentaire lors sahih Mouslim, ti ena deux frère ربعى et ربيع. Tous les deux ti garçon حراش

ربعى ti faire serment ki jamais li pou riyé tanque li pas conne so place dans Aakhirat. Alors c’est necque après so la mort même ki li fine riyé. Quant à so l’autre frère ربيع, li aussi li ti faire même qualité serment. Ça dimoune ki ti donne li ghoussal après so la mort raconté ki ربيع ti pé faire sourire pendant ki nous ti pé baigne li. Si nous servi l’intelligence, li pas difficile pou comprend ça banne kitchose-là parceki quand ene tronc pied tamme capave pleuré, la grain tamme capave faire tasbeeh, banne vaisselle dans la caze capave faire zikr, roche capave faire salaam, ene la chaire ki fine fini cuit capave causé, banne zanimau capave causé couma dimoune causé, alors ki impossible ena quand ene dimoune ki ti pé déjà causé, arrivé causé après so la mort.

Apres vine faire banne remarques couma “eski dimoune même sa ou bien Robo” ….. “Sa bizin ki li ene superman” ou bien “sa ziste dans livre zistoire qui ena sa”, c’est banne remarques et banne commentaires banales, futiles et sans fondations. Nous constate avec ene grand regret et amertume ki de jour en jour connaissance de Deen apé déprécié parceki kitchose dans Deen ki dimoune ti pé comprend sans alle l’école, zordi jour dimoune pas pé comprend li après avoir faire même B.A ou M.A dans shariat aussi. Et pas fini ! Ceki pli étonnant, ou gagne applaudissement lors banne remarques enfantin et banales. Mais li pas bizin paraitre étonnant parecki quand B.A ou M.A dans shariat pas pé comprend, abé public ki pas fine appranne, cote pou comprend.

Eski ça banne ‘connaisseurs’ de Deen-là pou ena le courage traite Qour’aan et hadice aussi de ene livre zistoire ? Eski zotte capave qualifié le Al-Fourqaan de Ibn Taimiyah aussi de livre zistoire ? Faudré pas causé quand pas conné. Cause kitchose sans conné capave amene ou ziska perdi Imaan aussi. Acoze ça même Rassouloullah (s.a.w) fine dire :

“… Celui ki ena Imaan lors Allah et lors dernier jour du jugement, alors li bizin cause bon causé ou bien li reste tranquille.”

l'Apparence Islamique

Question No1.

Est-ce ki li Farz pou garde la barbe? ki longuer bizin garde li?

Reponse:

li Waajib pou garde la barbe et li sunnah pou laisse longueur ene poignet.

Hadeeth concernant la barbe:

Hadice No 1:

"عن ابن عمر قال قال رسول الله صلى الله عليه وسلم انهكوا الشوارب واعفوا اللحى

(البخارى)

Traduction:

(Hazrat Abdullah) Bin 'Oumar (R.A) dire ki Rassouloullah  fine dire: Diminué moustache et laisse la barbe poussée." (Boukhari)

Hadeeth No 2:

"عن نافع عن ابن عمر عن النبى صلى الله عليه وسلم قال خالفوا المشركين وفروا اللحى واحفوا الشوارب. وكان ابن عمر اذا حج اوعتمر قبض على لحيته فما فضل اخذه 

(البخارى)

Traduction:

(Hazrat) Nafi' rapporté depi (Hazrat Abdullah) Bin 'Oumar (R.A) ki Rassouloullah (S.A.W) fine dire: Faire le contraire banne polythéistes. Donc garde la barbe et diminué moustache complètement. 

Quand (Hazrat Abdullah) Bin 'Oumar (R.A) ti pé alle faire hajj ou bien 'oumrah, li ti habitué attrape so la barbe avec so poignée et ti pé coupe ceki ti en plis (après so poignée)." (Boukhari)

Haafiz Ibn Hajr Al a'sqalaani fine donne sa  hadeeth la comme reference pou banne ki dire ki li sunnah pou garde la barbe ene poignet.

Voyage

Question No 1.

Est-ce ki li permette pou ene madame voyager sans Mahram?

Reponse.

Dans ene Hadeeth ki trouve dans Bukhari Shareef Nabi (S.A.W) fine dire:

"لا تسافر المرأة ثلاثة ايام الا مع ذى محرم"

(البخارى )

Traduction:

“Ene madame faudré pas li voyage (ene distance) trois jours sans ki li ensemble avec ene mahram.” (Saheeh Boukhari)

Explication:

Ene distance trois jours veut dire ene distance ki ene voyageur capave couvert dans trois jours. Dans l'époque longtemps dimoune ti pé voyage lors chameau. Donc ene distance trois jours signifié ene distance ki ene dimoune capave couvert dans trois jours par chameau. Couma nou conné ki zotte pas ti pé voyage 24 lors 24, c'est necque ene parti dans ça 24 hrs là ki zotte ti pé voyagé. Dans ça ene parti voyage-là, zotte ti pé couvert 16 miles par jours. Donc ene distance de trois jours c'est 48 miles. Zordi jour nou ena banne moyen transport bien bien rapide. Ça distance ki zotte ti pé prend 3 jours pou couvert li longtemps, zordi avec facilité ki nou ena, nou capave faire li dans trois minutes aussi. Ceki important là-dans c'est ça distance-là, pas ça trois jours-là. Donc ene madame pas gagne droit voyage ça distance-là sans être accompagné par ene mahram, quand même li faire li dans pli tigite le temps ki ça 3 jours-là.

Ki veut dire mahram ?

Ene mahram pou ene madame c'est ene zomme ki ça madame-là pas gagne droit marié avec li jamais couma madame-là so papa, so garçon, so banne ti zenfants, so frère, so neveu, banne zenfants so neveu ou bien banne zenfants so nièce, so nana, so dada, so mamou, so chacha. Ça li appliqué pou tous madame en general. Quant à ene madame marié, alors soit li accompagné de so missié ou bien ene dans ça banne-là. A noté ki beau-frère, poupa, kalou, cousin ou bien zenfants cousin cousine zotte pas mahram. Coumsa même banne grand dimoune ki ou appelle zotte nana, dada, mamou, chacha ou bien frère par l’amitié ou par respect, zotte continué reste étranger. Zotte pas vine ou mahram. Couma ene zomme li vine mahram pou ene madame par relation du sang, coumsa même li capave vine mahram par relation du lait aussi. C'est-à-dire quand ene ti baba boire du lait avec ene madame, alors ça madame-là so missié vine ça ti baba-là so papa du lait. Ça madame-là vine mama du lait. Madame-là so banne zenfants et banne lezot zenfants ki li fine faire boire du lait vine ça ti baba-là so banne frère sœur du lait. Coumsa même madame-là so frère vine ça ti baba-là so mamou du lait. Donc couma ene madame li gagne droit voyagé avec so propre garçon du sang, coumsa même li gagne droit voyage avec so garçon du lait. Mais dans tout ça-là li important ki ça ti baba-là fine boire du lait quand li pas ti encore gagne deux ans. Si jamais li boire du lait avec ene madame dans l’age après deux ans, alors ça boire du lait-là pas pou faire li vine garçon du lait ça madame-là. Ene mahram couma li bizin ene personne ki majeur, coumsa même li important ki li sain d’esprit. C'est-à-dire ene garçon mineur pas capave servi comme ene mahram dans voyage pou ene madame. Coumsa même ene personne ki pas sain d’esprit pas capave servi comme ene mahram dans voyage.
Dans ça hadice-là, Rassouloullah  pas fine spécifié aukene sorte de voyage. Donc ça li applique pou tout qualité voyage ki ene dimoune faire dans ene façon délibérée. Par exemple voyage de promenade, voyage de commerce et voyage de l’étude. Ça la loi-là li applique en général pou tout voyage. A moins si ena kit nécessité réelle. A ce moment-là li pou permette et li pou exempté de ça règle général-là. Par exemple ene madame ki ena pou alle à l’extérieur pou faire soigne li ou bien pou ene traitement médical ki perna cotte li dans so pays. Alors si li perna mahram, dans ça cas-là, exceptionnellement li gagne droit voyagé li tout seul.
Eski ‘oumrah ou bien hajj li ene nécessité ki autorise ene madame voyagé li tout seul sans mahram ? Le fait ki Rassouloullah (S.A.W) pas fine spécifié aukene sorte de voyage et li fine laisse li vague, alors de par so sens general li bizin applique pou ene voyage de ‘oumrah et de hajj également. Parceki perna aukene blâme lors ene madame si li pas fine réussi faire ‘oumrah ou bien hajj acoze ki li perna mahram. A noté ki tanque li perna ene mahram ki accompagne li, hajj pas vine obligatoire lors li pou accomplir. Si li pas réussi faire li dans so vivant, li bizin toujours fini faire ene testament pou ki so banne z’héritiers capave envoye kikene faire hajj de so coté après so la mort. Tout ça-là montré ki ‘oumrah et hajj li pas ene nécessité dans cas ene madame ki perna mahram. Alors ça hadice-là pou applique pou voyage ‘oumrah et hajj aussi, surtout quand d’après banne juristes couma Hassan Al-Basri, Ibrahim An-Nakhi-ï, Imaam Abou Hanifah, Imaam Ahmad, Ishaaq et Abou Thaur, hajj li pas vine obligatoire lors ene madame ki perna mahram.

Nou ena ene hadice dans Saheeh Boukhari rapporté par Hazrat Abdullah Bin Abbaas (R.A) ki confirme dans ene façon assez clair ki ene madame bizin être accompagné par ene mahram pou le voyage de hajj aussi. Selon ça hadice-là, Rassouloullah  fine dire dans ene certaine l’occasion :

لا تسافر المرأة الا مع ذى محرم ولا يدخل عليها رجل الا ومعها محرم

Ene madame faudré pas li voyagé sans ki ena ene mahram avec li. Ene zomme faudré pas li rente cote ene madame sans ki li (madame-là) ena ene mahram avec li.
Ene Sahabi ki ti là-bas fine demandé :

يا رسول الله انى اريد ان اخرج فى جيش كذا وكذا وامرأتى تريد الحج

O Allah so Rasoul (S.A.W) mo ti ena l’intention pou sorti dans tel ou tel l’armée. Et mo madame pé faire l’intention hajj ?

En réponse Rassouloullah (S.A.W) fine dire li :

اخرج معها

Alle ensemble avec li.

Explication :

Ça montré ki li bien important ki ene madame bizin être accompagné par ene mahram. Li pas gagne droit voyage li tout seul. Ça li tellement important ki Rassouloullah  fine ordonne le Sahabi pou abandonne l’intention sorti dans jihaad ki li ti déjà fini inscrire so nom, ziste pou li capave accompagne so madame dans hajj. Selon la version سعيد بن منصور, le Sahabi concerné ti faire نذر (vœux) pou li alle dans ça certaine jihaad-là. Par ordonne li pou accompagne so madame dans hajj, Rassouloullah (S.A.W)fine autorise le Sahabi concerné pou casse so promesse ki li ti faire pou sorti dans jihaad. Qour’aan et hadice fine mette boucou l’emphase lors la nécessité respecté ene promesse. Si malgré ça Rassouloullah (S.A.W)fine ordonne li pou abandonne ziska ça aussi, alors ça montré ki quantité li pli important ki ene madame pas alle hajj li tout seul sans être accompagné par ene mahram. Ça hadice-là montré ki l’ordre pou pas voyage sans mahram li applique pou voyage hajj aussi parceki ça sahabi-là fine comprend ça même et Rassouloullah (S.A.W)par so réponse fine confirme ceki le Sahabi fine comprend. Le hadice de Hazrat Abdullah Bin Abbaas (R.A) li dans Mousnad Al-Bazzaar aussi avec ene certaine différence : 

عن ابن عباس  ان رسول الله صلى الله عليه وسلم قال: لا تحج المرأة الا ومعها محرم فقال رجل يا نبى الله انى اكتتيت فى غزوة كذا وامرأتى حاجة؟ فقال ارجع فحج معها

(البزار)

Hazrat Abdullah Bin Abbaas (R.A) fine rapporté ki Rassouloullah (S.A.W) fine dire :
Ene madame faudré pas li faire hajj sans ki li ena ene mahram avec li. Alors ene personne fine dire : “O Allah so Nabi (S.A.W): Mo fine faire inscrire mo nom dans tel jihaad et mo madame pé alle faire hajj ? (Lors ça) Li (Rassouloullah (S.A.W) fine dire : Retourné et alle faire hajj ensemble avec li.” (Al-Bazzaar)
Selon la version ki trouve dans (سنن الدارقطنى) avec ene sanad authentique, Rassouloullah (S.A.W) fine dire :

لا تحجن امرأة الا ومعها ذو محرم (سنن الدارقطنى

“Ene madame pas bizin faire hajj sans ki li ena ene mahram avec li.” (Darqutni)

Hadice Hazrat Abou Umaamah (R.A)

عن ابى امامة قال سمعت رسول الله صلى الله عليه وسلم يقول: لا تسافر امرأة سفرا ثلاثة ايام او تحج الا ومعها زوجها

(سنن الدارقطنى)

Hazrat Abou Umaamah (R.A)dire : Mo fine tanne Rassouloullah (R.A.W) dire : “Ene madame bizin pas faire ene voyage (ki duré) pendant trois jours ni li faire hajj sans ki li ena so missié ensemble avec li. ” (Darqutni)

Position hadice :

Li bon signalé ki ena ene rawi nommé جابر الجعفى (Jabir Al-Jou’fi) dans so sanad. Très souvent so présence dans ene sanad li servi comme ene prétexte par certain pou disqualifié le hadice. Mais en réalité li ene rawi ki so position li controversé. C'est-à-dire li correct d’après certains savants de hadice couma li faible d’après ene l’autre groupe. Ene rawi de ene tel position li ene rawi ki so hadice capave être considéré. Le moins ki nou capave dire c’est ki so hadice li pou ene hadice Hassan ki capave servi comme ene argument.

Deuxieme Hadice Hazrat Abou Umaamah (R.A)

لا يحل لامرأة مسلمة ان تحج الا مع زوج او ذى محرم

(الطبرانى)

ki li faire hajj excepté avec (so) missié ou bien avec ene mahram.” (Tabraani)

Position hadice :

Ena ene rawi nommé ابان بن ابى عياش (Abaan Bin Abou Ayyaash) ki trouve dans sanad ça hadice-là. Selon banne savants de hadice, li ti pé faire erreur dans rapporte hadice acoze so mémoire ti bien faible. Mais ceki li fine rapporté li confirme ceki جابر الجعفى fine rapporté. Apart ça, ena hadice Hazrat Abdullah Bin Abbaas (R.A) aussi ki approuve ceki li fine rapporté. Ça prouvé ki malgré so mémoire faible, li fine bien rapporte ça hadice-là. Donc ene dans l’autre ça hadice-là li vine ene hadice Hassan pareil couma hadice de جابر الجعفى.

Explication :

Hadice Hazrat Abdullah Bin Abbaas (R.A) et Hazrat Abou Umaamah (R.A) montré ki ene madame pas gagne droit faire hajj li tout seul. Ça li appliqué quand Makkah li trouve lors 48 miles ou plis ki 48 miles depi so l’endroit ki li resté. Quand même so missié donne li permission, là aussi li pas pou permette. Si hajj fine vine faraz lors li et li ena so mahram aussi ki pou accompagne li, alors gagne droit alle faire hajj, même si so missié pas autorise li. Dans ce cas li pas bizin obéir so missié. Si distance depi so l’endroit ziska Makkah li moins ki ça, alors pou ene hajj ki faraz, li gagne droit allé sans mahram. Mais pou ene hajj ki pas faraz, li bizin permission so missié pou li capave allé.

Mise au point :

Ena encore deux points ki dimane explication : 

1. D’abord ena ene hadice ki faire mention de deux jours couma ena ene l’autre ki mentionne ene jour aussi. Banne hadices semblable zotte applique selon banne contextes et circonstances. C'est-à-dire cote ena sécurité et perna aukene danger, alors ene madame gagne droit voyage tout seul si li ene voyage de moins ki trois jours. Cote perna sécurité, alors li bizin être accompagné par ene mahram même si li ene ti distance aussi. Mais pou ene voyage de trois jours ou plis ki trois jours, de toute façon li bizin être accompagné par ene mahram, même si li paraite ki perna aukene danger ou l’insécurité aussi.

2. Deuxièmement d’après ene hadice dans Saheeh Boukhari, banne madames de nou Nabi (S.A.W)ti accompagné par Hazrat Usmaan  et Hazrat Abdurrahmaan Bin Awf (R.A) dans hajj. Ça c’était par l’ordre Hazrat ‘Oumar (R.A) . En réalité ça li pas en contradiction ça hadice cote Rassouloullah  fine empêche ene madame sorti dans voyage sans être accompagné par ene mahram. C’est parceki banne madame Rassouloullah (S.A.W)fine déclaré comme mama de tous banne musulmans par Allah Ta’ala.

"النبى اولى بالمومنين من انفسهم وازواجه امهتهم ...

(آية ٦/سورة الاحزاب)

“Nabi(S.A.W) li ena relation pli proche avec banne musulmans ki zotte ena avec zotte même et so banne madames c’est zotte mamans …” (S33/V6)

Alors banne musulmans, zotte banne mahram de banne madames Rassouloullah (S.A.W). Dans ce sens li correct pou dire ki pendant zotte voyage de hajj, zotte ti accompagné de zotte banne mahram. Li pas ti ene voyage sans mahram. Et si malgré ça, zotte fine gagne l'ordre pou observe pardah, c'est par respect et dignité ki Allah Ta'ala fine accorde zotte.

Imaan (Croyance Islamique)

Question No 1.

IMAAN C’EST QUOI?

Reponse.

Imaan veut dire croyance -

Islamiquement parlant, Imaan signifié croire sincèrement dans la totalité du message apporté par Nabi (s.a.w) depi Allah ta’ala.
Le message apporté par Nabi (s.a.w) comprend plusieurs items. Li indispensable pour ène mou’mine (croyant) pour croire dans tout ça banne items-là.

Ça banne items-là zotte comme suit:

1. Imaan dans Allah,

2. Imaan dans bannes malaa-ikah (anges),

3. Imaan dans tout banne livres,

4. Imaan dans tout bannes messagers,

5. Imaan dans le dernier jour du jugement,

6. Imaan dans le destin et

7. La vie apres la mort

"يآاَيُّهَا الَّذِيْنَ آمَنُوْا آمِنُوْا بِاللهِ وَرَسُولِه وَالْكِتَابِ الَّذِيْ نَزَّلَ عَلى رَسُولِه وَالْكِتَابِ الَّذِيْ أَنزَلَ مِنْ قَبْلُ وَمَنْ يَّكْفُرْ بِاللهِ وَمَلاَئِكَتِه وَكُتُبِه وَرُسُلِه وَالْيَوْمِ الْآخِرِ فَقَدْ ضَل َّضَلاَلاً بَعِيْدًا."

Traduction:

“O banne ki fine amène imaan! Croire dans Allah, dans so Rassoul (envoyé), dans le livre ki li fine révélé petit à petit lors so messager et le livre ki li fine révélé auparavant. Et celui ki refuse croire dans Allah, so banne Anges, so bannes livres, so bannes messagers et le dernier jour, alors pena doute li fine dévié bien loin.” (V136/S4). 

"(اَلْاِيْمَانُ) اَنْ تُؤْمِنَ بِاللهِ وَمَلاَئِكَتِه وَكُتُبِه وَرُسُلِه وَالْيَوْمِ الْآخِرِ وَتُؤْمِنَ بِالْقَدْرِ خَيْرِه وَشَرِّه ..."

Traduction:

(Imaan) c’est ki ou croire dans Allah, dans so banne anges, dans so banne livres, dans so banne messagers, dans le dernier jour et ki ou croire dans le destin - ki li soit bon ou mauvais.” (Mouslim).

اَلْاِ يْمَانُ باِاللّه - Imaan (croyance) dans Allah .

La croyance dans Allah ta’ala li implique ki accepter Allah ta’ala UNIQUE dans so ذات (nature) et dans so صفات (attributs). Li tout seul mérite adoration. C’est li même le créateur suprême ki fine crée tout.

"وَخَلَقَ كُلَّ شَيْءٍ ..."

Traduction:

“Et li fine crée tout kitchoses…” (V101/S6)

"ذلِكُمُ اللهُ رَبُّكُمْ لآ إِلـهَ إِلاَّ هُوَ خَالِقُ كُلِّ شَيْءٍ فَاعْبُدُوْهُ وَهُوَ عَلى كُلِّ شَيْءٍ وَّكِيْلٌ."

Traduction:

“Voila c’est Allah ki zotte Rabb (maitre) - Pena aukene “Ilaah” (dieu - être ki mérite adoration apart, li, le créateur de tout kitchoses ; donc adore li - Et li garant lor tout kitchoses.” (V102/S6)

"...هَلْ مِنْ خَالِقٍ غَيْرُ اللهِ يَرْزُقُكُمْ مِّنْ السَّمَاءِ وَالْاَرْضِ ..."

Traduction:

“Est ce ki ena kit créateur apart Allah ki donne zotte nourriture depuis dans le ciel et dans la terre …” (V3/S35).

"أَفَمَنْ يَّخْلُقُ كَمَنْ لاَّ يَخْلُقُ ..."

Traduction:

“Est ce ki celui ki capave crée li pareil couma celui ki pas capave crée ...” (V17/S16)

Allah Li Qadeem  قديم

قديم   veut dire ène être ki existé par li même depi tout le temps, jamais li fine arrête existé et ki pour continué existé juska tout le temps. Tout kitchose apart li     حادث            et ممكن  

 حادث et ممكن  signifié ène kitchose ki pas ti existé mais ki fine vine en existence après - pas par li même mais par ène ki fine donne li l’existence et li capave arrête existé à n’importe quand.

Tout kitchose apart Allah ta’ala li حادث  et  ممكن  - C’est seulement Allah ta’ala tout seul ki  قديم.

Allah li unique et inégal

Allah ta’ala li unique dans so  ذات (nature) et dans so  صفات (attributs).

"قُلْ هُوَ اللهُ أَحَدٌ {1} اللهُ الصَّمَدُ {2} لَمْ يَلِدْ وَلَمْ يُوْلَدْ {3} وَلَمْ يَكُنْ لَّه كُفُوًا أَحَدٌ. {4

Traduction:

“Dire: Allah li unique - Allah li Indépendant - Ni li fine enfanté ni li fine prend naissance de quelqu’un - Pena personne ki dans so calibre.” (S112)

"… لَيْسَ كَمِثْلِهِ شَيْءٌ …"

Traduction:

“… Pena narien couma li …” (V11/S42)

Allah ta’ala ena capacité lor tout kitchose

"... إِنَّ اللهَ عَلى كُلِّ شَيْءٍ قَدِيْرٌ."

Traduction:
“Certainement Allah ena pouvoir lor tout kitchose.” (S2/V20)

"وَمَا كَانَ اللهُ لِيُعْجِزَه مِنْ شَيْءٍ فِي السَّمَاوَاتِ وَلَا فِي الْأَرْضِ إِنَّه كَانَ عَلِيْمًا قَدِيْرًا."

Traduction:

“Pena narien dans le ciel ni lor la terre ki capave rende Allah impuissant puisque li ‘Aleem (ki conne tout) et Qadeer (ki ena pouvoir lor tout kitchose).” (V44/S35)

Allah li conne tout et li partout. Li tout seul ki conne tout et li tout seul li partout.

"... يَعْلَمُ مَا يَلِجُ فِي الْاَرْضِ وَمَا يَخْرُجُ مِنْهَا وَمَا يَنْزِلُ مِنَ السَّمَاءِ وَمَا يَعْرُجُ فِيْهَا 
وَهُوَ مَعَكُمْ أَيْنَ مَا كُنتُمْ وَاللهُ بِمَا تَعْمَلُوْنَ بَصِيْرٌ."

Traduction:

“(Allah) Li conne tout ceki rente dans la terre et tout ceki sorti depi la terre, tout ceki descende depi le ciel et tout ceki monté dans le ciel. Et li ensemble avec ou cote ou été - Allah pé guette tout ceki ou pé faire.” (V4/S57)

"عَالِمِ الْغَيْبِ لَا يَعْزُبُ عَنْهُ مِثْقَالُ ذَرَّةٍ فِي السَّمَاوَاتِ وَلَا فِي الْأَرْضِ 
وَلَا أَصْغَرُ مِنْ ذلِكَ وَلَا أَكْبَرُ إِلَّا فِيْ كِتَابٍ مُّبِيْنٍ."

Traduction:

“(Allah) Li le connaisseur de l’invisible - Ene dernier atome aussi dans le ciel ou dans la terre pas cachiette de li - pena pli petit ou pli grand ki ça ki pas trouve dans ène livre sacrée.”(V3/S34)

"إِنَّ اللهَ لاَ يَخْفى عَلَيْهِ شَيْءٌ فِي الأَرْضِ وَلاَ فِي السَّمَاءِ ..."

Traduction:

“Certainement pena narien dans la terre ou dans le ciel ki cachiette de Allah. (V5/S3)

Mayyit

Question No 1.

Est-ce ki dans qabarastaan li permettre pou ene personne lève so la main pou dimanne duaa après L’enterrement et aussi au moment de ziyaarat (visite)?

Réponse :

Si ene personne pena aukene mauvais conception dans so aqeedah (croyance), quand li faire duaa li demande seulement avec Allah Ta’ala. Li pas demande avec bannes ki fine morts, a ce moment la li pou permettre pou leve la main faire duaa dans Qabarastan. 
Fine prouvé depuis Nabi (sallallaahu alaihi wasallam) ki même dans qabarastaan li ti pe lève so la main pou demande duaa.
Dans Muslim Shareef ena ene hadeeth de Hazrat Aisha (Radhiyallahu anha) cote li fine dire ki ene la nuit Nabi (sallallaahu alaihi wasallam) fine vine dans Baqee’ pou demande duaa-e- maghfirat (pardon) pou banne ki fine enterré la bas. Alors Hazrat Aisha (Radhiyallaahu anha) dire :

فقام فأطال القيام ثم رفع يديه ثلاث مرّات ( مسلم ج 1 ص 313)

Traduction : 

Li (Nabi s.aw) fine dibouté pendant ene longue moment ensuite li fine lève so deux la main trois fois. (Muslim vol 1 pg 313)

Imam Nawaawi (Rahimahullah) fine commente lor sa sujet la et li fine dire ki a partir de sa hadeeth la nous apprane ki li moustahab pou faire longue duaa et aussi faire répétition dans duaa, li aussi mustahab pou lève tous le deux la main. Et dans Qabarastaan li plis meilleur pou dibouté demande duaa au lieu ki assizé.

Dans Ahkaamul Janaaiz (pg 491) Albani fine mentionne ene hadeeth depuis Musnad-e-Ahmad concernant sa même sujet.

Dans Abu Dawood Shareef ena ene récit de Uthmaan (Radhiyallahu anhu) ki quand Nabi (sallallaahu alaihi wasallam) ti pe fini enterre ene mayyit li ti pe attanne ene ti moment et li ti pe dire (a banne Sahaabah)

 « Demande duaa-e-maghfirat pou zotte frère et demande duaa de fermeté pou li parce ki en ce moment li pe être questionné ».

Dans sa hadeeth la Nabi (sallallaahu alaihi wasallam) fine ordonne pou cherche pardon et aussi pou demande fermeté pou ene mort. Pou faire sa ene personne ena choix pou lève so la main pou demande duaa couma fine prouvé la haut ki même Imam Nanawi (Rahimahullah) fine considère li comme Mustahab.

Mais seulement li meilleur ki quand ene personne pe lève la main pou duaa dans qabarastan li tourne dans direction Qiblah.

Dans Sahih Abu A’waanah ena ene hadeeth ki montré nous ki quand Nabi (Sallallaahu alaihi wasallam) fine fini enterre Abdullah Zun-Najjaadain (d’apres certain livre Zul-Bajjaadain) li fine lève so la main et tourne vers Qibla. (Fat-hul Baari vol 11 pg 144)

فلما فرغ من دفنه استقبل القبلة رافعا يديه (فتح الباري ج11 ص 144)

Traduction : 
« Quand li (Nabi s.a.w) fine fini enterre li, Nabi (s.a.w) fine tourne vers Qiblah et fine leve la main » 
Dans Hayaatus-sahaabah ena ene récit à-propos la mort de Talhah Bin Barraa (Radhiyallaahu anhu), ki banne Sahaabah (Radhiyallaahu anhum) fine enterre li a soir, so lendemain matin quand Nabi (sallallaahu alaihi wasallam) fine gagne nouvelle, li fine alle côte so qabr et li fine lève so tous les deux la main dans duaa et li fine dire « O Allah ! faire li joine toi dans ene l’état cote li aussi li pe riye et toi aussi to pe riye. (vol 2 pg 320)

ورفع اليدين عند الدعاء على القبر كما فى جزء رفع اليدين للبخاري ( العرف الشذى مع الترمذى ج1 ص 202)

Sa même fatwa fine mentionné dans :
Fataawaa Raheemiyah vol 5 pg 108.
 Imdaadul Fataawaa vol 1 pg 730.
Ahsanul Fataawaa vol 4 pg 223.
kifaayatul Mufti vol 4 pg 183.
Fataawaa Mahmoodiyyah vol 2 pg 406, (fine aussi mentionne faire direction Qiblah)

Question No 2.

Est-ce ki gagne droit faire duaa en congregation toute suite apres Namaaz Janaazah?

Reponse.

Selon l'école de pensée hanafite, na perna aukene doah en congrégation après namaz janaaza. Ça c'est ene masla ki trouve presque dans tous banne livres de fatwa pour banne 'Oulama Hanafi.
Par exemple dans Fataawah Barjandi, Qounia, Khouslasatul-Fataawah, Fataawah Sirajiyah, Fataawah Bazzaaziya, Jami-ur-Roumouz, Bahr-ur-Raa-ique, et dans Al-Mirqaat de Moulla Ali Qaari (R) - dans tous ça banne livres-là li dire ki li makrouh pou faire doah après namaz janaaza.
Ça masla-là li pas ene masla ajordi ça. Dans tous banne l'époque, banne 'Oulama fine empêche ça.
Moulla Ali Qaari (R) ki fine écrire Al Mirqaat comme commentaire lors Mishkaat, fine dire:-

"ولا يدعو للميت بعد صلاة الجنازة لانه يشبه الزيادة فى صلاة الجنازة"

"Pas bizin faire doah pour mayyat après namaz janaaza parceki li couma dire ajouté dans namaz janaaza. "

Réponses à banne preuves avancés:-

Réponse: Quant à banne preuves avancés dans le livret, alors na perna narien de concrète ki prouve doah en congrégation après namaz janaaza. D'abord nou prend le verset 60 dans sourah 40, alors li pas applique pour doah après namaz janaaza parceki:-
1. Si le verset ti général, ça veut dire ki celui ki pas faire doah après namaz janaaza, li ene jahannami couma le verset apé faire mention. Mo pense pas kikene capave alle juska ça point-la. Si vraiment kikene capave osé faire ene déclaration pareil, alors ki nou stand pou été à l'égard de banne illustres 'Oulama-e-Deen ki interdit ça pratique-là.
2. Si nou pretanne ki le verset li applique pou doah après namaz janaaza, alors ça pou signifié ki faire doah après namaz janaaza li faraz ou soit li waajib parceki ene punition aussi sévère pas capave appliqué pou avoir abandonne ene pratique ki pas obligatoire. Mo pense pas kikene pou osé dire ki faire doah après namaz janaaza li faraz ou waajib.
3. Banne ki pas faire doah après namaz janaaza, c'est à coze ki pou zotte, Rassouloullah  et so banne Sahaabas  pas fine pratique li. Zotte pas quitte ça par l'orgueil ou par vantardise. Mais simplement en suivant le tareeqah (principe) et sounnah de nou bien-aimé Rassouloullah .
4. Banne ki servi le verset 60 de sourah 40 pour prouve doah après namaz janaaza, zotte pas suive ceki ena dans le verset parceki le verset apé prouvé ki faire doah li faraz mais banne ki servi ça, zotte pas dire faire doah après namaz janaaza li faraz.
Réponse:- Selon la majorité de banne savants de Tafseer, le verset 7 de sourah 94 li signifié l'engagement dans namaz, zikrullah, doah etc… après avoir terminé avec travail de da'wah. Dans le verset na perna narien ki ena relation avec faire doah après namaz janaaza. Similairement dans le verset aukene part na perna mention de 'invocation' couma l'auteur fine essaye donne l'impression. Nou reste étonné couma banne grand érudits parmi banne 'Oulamas de l'école de pensée hanafite pas fine comprend la nécessité ou du moins la permissibilité faire doah après namaz janaaza par le verset 7 de sourah 94 et par le verset 60 de sourah 40. Li vraiment étonnant! Couma l'oummah pour faire progrès quand nou déclare conne Qour'aan et hadice pli bien ki banne 'Oulamas-e-Kiraam d'auparavant.
Ene personne individuellement li libre pou demande doah mais demande doah en groupe, avec jamaat et en congrégation li ene l'autre dimension ki nécessite banne preuves concrètes. Donc ene personne individuellement li libre pou faire doah en faveur n'importe ki sanla mais faire li avec jamaat li prend ene l'autre l'ampleur ki dimane banne preuves concrètes.
Réponse: Le hadice de Hazrat Awf Bin Malik  fine mal traduire. D'après Muslim Shareef, li dire ki Rassouloullah  fine faire namaz janaaza. De so doah mo fine apprane...
Apres la déclaration 'fine faire namaz' na perna 'après ça' dans le texte couma l'auteur fine comprend. L'auteur fine mal traduire le texte du hadice et fine mal comprend et fine mal déduire le commentaire de Allaamah An-Nawawi (R).
A nous guette ensemble:-
1. L'auteur fine mal traduire le hadice de Mouslim Shareef rapporté par Hazrat Awf Bin Malik . D'après ki l'auteur fine traduire, li donne l'impression ki Rassouloullah  ti faire doah après namaz janaaza. Or dans le hadice na perna narien ki dire ça.
2. L'auteur dire ki "li besoin etre lu en dehors namaz". Mais Allaamah An-Nawawi (R) dire le doah ti être récité dans l'intérieur namaz. La même chose Allamah lbn-ul-Humaam (R) fine dire dans so Fathul-Qadeer, commentaire lors Al-Hidaayah. Moulla Ali Qaari (R) aussi dire la même chose; c'est à dire le doah ti être récité après le troisième takbeer. Donc li pas correct pou prend lors Allaamah An-Nawawi (R) pou dire ki ena doah après namaz janaaza.
3. L'auteur fine faire ene l'autre erreur quand li dire: "En commentant ce hadice, Allaamah Imam Nawawi (R) dire: Huzoor  fine montré moi (Awf Bin Malik ) ça doah-là après namaz janaaza". Par cela, l'auteur fine essaye donne l'impression ki Rassouloullah  fine montré li le doah ki lire après namaz janaaza. Et cela en basant lors commentaire de Allaamah An-Nawawi (R). Mais banne ki fine gagne l'occasion lire le texte arabe du commentaire de Allaamah An-Nawawi (R), zotte capave conné ki Allaamah An-Nawawi (R) pas fine dire ça aukene part. Nou présente commentaire ki Allaamah An-Nawawi (R) fine faire:
Commentaire de Allamah An-Nawawi:

"فيه اشارة الى الجهر بالدعاء فى صلاة الجنازة"

Dans le hadice ena indication concernant récitation doah dans namaz janaaza à haute voix.

"وقد اتفق اصابنا على انه ان صلى عليها بالنهار اسر بالقراءة"

Et nous banne collègues zotte unanime lors le fait ki si li fine faire namaz janaaza dans la journée, alors li faire la récitation doucement.

"وان صلى بالليل ففيه وجهان"

Et si faire namaz janaaza le soir, alors là-dans ena deux l'opinions:

"الصحيح الذى عليه الجمهور يسر"

L'opinion correcte lors laquelle la majorité été c'est ki li récite doucement.

"والثانى يجهر"

Et deuxième l'opinion c'est ki li récite fort.

"واما الدعاء فيسر بلا خلاف"

Quant à doah, alors li faire li à voix basse sans aukene divergence.

"وحينئذ يتأول هذا الحديث على ان قوله حفظت من دعاءه اى علمنيه بعد الصلاة فحفظته"

A ce moment-là, ça hadice-là pou être pris dans ça sens-là ki so déclaration "mo fine mémorise de so doah" veut dire "li fine enseigne moi li après namaz alors mo fine mémorise li". C'est à dire l'heure ki li fine enseigne moi, c'était après avoir termine namaz.
Voila quand nous guette le commentaire de Allaamah An-Nawawi (R), nou comprend 3 kitchoses:-

1. Doah ti faire dans namaz, pas en dehors.

2. Doah ti faire à voix basse.

3. Rassouloullah  ti enseigne le Sahaabi ça doah-là après avoir termine namaz.

Li clair ki l'auteur fine essaye attribué à Allaamah An-Nawawi (R) ene kitchose ki jamais li fine dire. Donc la déclaration de l'auteur "D'ou le principe en Islaam pour demande doah tout de suite après namaz janaaza" pas tini. Li sans fondation puisque le hadice et so commentaire pas prouve ceki li fine envi prouvé. So conclusion ki li fine tiré, li conte ceki banne 'Oulama couma Allaamah An-Nawawi (R) et Allaamah Ibn-ul-Humaam (R) fine comprend.
Commentant le hadice de Hazrat Awf Bin Malik , Moulla Ali Qaari (R) dire dans so Mirqaat, commentaire de Mishkaat: -

"فحفظته من دعاءه"

"Mo fine apprane de so doah quand li pé dire. .." .

Ça signifié ceki li fine lire après 3eme takbeer.

Voila Moulla Ali Qaari aussi pas fine comprend ceki l'auteur fine essaye faire comprend. Selon Moulla Ali Qaari (R) aussi, le doah ti être récité dans namaz - pas en dehors. Et cela après troisième takbeer.

Réponse:

Le hadice rapporté par Abdullah Bin Abou Bakr  et Hazrat 'Ou'mar Bin Qatada  pas catégorique concernant le fait ki doah ti faire après namaz janaaza. Ena la probabilité ki li ti inclu dans namaz, pas en dehors namaz. Et ça probabilité-là paraite pli correcte puisque ça li encadré et compatible avec ceki banne savants et banne fouqaha (juristes) fine comprend. Quant à la possibilité ki doah ti faire en dehors namaz, aukene juriste pas fine comprend li dans ça façon-là.
D'ailleurs après avoir rapporte ça anecdote-là dans so Fathul-Qadeer, Allaamah Bin Humaam (R) qualifié li comme faible de par so sanad (chaîne de narration). Donc ene anecdote ki faible de par so chaîne de narration et ki pas catégorique dans so sens, couma capave être présenté comme ene preuve pou tranche la question? Li paraite ki l'auteur pas fine prend la peine pou lire plus divant afin pou conné ki l'anecdote présenté comme ene preuve par li, li qualifié par Allaamah Bin Humaam (R) dans Fathul-Qadeer comme faible. En sus de ça, l'anecdote en question fine être rapporté par Moulla Ali Qaari (R) dans so commentaire Mirqaat ki li fine écrire lors Mishqaat. Malgré cela li pas fine trouve narien ki prouve l'existence de faire doah en congrégation après namaz janaaza. Au contraire li fine précisé ki na pema aukene doah pou faire après namaz janaaza:

"ولا يدعو للميت بعد صلاة الجنازة لانه يشبه الزيادة فى صلاة الجنازة" (المرقاة شرح المشكاة)

 "Faudrait pas faire doah pou mayyit après namaz janaaza parceki ça li ressemblé l'ajoute dans namaz janaaza". (Al Mirqaat commentaire Mishqaat pg 369/V2)
Selon la plupart de banne hadices, couma Allaamah Aaloussi Al-Baghdaadi (R) faire ressortir dans so tafseer Rouhul-Ma-àni, ki quand Rassouloullah (s.a.w) fine oulé faire namaz janaaza, Hazrat 'Oumar  (r.a) fine risse li pou empêche ti faire namaz janaaza. Rassouloullah (s.a.w) fine dire Hazrat 'Oumar (r.a) avancé et ensuite li (Rassouloullah (S.A.W) fine faire namaz janaaza. Après ça le verset 84 de sourah 9 fine révélé pou empêche Raçouloullah (S.A.W)faire namaz pou ene non-musulman.

Là-dans aussi nou remarqué ki perna aukene mention de faire doah après namaz janaaza couma certain fine essaye faire croire pou prouve l'existence doah après namaz Janaaza.

Conclusion:

La question pas faire doah après namaz janaaza li pas ene problème zordi jour. Ça fine existé de tout le temps. Et c'est ça la pratique de Rassouloullah (S.A.W) et banne Sahaaba-e-Kiraam (r.a). Et ça même ki banne Fouqaha, banne Mouhadditheen et banne 'Oulama fine comprend. Couma nou trouvé ki selon Allaamah An-Nawawi (R), Allaamah Bin Humaam (R) et Moulla Ali Qaari (R), zotte tous dire ki na perna doah après namaz janaaza. Doah li sounnat faire dans namaz, pas en dehors.

 

Tahaarah (La proprete)

Question No 1.

Est-ce ki gagne droit faire massah lor chaussette dans wazoo?

Reponse.

NON ! Pas gagne droit.

Allah Ta'aalaa dire dans ene verset:

"يايها الذين آمنوا اذا قمتم الى الصلاة فاغسلوا وجوهكم وايديكم الى المرافق وامسحوا برءوسكم وارجلكم الى الكعبين ..." ---  آية ٦ - المائدة

Traduction:

"O banne ki fine amène Imaan, quand ou décide pou alle faire namaz, lave ou figure et (lave) ou la main ziska coude et faire masah lors ou la tête et (lave) ou li pied ziska cheville …" (V6/ S Al-Maidah)

Explication: 

D'après ça verset-là, li faraz pou lave tous les deux li pied ziska cheville dans wazou. A la lumière de banne hadice ki fine atteine le degré de Moutawaatir ou bien le degré de Mas-hour, banne fouqaha (juristes) fine conclure ki li aussi permette pou faire masah au lieu lavé si fine mette ene genre de chaussette dans li pied ki appelle خف (Khuff).

• Ene hadice Moutawaatir c'est ene hadice ki fine rapporté dans l'époque de Sahaba-e-Kiraam, Tabeines et Taba-Tabeines par tant de personnes ki logiquement parlant, li paraite bien difficile ou quasiment impossible pou qualifié ça de ene erreur.

• Et ene hadice Mash-hour c'est ene hadice ki fine rapporté dans ça façon-là même dans l'époque banne Tabeines et Taba-Tabeines.

Si le hadice concernant masah pas ti rapporté dans ene de ça deux façons-là, li ti pou difficile mette li en pratique parceki nou pas capave modifié ou enlève ene la loi ki so sens et so source li catégorique lors la base ene hadice ki manque ça degré de l'authenticité-là.

Ça espèce chaussette ki appelle خف ki gagne droit faire masah lors-là, d'après banne fouqaha, c'est ene chaussette ki normalement li faire avec cuire et ki couvert li pied ziska la haut cheville et ki li épais ene quantité ki li capave tini lors li pied sans attache li. Li bizin épais en sorte ki de l'eau pas pénétré endans. Quant à banne chaussette ordinaire en coton ou en nylon, ça pas gagne droit faire masah lors ça. Bizin absolument tire li et lave li pied pou wazou compté.

Ena amene ene hadice ki trouve dans Tirmizi pou dire ki gagne droit faire masah lors chaussette ordinaire. D'après ça hadice-là, Hazrat Al-Moughirah Bin Shou'bah  fine dire:

Rassouloullah (s.a.w) fine faire wazou et li fine faire masah lors "Jawrab" (chaussette) et lors "Na'l" (soulier).

Mais en réalité li pas bénéfique comme ene argument parceki le جورب mentionné dans ça hadice-là pas applique pou ene chaussette ordinaire. Après avoir rapporte ça hadice-là, Imam Tirmizi fine faire le commentaire suivant:

"وهو قول غير واحد من اهل العلم وبه يقول سفيان الثورى وابن المبارك والشافعى واحمد واسحق قالوا يمسح على الجوربين وان لم يكونا نعلين اذا كانا ثخينين"

"Et ça c'est l'opinion plusieurs 'Oulama et c'est ça même l'opinion Soufyaan At-Thauri, Ibnul Mubarak, Ash-Shafeï, Ahmad et Is-haaq fine adopté. Zotte dire ki gagne droit faire masah lors 'Jaurab' quand même li perna semelle, pourvu ki li épais."

D'après tous banne 'Oulama, li bizin épais ki capave tini par li même sans attaché. C'est-à-dire ene chaussette ki fine faire avec ene l'autre tissue ou ene l'autre matière épais apart cuire, li considéré pareil couma ene chaussette en cuire ki gagne droit faire masah lors-là. Ça condition ki li bizin épais pou permette faire masah lors-là, c'est ene condition ki fine approuvé par ijma (consensus). Donc le جورب li applique pou ene chaussette ki pas fine faire avec la peau mais ki assez épais ki empêche pénétration de l'eau endans et ki faire li vine pareil couma ene خف (chaussette en cuire). Hazrat Said Bin Al-Mousayyab et Al-Hassan Al-Basri dire:

"يمسح على الجوربين اذا كانا صفيقين" (مصنف ابن ابى شيبة

"Capave faire masah lors جورب si li épais" (Mouswannaf Ibn Abou Shaibah)

Nou pou remarqué ki Imam Tirmizi fine rapporte ça même l'opinion de la part plusieurs 'Oulama. Ça montré ki d'après Imam Tirmizi et banne 'Oulama auparavant, le جورب ki mentionné dans ça hadice-là li applique pou ene espèce de chaussette impé spéciale ki assez épais et satisfaire banne conditions ki trouve dans خف (chaussette en cuire). Ça li pas applique pou tout qualité chaussette ni li applique pou banne chaussette ordinaire. Coumsa même d'après Imam Malik, li bizin en cuire pou capave faire masah lors-là. Ça montré ki li pas permette faire masah lors banne chaussette ordinaire ki faire en coton ou en nylon d'après tous les 4 mazhabs. La prétention ki ça li permette et ki li pareil couma خف, c'est ene fausse prétention ki pas appuyé par le hadice de Tirmizi. 



Ene erreur technique


Nou servi banne dictionnaires pou capave gagne ene l'idée de ceki ene mot ou ene vocabulaire capave signifié. Mais faudré pas nou forme kit l'opinion lors kit verset ou kit hadice par guette so signification dans dictionnaire. Parceki ça façon comprend Deen-là, souvent li ene façon erroné. Toujours bizin analyse ene terme, ene mot ou ene vocabulaire dans Deen d'après explication banne fouqaha (juristes). Parceki c'est ça banne-là même ki comprend la vrai dimension et porté de chaque mot, terme ou vocabulaire dans Qour'aan et dans hadice. Par exemple quand nou guette جورب dans dictionnaire, li capave donne nou banne signification couma "sock" ou stocking etc. Faudré pas nou prend ça comme ene preuve pou dire ki li permette faire masah lors chaussette ordinaire tanque nou pas vérifié so signification ki li été d'après banne فقهاء (juristes). Sinon li pou ene erreur capital. Coumsa même lors ki qualité coquin ena punition coupe la main, pou ki qualité zina ena punition 100 coute fouette ou lapidation à mort? Tout ça-là bizin analysé d'après définition banne fouqaha pou capave applique la loi. Pas capave applique la loi par necque guette dans dictionnaire.


Analyse lors hadice ki mentionne جورب (Jaurab)
En cas si nou insisté pou prend جورب dans le sens chaussette ordinaire, à ce moment-là nou pou faire face à ene difficulté ki pou empêche nou considère ça hadice-là. C'est-à-dire tous banne ki fine rapporte ça hadice-là, zotte fine mentionne خفين. C'est necque ابو قيس et هزيل ki fine mentionne جورب. Disons si nou prend جورب dans le sens ene chaussette épais ki satisfaire banne conditions de ene خف, à ce moment-là li pou corresponne de par so sens avec ceki la majorité fine rapporté. Mais si jamais nou prend li dans le sens ene chaussette ordinaire, alors de par so sens, li pou en conflit et en opposition avec ceki lezot fine rapporté. Et ça opposition-là pou disqualifié li d'être ene hadice saheeh. Parceki pou ene hadice vine saheeh, li très essentiel ki li pas oppose banne ki pli authentique ki li. Dans langage technique, nou appelle li ene hadice شاذ.

Ene hadice شاذ pas capave être considéré puisque ça li nécessite accepté ene ki moins authentique et rejette ceki pli authentique. C'est acoze ça même l'attitude ki banne experts et érudits dans la matière de hadice couma Imam Mouslim, Imam An-Nisaai, Abdurrahmaan Bin Mahdi, Yahya Bin Ma-ine, Imam Soufyaan At-Thauri, Ali Bin Al-Madini, Imam Ahmad Bin Hambal et Imam An-Nawawi lors ça hadice-là, li bien négatif et défavorable. D'après Imam Al-Baihaqui, Imam Mouslim fine qualifié ça hadice-là de ene hadice faible acoze ki d'après li, banne narrateurs ابو قيس et هزيل بن شرحبيل, zotte pas ça solide-la ki permette zotte supporte ça hadice-là. Surtout quand zotte pé oppose banne grand savants ki fine rapporte ça hadice-là de Hazrat Al-Moughirah Bin Shou'bah  avec la formule مسح على الخفبين au lieu مسح على الجوربين. Pou conclure, Imam Mouslim dire:

"لا نترك ظاهر القرآن بمثل ابى قيس وهزيل "

"Nou pas capave quitte le texte directe de Qour'aan en basant lors ene couma Abou Qais et Houzail".
C'est-à-dire ça hadice-là avec le formule جورب li ene hadice faible parceki li oppose tous banne lezot ki fine rapporte ça hadice-là avec la formule خفيه seulement. Quand li ene hadice faible, alors pas capave prend li en considération parceki ça pou nécessite modifié ou enlève l'ordre lave li pied dans wazou ki prouvé par Qour'aan-e-Kareem. Modifié ou enlève l'ordre Allah Ta'ala ki trouve dans Qour'aan-e-Kareem, li pas ene kitchose aussi simple ki capave faire li lors n'importe ki base. Ça l'exercise-là capave faire li necque lors la base ene verset Qour'aan-e-Kareem ou bien lors la base ene hadice Moutawaatir ou Mash-hour. Le hadice de Tirmizi li pas satisfaire ça banne conditions-là ki permette li servi pou enlève ou modifié ene la loi ki trouve dans Qour'aan-e-Kareem. C'est la raison pou laquelle la grande majorité pas fine considère li et fine qualifié li de ene hadice étrange et isolé.


Imam Tirmizi et le hadice lors جورب (Jaurab)

Li vrai ki Imam Tirmizi fine qualifié ça hadice-là de ene hadice Hassan Saheeh. Mais d'abord ene hadice Hassan Saheeh pas veut dire li ene hadice ki capave servi pou enlève ou modifié l'ordre Qour'aan-e-Kareem. Pou ça bizin ena ene hadice Moutawaatir ou bien ene hadice Mash-hour. Le hadice de Hazrat Al-Moughirah  avec la formule جورب li pas ene hadice Moutawaatir ou bien Mash-hour. Deuxièmement si Imam Tirmizi fine qualifié ça hadice-là de ene hadice Saheeh, c'est acoze ki li pas fine trouve li oppose ceki banne lezot fine rapporté. Parceki li fine prend le terme جورب dans le sens ene genre chaussette épais ki satisfaire banne conditions de ene خف ki shariat autorise faire masah lors-là.

Après avoir analyse le hadice de Tirmizi dans tous banne l'angles, nou pas trouve kitchose ki capave prouve la permission ou l'autorisation faire masah lors banne chaussette ordinaire en coton ou en nylon.


Ene conseil


Namaz c'est ene ibaadat très essentiel et ene précepte fondamental dans l'Islam ki so validité li basé principalement lors tahaarat. D'ordinairement li obligatoire pou lave li pied dans wazou. Li pas prudent ditout pou faire masah lors chaussette ordinaire quand nou conné ki d'après l'unanimité de tous les 4 mazhabs, ça wazou-là li pas ene wazou valable. Et conséquemment nou namaz aussi pas pou compté. Nou bizin mette bien dans nou la tête ki jour Qiyaamat, d'abord ena pou repone lors namaz même. Eski nou pas risqué présente devant Allah Ta'ala sans namaz malgré ki nou fine faire boucou namaz? Donc faudré pas faire ene travail pareil, ki faire et pas faire, tout vine pareil! Et surtout bizin prend précaution concernant namaz derrière banne Imam ki faire masah lors zotte chaussette ordinaire. Li bien chagrinant ki cote nou ti bizin faire zeffort ki banne dimoune vine namazi, zordi dimoune pé faire dimoune perdi zotte namaz.

Pense ene coute ça namaz jum'ah ki so khutbah fine faire en créole et so banne mouswalli plis so Imam fine faire masah lors zotte chaussette ordinaire dans wazou, ki qualité massacre ça pou été!

Tout ça-là pé arrivé acoze ki nou pé base nou Deen lors banne l'opinions isolées. C'est vraiment ene comportement enfantin et ene l'attitude irresponsable.

Nikaah (Mariage)

Question No 1.

Couma conclure ene contrat Nikaah? Est-ce ki Temoin li important pou Nikaah etre accepter? 

Reponse.

Ça contrat-là li conclure par l`offre d'une part et l`acceptation d`une autre part. Nou appelle ça l`offre-là ايجاب ('ijaab) et ça l`acceptation-là nou appelle liقبول (qouboul). Par exemple madame-là déclaré "Mo fine donne moi dans to nikah". Ça déclaration ou proposition-là appelle ('ijaab). Au lieu madame-là faire ça déclaration-là, ene l'autre aussi capave faire ça de la part ça madame-là couma madame-là so papa, so dada, so frère, so chacha ou bien ene l'autre dimoune ki ça madame-là fine délègue li comme so représentant. A son tour missié-là dire "Mo fine accepté toi dans mo nikah". Ça déclaration-là appelle qouboul.

Nécessité témoins

ايجاب et قبول bizin faire li divant minimum deux témoins. Ça deux témoins-là bizin deux personnes majeur de sexe masculin ki musulman et ki sain d`esprit. Pou le besoin de témoignage, ene zomme et deux madames aussi li sufi. Donc l'offre et acceptation bizin conclure divant deux hommes musulmans majeur ou bien ene zomme et deux madames en sorte ki banne témoins zotte tendé et conné qui sanla pé marié avec ki sanla.

Attention!

Influencé par ceki passé dans banne films indien, ena boucou parmi nou ki capave ena tendance faire nikah par faire seulement Allah Ta'ala temoin. Nou bizin conné ki nikah pas compté sans témoignage dimoune. Coumsa même si ene dimoune faire nikah par faire Allah Ta'ala et so Rassool  témoin, alors ça nikah-là pas compté. Au contraire banne 'Oulama fine considère ça façon faire nikah-là comme ene façon bien grave. Ena fine considère ça ziska même comme kufr aussi.

Question No 2.

mahar so quantite minimum et maximum combien ete et ki itulite ena pou Rs 27.50

Reponse.

Missié ki pé marié-là, li bizin donne so madame ene kitchose ki ena ene valeur commercial. Ça appelle mahar ou bien swadaaq. Ça kikchose-là li capave être en forme la monnaie liquide couma capave donne li en forme kit z'effet ou objet aussi. Bijou ki normalement la famille garçon faire pou ti fille, ça aussi capave donne li comme mahar.

Taux maximum de Mahar

Le taux maximum de Mahar perna aukene limite. Mais li déconseillé pou exige ene Mahar exorbitant. Ene Nikah ki ena pli tigite dépense et pli tigite Mahar, ena pli boucou barakat. Mahar li suggéré par garçon couma li capave proposé par la fille aussi. Mais de toute façon ça bizin finalisé par ene accord mutuel entre les deux parties.

Taux minimum de Mahar

Le taux minimum de mahar li de 10 dirhams ki équivaut à peu près 31.5 grammes d`argent (chandi). Selon ene hadice, Hazrat Ali  dire ki perna aukene Mahar moins ki 10 dirhams. Li bon conné ki c'est ene hadice ki fine être qualifié de ene hadith faible. Ça li capave vrai par rapport à ene certaine sanad (source). Mais ceki Ibn Abu Hatim fine rapporté, li ene hadith correcte.

Mahar de Rs 27.50

Mahar de Rs 27.50 ki en vigueur à Maurice cote li sorti ça? Bizin guetté eski nou bizin continué avec ça. Si li ene kitchose de shariat, pena doute nou bizin pas abandonne li. Mais si li pas ene kitchose ki prouvé dans shariat, alors li pas bon aussi ki nou continué avec ça. 

Longtemps Rs 27.50 ti ene grand la monnaie. Banne grand dimoune dire ki ti ena ene l'époque quand ene souverain l'or ti pé vende Rs 5.00. Pou ça l'époque-là, Rs 27.50 ti équivaut 5 1/2 souverain l'or. Li paraître ki dimoune de certaine l'endroit ti fixé ça comme ene facilité ou bien ça li ti la valeur de Mahar Fatimi. Si zordi nou évalué Mahar Fatimi, li tombe Rs 15000/- à Rs 16000/-. Donc de toute façon, nou pas trouve aukene raison ki nou bizin continué avec ene mahar Rs 27.50 ou Rs xx 27.50.  

Talaaq

Question No 1:

Dans l'époque Hazrat 'Oumar (r.a) , 3 talaaq ti compte ene seul talaaq ou bien 3 talaaq?

Réponse 1:

Dans l'époque Hazrat 'Oumar (r.a), 3 talaaq ti compte 3 talaaq même.

Question 2:

Dans l'époque Nabi (s.a.w), 3 talaaq ti compte ene seul talaaq ou bien 3 talaaq?

Réponse 2:

Dans l'époque Nabi (s.a.w)  aussi, 3 talaaq ti compte 3 talaaq même.

Question 3:

Bé ki faire dans ene hadice ki trouve dans Saheeh Mouslim, li dire ki 3 talaaq dans l'époque Nabi (s.a.w) ti compte ene seul talaaq?

Réponse 3:

ça 3 talaaq ki ti compte ene seul talaaq auparavant dans l'epoque Nabi (s.a.w) ti applique dans banne cas spécifique cote ene dimoune dire so madame talaaq, talaaq, talaaq. C'est-à-dire li prononce le mot talaaq 3 fois avec l'intention pou zisse mette l'emphase. Pas avec l'intention pou donne 3 talaaq. Ça pas ti appliqué pou ene dimoune ki dire ça avec l'intention pou donne so madame 3 talaaq.

Astere pou conne en vérité ki ça fine donné avec l'intention pou donne 3 talaaq ou bien avec l'intention pou mette l'emphase, ça li dépanne lors dimoune-là même so dire.
Auparavant banne dimoune ti honnête. Acoze ça quand dimoune ti pé dire ki li fine dire ça avec l'intention pou mette l'emphase, alors ti pé accepté li. Mais quand Hazrat 'Oumar (r.a) fine constaté ki mentalité dimoune pé changé et de plus en plus pé dégénéré, alors li fine passe la loi ki si ene dimoune dire talaaq, talaaq, talaaq, alors li pou compte 3 talaaq même. Li pas pou guette l'intention dimoune-là.

Question 4:

Eski ça signifié si ene dimoune prononce le mot "TROIS" quand li donne talaaq, tous les trois porté?

Réponse 4:

Exactement. Si ene dimoune dire so madame "Mo fine donne toi to 3 talaaq", alors 3 talaaq même pou compté parceki quand li fine dire le mot trois, ça pas capave signifié dans aukene façon, ki li fine dire ça pou mette l'emphase. Li ena ene sens précis et catégorique ki pas capave être interprété autrement. Donc ça façon donne talaaq-là fine compte 3 talaaq même tous le temps. Dans l'époque Nabi  aussi, ça ti compte 3 talaaq même. Jamais ça façon donne talaaq-là ti compte ene seul talaaq.

Question 5:

Zordi jour si ene dimoune dire so madame talaaq, talaaq, talaaq, alors combien talaaq li pou compté?

Réponse 5:

Li pou compte 3 talaq même. D'ailleurs zordi jour, en général tout dimoune prononce le mot talaaq 3 fois avec l'intention pou donne 3 talaaq même. Et ça c'est ene décision ki fine prend dans l'époque Hazrat 'Oumar (r.a) par Hazrat 'Oumar (r.a) en présence banne Sahaba-e-Kiraam sans être contesté par kikene. Si jamais ça décision-là ti ene décision ki pas corresponne avec Shariah et l'enseignement de Nabi (s.a.w), banne Sahaba pas ti pou reste tranquille. Continué pretanne 3 talaaq comme ene seul talaaq li ene coup dure lors l'intégrité et l'honnêteté de jamaat de Sahaba-e-Kiraam ki capave seulement émane de la part de ene ki pas Sunni couma banne Rafzi ou bien banne Shia.

Question 6:

Si ene dimoune continué vive avec so madame après ki li fine donne li 3 talaaq, ki so position d'après Shariah?

Réponse 6:

Li ene fassiq (pécheur endurci). Li pé vive dans haraam. Li ene personne ki pas capave fréquente li. Bizin pas accepté so l'invitation et ni invite li. Bizin ena ene boycottage complète avec ça qualité dimoune-là.

Question 7:

Ki position ene dimoune ki donne fatwa ki 3 talaaq li compte ene seul talaaq?

Réponse 7:

C'est ene personne ki fine perdi la vrai direction parceki li fine isole li avec l'ijma de banne Sahaba-e-Kiraam et de As-Sawaad Al-A'zam. Rassouloullah (s.a.w) fine dire:

"Suive As-Sawaad Al-A'zam (la grande majorité) parceki celui ki fine retire li ene coté, li pou être jeté dans l'enfer."

Hazrat 'Oumar (r.a), Hazrat Usmaan (r.a), Hazrat Ali (r.a), Hazrat Abdullah Bin Mas'oud (r.a), banne Sahaba-e-Kiraam en general, banne Tabeines et les 4 Imams, zotte tous dire ki 3 talaaq ki fine donné dans ene seul coup, li compte 3.

Après 3 talaaq, pas capave reste ensemble. Donne fatwa ki 3 talaaq li compte ene seul, en réalité li ene certificat pou vive dans haraam. Ene dimoune normal pas capave retire li de la grande majorité et néglige banne preuves clair, explicite et évident pou attrape ene deux ti boute texte ambigu.

Question No 8:

Si ene dimoune pe faire l'amoure avec so madame et par erreur li avale du lait so madame est-ce ki sa faire li vine haraam pou reste avec so madame? Est-ce ki so nikaah pou casser? ( Question depuis frere Yash)

Reponse. 8:

Non so nikaah pas pou casser et ni li pou vine haraam pou so madame.

Dimoune faire sa confusion la a cause ene mas'ala concernant " Quand ene ti baba fine boire du lait avec ene madame alors madame la pou vine so maman du lait". 

Explication:

Ene zenfant gagne droit boire du lait ki sorti depuis sein de so maman ou bien ene l’autre madame juska l’age de deux ans. Li Haraam pou faire zenfant boire du lait sein après avoir ki li fine gagne deux ans.
 
Si ene zenfant ki pas encore gagne deux ans et demi fine boire du lait depuis ene madame étranger, sa madame la pou vine so maman du lait, madame la so zenfant pou vine so frère et sœur, madame la so frère et sœur pou vine so mamou et khala et madame la so maman et papa pou vine so nani et nana. et li pou être considérer comme zotte mahram, conséquemment li pas pou gagne droit marié avec madame la et ni avec madame la so mahram. Sa la loi la pou appliqué juska zenfant la gagne deux ans et demi. 

Si après deux ans et demi zenfant la fine boire du lait avec ene madame, sa madame la pas pou être considérer comme so maman du lait, mais couma nous fine déjà dire ki li haraam pou ene zenfant sa l’age la boire du lait sein.

Si ene missier fine boire du lait de so madame, madame la pas pou vine haraam pou li, so nikaah aussi pou reste intact, mais sa pas veut dire ki quand missier la pas pou vine haraam alors li pou gagne droit boire du lait so madame.

Alors li pas permette pou ene missier boire du lait de so madame intentionnellement pareil couma li Haraam pou ene zenfant ki fine fini gagne deux ans boire du lait sein. 

Haidh

Question No 1.

Est-ce ki gagne droit lire Quraan en etat de haidh?

Reponse.

Non ! Pas gagne droit lire Quraan en etat de haidh

Ene Hadeeth  raporter par Isma-ïl Bin Ayyaash rapporte de Moussa Bin Uqbah de Nafi de (Hazrat Abdullah) Bin Umar (R.A) de Nabi (S.A.W) ki li fine dire:

"Ene personne en état de janaabat et ene madame en état de haiz bizin pas lire Qour'aan"
(Tirmizi)

Position hadice:

Ena ene rawi nommé Isma-ïl Bin Ayyaash dans sanad ça hadice-là. D'après Imam Boukhari, Isma-ïl Bin Ayyaash so banne hadices ki li rapporté de banne habitants de Shaam, zotte authentique. Quant à banne hadice ki li rapporté de banne habitants de lezot l'endroit, zotte pas authentique. Ça hadice-là Isma-ïl Bin Ayyaash fine rapporte ça de Moussa Bin Uqbah ki li pas ene habitant de Shaam. Donc d'après commentaire Imam Boukhari, ça faire ça hadice-là vine ene hadice faible. Mais après avoir cite ça hadice-là, Imam Tirmizi fine faire ressortir ki l'opinion de la grande majorité de banne savants parmi banne Sahaba-e-Kiraam, banne Tabeines et banne Taba-Tabeines, c'était ça même. C'est-à-dire ene personne ki en état de janaabat et ene madame ki en état de haiz, pas gagne droit lire Qour'aan-e-Kareem. 

Quand nou prend ça fait-là en considération, ça donne nou forte l'impression ki Isma-ïl Bin Ayyaash fine bien rapporte ça hadice-là. Ça li élimine la possibilité ki li fine mal rapporté parceki si ene rawi li ena l'habitude faire erreur, li possible ki parfois li capave bien rapporté aussi. Quand nou trouvé ki la pratique de Salaf (Sahaba-e-Kiraam, Tabeines et Taba-Tabeines), li d'après ceki ça rawi-là fine rapporté, ça li renforci la possibilité ki exceptionnellement ça hadice-là fine bien rapporté.

Ça c'est ene méthode et ene principe établi ki banne savants de hadice et banne Fouqaha (juristes) de tous le temps fine servi dans analyse et situé position ene hadice. Selon ça principe-là, ene hadice ki paraite faible de par so sanad (la chaine de narration) capave être qualifié de ene hadice authentique si li bénéficié l'appuye de la pratique de Salaf. Couma li possible ene hadice ki paraite authentique capave être qualifié différemment si li pas bénéficié l'appuye de la pratique de Salaf. C'est-à-dire quand nou trouve ene hadice ki authentique de par so sanad mais nou trouvé ki Salaf pas fine applique li dans contexte et dans circonstance ki ti supposé applique li, ça amene nou pou comprend ki ça hadice-là ena kitchose ki pas normal avec li. C'est la raison pou laquelle le Salaf pas fine applique li cote li ti supposé être appliqué.

Quand banne 'Oulama fine servi ça principe-là, ça fine amene zotte pou authentifié ene quantité hadice ki ti pé paraite faible de par zotte sanad. Le hadice de Isma-ïl Bin Ayyaash aussi li ene l'exemple pou ça principe-là. Apart ça nou ena plusieurs l'exemple ki capave élabore ça principe-là.

Premier l'exemple

Ena ene hadice concernant de l'eau la mer ki trouve dans Tirmizi selon lequel Rassouloullah (S.A.W)  fine dire:

"So de l'eau li purifiant ..." (C'est-à-dire ça capave servi pou gagne tahaarat (la propreté).

Dans so commentaire lors ça hadice-là, Hafiz Bin Abdul Barr (décédé en 463 Hijri) dire:

"واهل الحديث لا يصححون مثل اسناده لكن الحديث عندى صحيح لان العلماء تلقوه بالقبول"

"Banne savants de hadice normalement zotte pas qualifié de authentique ene sanad pareil coumsa mais le hadice d'après moi li authentique parceki banne 'Oulama fine accepté li."

C'est-à-dire hadice-là li ene hadice faible de par so sanad mais so contenu li authentique parceki banne 'Oulama fine adopté ene l'attitude favorable à l'égard ça hadice-là.

Deuxième l'exemple

Dans ene chapitre lors talaaq dans so commentaire Fat-hul Qadeer, Allaamah Ibn-ul-Houmaam (788-861H) dire: 

"ومما يصحح الحديث ايضا عمل العلماء على وفقه"

"Et parmi banne critères ki faire ene hadice vine Saheeh (authentique), c'est la pratique de banne 'Oulama d'après ça (hadice-là)."

C'est-à-dire quand la pratique banne 'Oulama li conforme avec le contenu de kit hadice ki paraite faible de par so sanad, alors ça capave servi comme ene critère pou déclare ça hadice-là authentique.

Troisième l'exemple

Concernant salaat-ut-Tasbeeh, Imam Baihaqui dire:

"كان عبد الله بن المبارك يصليها وتداوله الصالحون بعضهم عن بعض وفى ذلك تقوية للحديث المرفوع"

"Abdullah Bin Al-Moubaarak ti pé faire ça namaz-là. Et banne personnages pieux fine gagne ça depi ene à l'autre. Dans tout ça-là ena ene renforcissement pou le hadice ki fine rapporté de Nabi (S.A.W) ."

C'est-à-dire le hadice Marfou ou bien le hadice ki fine rapporté de Nabi (S.A.W) li paraite faible de par so sanad. Mais la pratique de Abdullah Bin Al-Moubaarak et banne personnages pieux de tout génération li ene indication ki ça hadice-là li authentique et li fondé.

Après tout ça explication-là, li pas difficile pou conclure ki le hadice ki Isma-ïl Bin Ayyaash fine rapporté et ki paraite faible de par so sanad, li ene hadice authentique de par so contenu acoze ki li conforme avec la pratique de la majorité de Sahaba-e-Kiraam, Tabeines, Taba-Tabeines et les quatre Imaam.

Pou revine avec le hadice de   اسماعيل بن عياش , li bon conné banne 'Oulama ki fine disqualifié ça hadice-là, c'est necque so forme مرفوع ki zotte fine disqualifié li. Quant à so forme موقوف, li qualifié de ene hadice authentique. C'est-à-dire ça hadice-là fine être rapporté comme ene déclaration de Rassouloullah (S.A.W) couma li fine être rapporté comme ene déclaration de Hazrat Abdullah Bin 'Oumar (R.A) aussi. Mais pou banne savants de hadice, li authentique comme déclaration de Hazrat Abdullah Bin 'Oumar (R.A) seulement. D'après principe, ça li pas faire différence parceki ene Sahabi pas capave faire ene déclaration pareil par so l'esprit ou par so l'opinion personnelle. C'est ene kitchose ki so connaissance li depanne lors wahi. Ene déclaration de ene telle nature li ena même capacité ene hadice marfou. C'est-à-dire couma hadice Nabi (S.A.W)  li ene       حجة (l'autorité), coumsa même la déclaration ene Sahabi aussi li ene  حجة et surtout quand li concerne ene information ki depanne lors wahi pou gagne li.
D'ailleurs  اسماعيل بن عياش  en li même li ene rawi  ثقة  (authentique). So banne hadice ki li rapporté avec banne narrateurs dans Shaam, zotte banne hadice authentique. C'est necque banne hadice ki li fine prend avec lezot ki qualifié de banne hadice faible. C'est parceki ene rawi li pli habitué avec banne شيوخ (savants de hadice) de so l'endroit. Li gagne l'occasion joine zotte de temps à autre. Et ça donne li l'occasion parfois tanne ene seule kitchose à plusieurs reprise ki aide li pou bien vérifié ceki li fine tendé.

Mais ene rawi li pas gagne ça chance-là quand li tanne hadice avec banne savants de hadice étranger. Li ena boucou chance faire confusion et faire erreur dans transmette ceki li fine tendé. Pou ça même raison, banne savants de hadice pas accepté hadice        اسماعيل بن عياش quand li rapporté de banne narrateurs étrangers banne kitchose ki pas confirmé par lezot.

Ça explication-là montré ki nou capave accepté ça hadice-là parceki le rawi   ابو معشر    aussi fine rapporte ça avec   موسى بن عقبة  couma اسماعيل بن عياش fine rapporté. Le rawi ابو معشر, si li pas jouir ene statu de haute calibre, li pas ça aussi faible-là. De ce fait, si li pas capave charrié ene hadice li tout seul, au moins capave servi li comme ene soutien et ene renfort. Pou servi comme ene renfort, li pas dimane ene rawi trop fort. Ene rawi faible même li sufi. Pourvu li ene rawi ki correcte de par so conduite dans Deen. Donc ene dans l'autre, ça hadice-là li vine ene hadice ki capave considère li et servi li comme ene preuve.

Conclusion:

(1) Le hadice de اسماعيل بن عياش fine qualifié de faible par certaine 'Oulama de hadice. Mais li secondé par ene l'autre rawi nommé ابو معشر.Donc li vine assez fort pou capave être considéré.

(2) L'opinion de banne Sahaba, Tabeibes et Taba-Tabeines li conforme avec ça hadice-là. Ça aussi li ene critère pou ça hadice-là vine ene hadice authentique.

Donc li pas permette pou madame lire Qour'aan en état de haiz. pareil Couma li pas permette pou lire Qour'aan en état de janaabat (impurete).

Qurbaani

Question No 1.

Estce-ki gagne droit faire qourbaani avec ene zanimau ki pincé?

Reponse.

Dans ene Hadeeth ki trouve dans Ibn Maajah fine mentionner ki:

"Quand Rassouloullah (R.A.W)  ti pé décide faire Qourbaani, li ti pé acheté deux moutons gros, gras, ki ena corne, de couleur blanc ki nuancé avec couleur noir et ki pincé." (Ibn Majah)

Position hadice :

Dans Sounan Ibn Majah, ça hadice-là fine rapporté par Hazrat Aisha (R.A) et Hazrat Abou Hourairah (R.A) . Shawkaani fine qualifié ça hadice-là de ene hadice faible acoze présence ene rawi (narateur) nommé عيسى بن عبد الرحمن بن فروة (Iça Bin Abdurrahmaan Bin Farwah) dans so sanad.

Mais quand nou guette le sanad de Ibn Majah, nou pas trouve aukene rawi de ça nom-là. Coumsa même dans le sanad de Mousnad Ahmad aussi, na perna aukene rawi de ça nom-là. Donc le hadice de Ibn Majah, li ene hadice Saheeh (authentique). Et ceki Shawkaani fine dire, c’est ene confusion de so part.

Explication :
موجوء (Maujou) c'est ene zanimau ki fine faire وجاء (Wijaa) avec li. Et وجاء signifié neutralise la fonction de testicule par enlève li ou par crase li. Donc موجوء  c'est ene zanimau ki so testicule fine enlevé ou bien fine crasé. D'après ça hadice-là, ene zanimau ki fine être stérilisé par crase so testicule, li permette pou faire Qourbaani. Coumsa même ene zanimau ki so testicule fine enlevé aussi capave faire Qourbaani. Ça li paraite ene défaut mais c'est ene défaut ou manquement ki faire boucou du bien parceki ça li aide ça zanimau-là grossi et engraissé pli bien et li faire so la chaire vine pli goûteux. Donc Shariat fine tolere ene ti manquement vis-à-vis ene grand l'avantage.

Hajj

Question no 1.

Lor ki sanla hajj obligatoire?

Reponse.

Hajj obligatoire lor ene personne ki fine vine majeur (baaligh) et ki ena le moyen. 

Ena le moyen veut dire:

(1) Li ena suffisamment l'argent pou paye so transport pou alle Makkah, Mina, A'rafaat et retourne so la caze.

(2) Li ena le moyen ki permette li gagne so banne necessites pendant so voyage et pendant so sejour dans sa banne place mentionner la haut la, juska li retourne so la caze.

(3) Li ena suffisamment moyen pou accommode so madame, zenfants et tous banne ki zotte vine sous so responsabilite, pendant so l'absence juska ki li retourne so la caze.

* Quand ene personne, apart so la caze ki li reste, apart so capital ki li bizin pou so business, apart so banne z'outil travail, apart so moyen transport, apart so dette, li possede ca quantite l'argent ki fine mentionner la haut-la, dans banne mois de Hajj, alors Hajj fini vine obligatoire lor li. Astere tanque capave, li bizin pas tarde pou faire so Hajj. 

Zakaat

Question No 1.

Est-ceki li necessaire pou inform sa recipient de zakaat la ki sa l'argent ki li fine gagner la li ene l'argent zakaat?

Reponse:

Non ! li pas necessaire attention ki dimoune la embarasser si nous dire li donc nous capave dire li ki c'est ene cadeau. Sa ki plus important c'est quand sa personne la pe donne li sa l'argent la sa donneur la faire l'intention ki li pe tire zakaat.

Sawm (Roza))

Question No 1.

Est-ceki vomi casse roza?

Reponse. 

Si ene personne fine vomi ene ti peu ou bien pleine bouche involontairement so roza pas pou casser excepter si li fine  avale ene ti peu la dans délibérément a ce moment la so roza pou casser. mais si ene ti peu fine descende dans so la gorge et li pas fine capave controller so roza pas pou casser.

Mais si ene personne vomi plein bouche volontairement (par exemple li mette so le doight dans so la gorge pou li gagne vomi) a ce moment la so roza pou casser quand meme li pas avale li. 

(Tahtaawi pg 370) 

Salaah

Question no 1. ( khutbah Jumuah en creole )

Est-ce ki li necessaire pou faire khutbah de Jumua'h seulement en langue arabe ou bien capave faire li dans bannes les autres langues aussi? Ena ene banne dimoune dire ki gagne droit faire khutbah dans langue locale afin ki l'audience capave beneficier plus bien.  

Reponse:

Khutbah de Jumuah li pas essentiellement ene lecture ki fine faire pou l'audience. Mais plutot li ene parti de Salaatul-Jumuah. li bien evident ki nombre de rakaat farz ki ena dans Salaat de Zuhr li quatre. mais le jour Jumuah le nombre de rakaat farz fine diminuer et fine vine deux seulement. Et sa deux rakaat ki fine diminuer la fine etre remplacer par khutbah, et khutbah li ene forme de zikr couma Allah fine referre a sa dans Suratul Jumuah cote li fine dire:

 فاسعوا إلى ذكر الله

( precipiter envers Allah so zikr) 

Donc, le fait ki li ene partie de la prière de zikr bizin faire li en arabe. Et pareil couma pas gagne droit faire Salatul-Jumuah en langue du peuple coumca meme li pas pou permette pou faire khutbah dans langue du peuple.

Nabi (صل الله عليه وسلم) so banne compagnons fine alle envers beaucoup banne pays en dehors de l'Arabie et zotte fine alle prêche l'Islaam, mais jamais zotte fine servi langue du peuple dans zotte banne khutbah de Jumuah. Oui! zotte ti pe servi langue du peuple dans bannes les autres lectures mais pas dans khutbah de vendredi.

Faire khutbah en creole (surtout pou ene personne ki conne la langue arabe) li ene bid'ah et innovation de ene groupe de banne dimoune ki ti pe faire beaucoup zeffort dans le passer pou enseigne banne dimoune a Maurice la langue arabe, maintenant quand banne dimoune la fine commence comprend a ce moment la zotte fine opter pou change li en creole. pe parraitre ki zotte fine echouer dans zotte zeffort.

Si ene dimoune envie ecoute lecture ou bien explication lor deen Alhamdulillah l'arangement fine faire pou sa aussi dans le jour de Jumuah, dimoune la necque ena pou faire ene ti zeffort et vine masjid plus bonheur coumca zotte capave gagne plus recompense et meme temps profiter avec banne explication ki faire en creole dans bannes masaajid cote faire khutbah en arabe. 

.........................................................................................................................................................................

Question No 2.

Quand bizin lève la main au moment quand pe faire takbeer tahreemah?

Reponse.

li plus meilleur ki nous leve la mains ensuite nous lire Takbeer

Concernant lève la main dans takbeer tahreemah, nou ena 3 qualités hadices.

 
(1) Ene hadice dire ki Rassouloullah (S.A.W) ti pé lève la main d’abord, après ça li ti pé faire takbeer.

(2) Ene deuxième montré ki Rassouloullah (S.A.W) d’abord ti pé dire Allahou Akbar et ensuite li tipé lève so la main.

(3) Et d’après ene troisième hadice, tout les deux ti pé faire ensemble-ensemble.

Tous les trois façons li correcte mais hadice ki montré d’abord lève la main et ensuite faire takbeer li pli authentique. Acoze ça li pli bon faire takbeer dans ça façon-là.

"عن عبد الجبار بن وائل عن ابيه انه ابصر النبى  حين قام الى الصلاة رفع يديه حتى كانتا بحيال منكبيه وحاذى بابهاميه اذنيه ثم كبر"

(ابو داؤد)

Traduction :

“Abdul Jabbaar Bin Wa-il rapporté de so papa (Wa-il) ki li fine trouve Nabi (S.A.W) au moment ki li ti pé diboute pou namaz, lève so deux la main ziska ça ti pé vine même hauteur avec so deux z’épaules et li ti pé faire so deux pouces vine même hauteur avec so deux zoreilles et après ça li ti pé faire takbeer.” (Abou Dawood)

Position hadice :-

Ça hadice-là li ene hadice منقطع (mounqati) parceki Abdul Jabbaar pas fine tendé avec so papa Wa-il (R.A). Malgré ça, li ene hadice ki capave considéré parceki انقطاع (disconnection) dans sanad de la part banne narrateurs dans خير القرون (les meilleures époques) li pas ene défaut ki affaibli ene hadice.

Hadice Abdullah Bin ‘Oumar (R.A)

كان رسول الله  اذا قام للصلاة رفع يديه حتى تكونا بحذو منكبيه ثم كبر"      

(مسلم )

Traduction :-

“Quand Rassouloullah  ti pé diboute pou namaz, li ti pé lève so deux la main (à ene hauteur) ziska ça vine lors même niveau avec so deux z’épaules et ensuite li ti pé faire takbeer.” (Mouslim)

Remarque:

D’après ça hadice-là, Rassouloullah (S.AW) ti pé dire Allahou Akbar après avoir lève la main.

Hadice Abou Houmaid (R.A)

"كان رسول الله  اذا قام الى الصلاة اعتدل قائما ورفع يديه ثم قال الله اكبر"

(الترمذى) 

Traduction :-

“Quand Rassouloullah (S.A.W) ti pé diboute pou namaz, li ti pé dresse li droite, et li ti pé lève so deux la main et après ça li ti pé dire Allahou Akbar.” (Tirmizi)

 
Position hadice :-

C’est ene hadice ki qualifié de حسن (bon) et صحيح (authentique) par Imam Tirmizi. Imam Ibn Khuzaimah et Ibn Hibbaan aussi fine qualifié li de ene hadice Saheeh. Ça hadice-là li trouve dans Sounan Ibn Majah aussi.

Explication :

 
D’après ça banne hadices-là, Rassouloullah (S.A.W) d’abord ti pé lève so deux la main et après ça li ti pé dire Allahou Akbar.

Selon ene hadice dans Abou Dawood et Al-Baihaqui, Rassouloullah (S.A.W) ti pé lève la main et dire Allahou Akbar tous les deux ensemble.

Et d’après ene hadice dans Sounan Ad-Darqutni, Rassouloullah (S.A.W) ti pé fini dire Allahou Akbar avant li lève so deux la main.

Tous les trois façons faire takbeer fine rapporté. Acoze ça tous les trois façons li permette, mais li pli préférable faire li dans la première façon, c’est à dire d’abord lève la main et ensuite dire Allahou Akbar, parceki ça façon-là fine rapporté par banne hadices ki pli authentiques.