Question:
kan dire witr li obligatoire, sa veut dire li farz ou bien waajib? ki difference ena entre farz et waajib?
Reponse:
Witr li waajib, li pas faraz
"ان
الوتر ليس بحتم كصلاتكم المكتوبة ولكن رسول الله r اوتر ثم قال يا اهل القرآن اوتروا
فان الله وتر يحب الوتر" (الحاكم والترمذى)
Traduction:
Certainement
salaat-ul witr li pas obligatoire couma ou namaz faraz été mais Rasouloullah r fine pratique witr et li fine dire:
"O
banne partisans de Qour'aan, faire salaat-ul witr parceki Allah Ta'ala li witr
(unique) ki content witr." (Al Haakim/Tirmizi)
Position ça hadice-là
Al Haakim fine
rapporte ça hadice-là dans so Al-Moustadrak. Li et Allaamah Az-Zahabi, personne
parmi zotte deux pas fine faire aukene commentaire lors ça hadice-là. Imaam
Tirmizi fine qualifié li de Hassan. C'est à dire li ene hadice correcte
et passable ki capave servi comme ene argument et ene preuve.
Explication:
"Certainement witr li pas obligatoire pareil couma ou namaz faraz
été".
Ça c'est la
déclaration de Hazrat Ali t. Ça signifié ki le degré de
obligation de salaat-ul witr li pas pareille couma namaz faraz. Si li pas
obligatoire couma namaz faraz, eski ça veut dire ki li pas nécessaire? Ça déclaration-là
pas cause narien lors-là. Li montré seulement ki li pas obligatoire pareille
couma banne namaz faraz. Mais ça pas capave servi pou dire ki li pas
obligatoire. Pou conne ça, nous bizin guette le zotte hadices. Par exemple le
hadice de Hazrat Bouraidah t ki li assez clair pou montré so
l'importance.
"O banne partisans de Qour'aan …"
Partisan de
Qour'aan ou Ahl-ul Qour'aan capave être interprété dans deux façons: Soit li
signifié banne ki fine mémorise ene bon parti dans Qour'aan ou entier Qour'aan
ki nous appelle zotte Haafiz-ul Qour'aan. Couma ça li capave servi comme ene
titre pou banne musulmans. Si nous prend li dans le premier sens, ça pou
signifié ki salaat-ul witr li appliqué lors banne ki Haafiz-ul Qour'aan. Mais
le zotte banne hadices zotte en général ki na pas faire aukene distinction
entre Haafiz et non Haafiz. Donc li pli approprié pou prend li dans deuxième
sens. C'est-à-dire à ce moment-là 'partisan de Qour'aan' ou 'Ahl-ul
Qour'aan' couma ça mentionné dans hadice, pou signifié banne musulmans.
Hadice rapporté par Hazrat Abdullah Bin Mas'oud t:
"الوتر
واجب على كل مسلم" (البزار)
Traduction:-
Rapporté par
Hazrat Abdoullah Bin Mas'oud t:
"Salaat-ul witr li waajib (obligatoire) lors chaque musulman" (Al
Bazzaar)
Position hadice Hazrat Abdullah Bin Mas'oud t
Ena ene Rawi
(narrateur) nommé Jabir Al Jou'fi dans so sanad (chaîne de narration) ki li ene
Rawi مختلف فيه
(controversé). C'est-à-dire li ene Rawi solide selon ene groupe de savants de
hadice et faible d'après ene l'autre parti. Si nous prend en considération
déclaration ça groupe de savants de hadice ki déclare li solide, nou pou bizin
dire ki ça hadice-là li ene hadice Saheeh (authentique), mais si nou guette ça
l'autre groupe ki déclare li faible, alors ça hadice-là li pou ene hadice
faible. Quand ena ene dilemme pareil concernant ene Rawi, alors so hadice li
descende ene ti degré enbas ene hadice saheeh à coze banne ki fine qualifié li
faible. Et li monte ene ti degré là-haut ene hadice faible à coze banne ki fine
déclare li fort et solide. Ça degré entre ça deux-là appelle degré hassan. Ene
hadice ki bénéficié ça degré-là li ene hadice hassan ki capave servi couma ene Houjjah
(preuve).
Explication
Le mot waajib
signifié ene kitchose ki nécessaire et obligatoire. Mais entre ene obligatoire
et l'autre, ena différence. Ene capave pli obligatoire ki so camarade. Mais ça
na pas empêche so camarade vine obligatoire. Donc witr li obligatoire mais li
pas obligatoire couma cinq fois namaz li obligatoire.
Accomplir cinq
fois namaz, ça li obligatoire dans ene façon nette et catégorique ki nous
appelle فرض (fardh).
Couma établi ene fardh
Fardh li établi
par ene preuve ki na pena aukene pourcentage de réserve là-dans. Li catégorique
à cent pour cent de par so source et de par so sens.
La question de salaat-ul witr
Par contre le
degré de l'obligation de salaat-ul witr li pas catégorique à cent pour cent.
Ene kitchose ki pas capave dire ki li obligatoire à cent pour cent, nous
appelle li waajib. Disons nous capave dire c'est ene kitchose ki bizin faire.
Ene kitchose ki pas capave quitté à coze ki li ena la certitude de plis ki 50
pour cent. Mais à coze ena ene ti réserve, nous pas capave qualifié li de
obligatoire pareille couma banne namaz فرض (fardh). C'est ça même degré de
l'obligation ki nous appelle li waajib. Probablement c'est ça même l'idée ki
Hazrat Ali t fine essaye avancé quand li dire:
"Witr li pas obligatoire ou catégorique couma ou cinq fois namaz été
…".
Donc namaz witr li waajib!
Hadice Hazrat Abdullah Bin 'Oumar t
" ... ان رجلا سأل عبد الله بن
عمر t عن الوتر أ واجب هو؟ فقال عبد الله
بن عمر t اوتر رسول الله r واوتر المسلمون فجعل الرجل يردد عليه
و عبد الله بن عمر t
يقول اوتر رسول الله r
واوتر المسلمون" (مؤطا الامام مالك)
Traduction:
"… Ene
personne fine dimane (Hazrat) Abdullah Bin 'Oumar t à propos witr eski li
waajib? (Hazrat) Abdullah Bin 'Oumar t fine reponne:
"Rasouloullah r fine pratique salaat-ul witr et
banne musulmans (aussi) fine pratique witr. La personne fine continué répète
(la question) et (à tout coup) Hazrat Abdullah Bin 'Oumar t fine continué reponne: "Rasouloullah r fine faire witr et banne
musulmans (en général) fine faire witr".
(Mou'atta Imam Malik)
Explication:
La personne
fine oulé conne la position et le degré de l'importance de salaat-ul witr. Li
fine demane Hazrat Abdullah Bin 'Oumar t eski li waajib ou bien non? Li
ti pli simple et pli facile pou Hazrat Abdullah Bin 'Oumar t
reponne "oui ou bien non". Mais couma nou trouvé, li pas fine adopté
ça méthode-là pou reponne. Au lieu reponne ça personne-là so question, li fine
préfère attire so l'attention vers le fait ki ça fine toujours être dans la
pratique de Rasouloullah r et de banne Sahaba-e-Kiraam t. Ene
kitchose ki fine reste régulièrement dans la pratique de Rasouloullah r et so
banne Sahaba-e-Kiraam t, li bizin ene kitchose de grande l'importance.
Néglige ene pratique pareille, li représente ene changement dans ene système
établi et bien structuré couma li paraite ene genre de affront avec le principe
de banne Sahaba-e-Kiraam t. C'est ene l'attitude ki fine
désapprouvé dans ene ton très sévère par Qour'aan-e-Kareem cote Allah Ta'ala
dire:
"Et
celui ki oppose Rasoul (Prophète) après ki la vérité fine fini manifesté devant
li et li suive ene l'autre chemin (principe) apart chemin (principe) banne
musulmans, alors nous pou laisse li faire ceki li pé faire et (dans Aakhirat)
nous pou mette li dans jahannam ….". (S4/V115)
Hazrat Abdullah
Bin 'Oumar t ti ena deux façons pou reponne la question:
1.
Soit li ti capave dire oui li
waajib. Mais ça façon reponne-là li ena possibilité donne la personne
l'impression ki salaat-ul witr li obligatoire pareille couma 5 fois namaz li
obligatoire. Et normalement donne ene l'impression pareille li pas correcte
parceki li pas vrai.
2.
Ou bien li ti dire non, li pas
waajib. Dans ce cas la personne ti capave croire ki li pena l'importance. Et ça
aussi li pas vrai.
C'est à coze ça
même ki Hazrat Abdullah Bin 'Oumar t fine hésité pou situé la
position de salaat-ul witr dans ene formule définie et claire. Au lieu ça, li
fine préfère attire l'attention la personne vers so l'importance ki capave
encourage li pratique li régulièrement sans donne li, le même degré et même statu
ki 5 fois namaz faraz ena. Alors li fine contente li pou montré ki c'était ene
kitchose ki fine toujours existé dans la pratique Rasouloullah r et
banne Sahaba-e-Kiraam t. Ça suffit pou montré so l'importance.
Hadice Hazrat Khaarijah Bin Houzaafah t
"ان
الله قد امدكم بصلاة هى خير لكم من حمر النعم وهى الوتر فجعلها لكم فيما بين صلاة
العشاء الى صلاة الفجر". (الحاكم)
Traduction:-
“Certainement Allah fine
accorde ou ene namaz additionnel. Li meilleur pour ou plis ki banne chameau
rouges. Et ça namaz-là c’est witr. Li fine fixé ça pour
ou dans l’intervalle entre namaz Esha juska namaz Fajar.” (Al- Haakim).
Position hadice Hazrat Khaarijah Bin Houzaafah t
Al-
Hakim et Az-Zahabi fine qualifié ça hadice-là de saheeh (authentique). Apart
Hazrat Khaarijah Bin Houzaafah t, le matn
(contenu) de ça hadice-là fine rapporté par encore huit Sahaba-e-Kiraam:
1. عبد الله بن عمرو (Hazrat Abdullah Bin Amr t)
2. ابو سعيد الخدرى (Hazrat
Abou Said Al- Khudri t)
3. ابو بصرة (Hazrat Abou Basra t)
4. عمرو بن العاص (Hazrat Amr Bin Aas t)
5. عبد الله بن عباس (Hazrat Abdullah Bin
Abbaas t)
6. عقبة بن عامر (Hazrat Uqbah Bin Amir t)
7. عبد الله بن اوفى (Hazrat Abdullah Bin Abou
Awfa t)
8. عبد الله بن عمر (Hazrat Abdullah Bin 'Oumar t)
Ça
veut dire ki c`était ene hadice très connu dans l`époque de banne Sahaba-e-Kiraam.
Ça explique la déclaration de Abou Zaid dans Kitaab-ul-Asraar à l`effet ki
c`est ene hadice mash-hour.
Hadice mash-hour
Pour
banne mouhaddice (savant de hadice), ene hadice mash-hour c`est ene hadice ki
rapporté par pas moins ki trois personnes dans chaque l`époque. C`est à dire
dans l`époque Sahaba-e-Kiraam, Tabeines et Taba-Tabeines. Et selon banne
fouqaha (juristes) c'est ene hadice ki fine rapporté par ene nombre restreint
de banne Sahaba-e-Kiraam mais dans l'époque de Tabeines et Taba-Tabeines li
prend l'ampleur couma ene hadice Moutawatir. Ene hadice Moutawatir li pli fort
parceki li rapporté par ene nombre illimité et tres elevé de banne
Sahaba-e-Kiraam.
Explication:-
"... ان الله قد امدكم
بصلاة ..."
“… Certainement
Allah fine accorde ou ene namaz additionnel …”
Ça
namaz additionnel-là c’est salaat-ul-witr. Li ene namaz additionnel parceki ti déjà
ena 5 fois namaz faraz avant ça. Salaat-ul-witr fine être annexé avec 5 fois
namaz ki ti déjà existé avant ça. Et ça fine être annexé par Allah Ta'ala.
C’est couma dire Allah Ta'ala fine donne nous ene augmentation lors ceki nou ti
ena auparavant. Ça donne salaat-ul-witr ene l’importance assez particulière. Et
normalement ene annexe ou ene l’ajoute nous faire avec ene kitchose ki limité
parceki ene kitchose ki perna limite, la question de l'ajoute ou annexe pas
posé meme. Vraiment dire, c'est le nombre de namaz faraz ki limité. Donc le
salaat-ul witr li ene annexe avec banne namaz faraz. Quand li ene annexe avec
banne namaz faraz alors li pou bizin ena presque le meme statut couma banne
namaz faraz parceki ene annexe li bizin impé pareille couma ça kikchose et ça
l’élément principal avec lequel li annexé. Donc le salaat-ul-witr ki annexé
avec les 5 fois namaz faraz ki ti déjà existé, li bizin impé pareil couma banne
namaz faraz-là même. Et ça statut presque impé pareille couma namaz faraz-là, nous
dire li waajib. En principe li ti bizin faraz meme mais acoze ki li pas
categorique, pas capave prononce li faraz. Li descende ene ti degré enbas faraz
ki appelle waajib.
"هى خير لكم من حمر
النعم"
“Li meilleur pou ou plis ki banne
chameaux rouges.”
Chameau
rouge ti ene kikchose de très grande valeur pour banne Arabes. Alors
Rasouloullah r fine
oulé donne zotte ene l’idée de la valeur de salaat-ul-witr par compare li avec
ene kikchose ki zotte tous ti déjà conne so valeur. C’est à dire bizin
satisfait et content li. Et bizin ena la volonté et le plaisir pour faire
salaat-ul-witr plis ki ti pou ena li par gagne chameau rouge dans so
possession. Et si ena pour perdi banne chameaux rouges dans faire
salaat-ul-witr, alors là-aussi pou dans profit.
Mais
malgré tout so degré de l’importance, pas fine déclare li obligatoire couma
banne namaz faraz parceki so banne preuves, de par zotte source et zotte sens,
zotte pas ça catégorique-là et ça fort-là ki capave soutenir ene faraz.
D’ailleurs tous banne hadices reconnaite seulement 5 fois namaz faraz ki de génération
en génération fine rapporté, pratiqué et enseigné par entier 'Oummah. Donc li
waajib c’est à dire ene ti degré moins ki faraz.
Laisse nou guette le hadice rapporté par Hazrat
Abdullah Bin Amr t ki ene
tipé pli détaillé.
Æ Hadice Hazrat Abdullah Bin Amr t
"مكثنا زمانا لا نزيد على
الصلوات الخمس فامرنا رسول الله r فاجتمعنا
فحمد الله واثنى عليه ثم قال:
"ان الله قد زادكم صلاة فامرنا بالوتر" (الدار قطنى)
Traduction:-
Nou
fine reste pendant ene bon boute le temps. Nou pas ti pé faire plis ki les cinq
namaz. (Dans ene certaine l’occasion) Rasouloullah r fine dimane nou pour réuni; et
nou fine réuni. Alors li fine glorifié Allah et fine faire so éloge. Ensuite li
fine dire:
“Certainement
Allah fine accorde zotte encore ene namaz. Et à la suite de ça, li fine annonce
nou l'ordre pou faire witr.” (Darqutni)
Position hadice Hazrat Abdullah Bin Amr t
Ena
ene Rawi (narrateur) nommé محمد بن عبيد الله العرزمى (Mouhammad Bin Ubaidullah Al- Arzami) dans Sanad ça hadice-là.
Darqutni qualifié li de ene Rawi faible. Quant à le zotte savants de hadice
couma وكيع (Waki') et الساجى (As-Saaji), zotte considère li couma ene Rawi crédible ki
capave faire li confiance. Donc ça faire li vine ene Rawi controversé. Normalement
ene Rawi controversé so hadice, li pas ene hadice faible. Plutôt li bénéficié
le rang ene hadice hassan ki capave être servi comme ene preuve et ene
argument.
Dans
la liste de banne ki fine rapporte hadice avec li, nou trouve banne haute personnages
couma سفيان (Soufyaan), شريك (Shareek), شعبة (Shou’bah) et Imaam ابو حنيفة (Abou Hanifah rahmatoullahi alayhim). D’après principe, banne
haute personnages pareille, zotte ti pé hésité pour prend hadice avec ene Rawi
ki pas sérieux. Ça montré ki Mouhammad Bin Ubaidullah ti bizin ene Rawi
correcte et sérieux au près ça banne-là pour ki zotte fine permette zotte
rapporte hadice avec li. Et surtout Shou'bah ti bien stricte et bien sévère lors
ça sujet-là. Li pas ti pé prend hadice avec ene Rawi ki pas crédible. Tellement
li fine reste stricte lors so principe ki ça fine vine ene règle pour banne
Mouhaddices. C’est à dire quand Shou'bah rapporte hadice avec kit Rawi, ça li
ene indication ki le Rawi en question li ene Rawi authentique.
D’ailleurs
Mouhammad Bin Ubaidullah li pas tout seul dans rapporte ça hadice-là avec Amr
Bin Shou’aib. Nous ena encore deux Rawi en l’occurrence Hajjaaj Bin Artaat et
Mousanna Bin Sabbaah ki fine rapporte ça hadice-là avec le Rawi Amr Bin
Shou’aib. Donc ça hadice-là ena tout banne raisons pour faire li vine ene
hadice authentique. Surtout dans so l’ensemble, li vine ene ti pé pli fort et
pli solide ki ene hadice authentique normal.
Explication:-
"... فامرنا رسول الله r فاجتمعنا
..."
“Alors Rasouloullah r fine ordonne nou (pour réuni) et nou fine réuni.”
Faire
ene réunion pour annonce quelque chose c’est ene façon pour montré l’importance
ça kikchose ki fine annoncé-là. Quand Rasouloullah r fine faire ça pour annonce
salaat-ul-witr, ça montré ene ti pé le degré de l’importance ki li fine attaché
avec ça namaz-là. C’est ene de banne raisons ki banne fouqaha (juristes) couma
Imaam Abou Hanifa (rahmatoullahi alayh) fine avancé pour soutenir zotte thèse
ki salaat-ul-witr li pas ene namaz ordinaire couma banne namaz nafil. Li ene
namaz assez important.
"... فامرنا بالوتر"
“Et après ça li fine annonce nou l'ordre pour faire witr”.
C’est
à dire Rasouloullah r fine
passe l’ordre pour accomplir salaat-ul-witr. En principe ene l’ordre de la part
Rasouloullah r c’est
ene l’ordre ki tanque possible, bizin prend li couma ene kikchose ki waajib et
ene kikchose ki obligé faire. A moins si nou gagne kikchose valable ki prouve
le contraire. D’après ça principe-là, nou trouvé ki salaat-ul-witr li bizin ene
kikchose ki obligé faire. Et ça l’idée et ça l’opinion-là, li confirmé surtout
quand nou analyse li à la lumière hadice Hazrat بريدة t
(Bouraidah).
Æ
Position hadice Hazrat Abou Said Al Khudri t
Al- Hafiz Bin Hajar Al-Asqalaani fine qualifié hadice
Hazrat Abou Said Al-Khudri t de hassan
dans so Ad-Diraayah.
Note :
Allaamah Ahmad Bin Ali Bin Hajar Al Asqalaani, li ene célèbre 'Aalim
et Mouhaddice ki fine vécu dans la période entre 773 H et 852 H. Li pli
reconnaite par Ibn Hajar (rahmatoullahi alayh). Ene de so pli grand l’ouvrage
c’est so Fat-hul-Baari ki li fine écrire en plus ki ene dizaine de volume comme
commentaire lors Saheeh Al- Boukhari.
Æ
Position hadice Hazrat Abou Basrah t
Le
hadice li ene hadice Saheeh (authentique) ki fine rapporté dans Mousnad Ahmad,
Al- Moustadrak et Tibraani.
Æ
Position hadice Hazrat Uqbah Bin Aamir t et Hazrat Amr Bin Aas t
C’est ene hadice qualifié de Hassan (bon) ki
rapporté dans Tibraani.
Æ
Position hadice Hazrat Abdullah Bin Abbaas t
Ça
hadice-là fine rapporté dans Sounan Ad-Darqutni. Ena ene Rawi nommé An-Nadr
Abou 'Oumar dans so sanad ki Darqutni fine qualifié li de ene narrateur faible.
Selon Imaam Tirmizi, ene parti de banne Mouhaddice fine mette li en question et
fine critique li. Ibn Adi trouvé ki malgré ça, capave prend so hadice. Ceki nou
conclure apartir de-là, ki li pas ça mauvais-là et pas tout ki fine disqualifié
li. Donc si individuellement li perna capacité soutenir ene thèse, au moins li
capave servi comme ene renfort.
Æ
Position hadice Hazrat Abdullah Bin Abou Awfa t
C’est
ene hadice ki rapporté avec ene Sanad ki tous so banne narrateurs c'est banne
narrateurs authentique et solide. Ça hadice-là fine rapporté dans الخلافيات (Al-Khilaafiyaat( de Imaam البيهقى (Al-Baihaqui).
Æ
Position hadice Hazrat Abdullah Bin 'Oumar t
C’est
ene hadice rapporté dans Sounan Ad-Darqutni avec ene Sanad faible acoze ene
Rawi nommé Houmaid Bin Abul Jawn. Malgré ça, li capave servi comme renfort
parceki so contenu li approuvé et confirmé par boucou le zot hadices.
****++++****
Hadice عبادة بن الصامت (Ubaadah Bin Saamit t)
Ene
personne fine informe Hazrat Ubaadah Bin Saamit t ki ene sahabi nommé Abou
Mouhammad t fine
dire :
"ان الوتر واجب"
« Certainement
witr li obligatoire ».
Lors
ça Hazrat Ubaadah Bin Saamit t fine
repone :
"كذب ابومحمد"
« Abou Mohammad fine mal dire »
C'est-à-dire
Hazrat Ubaadah Bin Saamit t
pas fine d’accord avec l’opinion Hazrat Abou Mohammad t. Et comme preuve li fine cite
ene hadice de Nabi r
cote li dire :
خمس صلوات كتبهن الله على العباد فمن جاء بهن ولم يضيع منهن شيئا استخفافا
بحقهن كان له عند الله عهد ان يدخله الجنة ..."
«Ena cinq namaz ki Allah Ta'ala
fine imposé lors banne serviteurs. Alors celui ki pou observe ça et ki pas pou
abandonne narien depi là-dans par mépris ki li capave ena pou zotte valeur,
alors li pour ena ene garantie à cote Allah Ta'ala ki li pour faire li rente
dans jannat ... »
Par
ça hadice-là Hazrat Ubaadah Bin Saamit t fine oulé prouvé ki ena seulement 5 fois namaz ki
obligatoire et ki li sufi pour ene dimoune rente dans jannat si li accomplir 5
namaz. Li pas nécessaire faire witr.
Capave
Hazrat Ubaadah t fine
gagne l’impression ki Hazrat Abou Mohammad t fine qualifié salaat-ul-witr
obligatoire pareille couma 5 fois namaz. Acoze ça li fine réfute li. Mais en réalité
Hazrat Abou Mohammad t
pas fine signifié ça genre ou ça degré de obligatoire-là. Li fine oulé necque
montré ki li obligatoire sans mette li dans même rang avec 5 fois namaz.
Parceki c’est ene kikchose ki tout ti conné ça. Donc ceki Hazrat Abou Mohammad t fine dire, li pas en contradiction
avec hadice ki Hazrat Ubaadah t
fine cité. De toute façon, ça hadice-là pas capave servi li pour dire ki
salaat-ul-witr li optionnel. C’est à dire capave faire li couma capave pas
faire li aussi. Parceki Rasouloullah r fine dire :
"من قال
لا اله الا الله دخل الجنة"
« Celui ki fine dire لا اله الا الله, li pour rente dans
jannat ».
Ça
hadice-là montré ki ene dimoune pour rente dans jannat si li fine dire: لا اله الا الله. Quand même li pas faire narien
apart ça. Mais malgré ça personne pas capave servi li pour dire ki namaz,
zakaat, Roza, hajj etc. zotte pas obligatoire. Couma ça hadice-là pas capave
servi pour dire ki namaz, roza, zakaat etc. pas obligatoire, coumsa même li pas
correcte servi hadice Hazrat Ubaadah t pour dire ki salaat-ul-witr pas waajib.
Hadice Hazrat Abdullah Bin
Abbaas t
"ثلاث هن على فرائض ولكم تطوع النحر والوتر وركعتا
الضحى"
(رواه
احمد والدارقطنى والبيهقى والحاكم)
Traduction :
Ena trois kikchoses ki zotte obligatoire lors moi mais li optionnel pour
zotte. An-Nahr-(Qurbani), witr et les deux rakaat de Ad-Doha (Ishraaq) ».
(Musnad Ahmad/Darqutni/Baihaqui/Al Haakim)
Ça
hadice-là montré ki banne musulmans en général zotte pas obligé faire witr.
Mais c'est ene hadice ki qualifié de ene hadice faible par Imaam Ahmad, Al-Baihaqui,
Ibn-us-Salaah, Ibn-ul-Jawzi, An-Nawawi et le zotte. D'ailleurs ena ene kitchose
ki pas clair entre ça hadice-là et ene l'autre hadice rapporté par Hazrat
Abdullah Bin 'Oumar t
ki dire ki Rasouloullah r
ti pé faire witr lors chameau. Si vraiment li ti pé faire li lors chameau, ça
veut dire ki witr pas ti waajib lors Rasouloullah r aussi. Parceki qiyaam (posture
dibouté) li faraz dans banne namaz obligatoire ki pas capave être négligé. Si
jamais fine néglige qiyaam sans aukene raison valable, alors namaz-là na pas
pou compté Et en réalité ça hadice-là c'est ene de banne preuves avancé et cité
par ceux ki dire ki salaat-ul witr pas waajib. Quand nous guette hadice
Abdullah Bin Abbaas t, li montré ki salaat-ul
witr li obligatoire lors Rasouloullah r. Là nou trouve nou dans ene dilemme. Eski li ti
waajib ou bien li pas ti waajib lors Rasouloullah r? A coze ça le hadice de Hazrat
Abdullah Bin Abbaas t
à l'effet ki salaat-ul witr li obligatoire lors Rasouloullah r et optionnel pou l'oummah, li
ene hadice ki pas seulement faible de par so sanad (chaîne de narration), mais
li faible de par so sens aussi. Donc li pas capave être considéré comme ene
preuve pou dire ki salaat-ul witr li optionnel pou l'oummah en général.
Hadice Hazrat Abdullah Bin 'Oumar t
"... ان
رسول الله r كان يوتر على البعير"
(رواه البخارى)
Traduction:-
"…
Certainement Rasouloullah r
ti pé faire witr lors chameau" (Boukhari)
Explication:
Qiyaam
(posture debouté) li faraz dans namaz Faraz. Quant à banne namaz nafil, li
autorisé faire zotte assizé aussi, même si la personne ena capacité pou dibouté.
Donc àcoze ça, sans aukene raison valable, pas pou gagne droit faire namaz
faraz lors chameau. Ça c'est ene principe établi chez banne fouqaha (juristes).
Ça hadice-là montré ki Rasouloullah r
ti pé faire salaat-ul witr lors chameau. Donc ça prouvé ki salaat-ul witr li
pas ene namaz obligatoire. Sinon Rasouloullah r ti pou descende depi lors so
chameau pou faire li couma li ti pé descende pou faire namaz faraz.
Nou
pou remarqué ki perna aukene déclaration lors ça sujet-là de la part
Rasouloullah r. C'est
necque ene fait et ene l'habitude de Rasouloullah r ki Hazrat Abdullah Bin 'Oumar t fine observé et fine rapporté.
Mais ene incident capave ena plusieurs raisons. A coze ça d'après principe, ceki
arrivé dans ene circonstance particulier, pas capave être généralisé. Et
surtout quand ça paraite en contradiction avec ene l'autre principe établi. Li
possible ki Rasouloullah r
ti pé faire salaat-ul witr lors chameau à coze ki li pas waajib couma li possible
li ti pé faire li lors chameau dans cas oblige seulement. Et en cas oblige
gagne droit faire namaz faraz aussi lors monture.
En
ceki concerne salaat-ul witr li bon conné ki Rasouloullah r pas ti pé faire li lors monture
tout le temps. Selon ene version rapporté par Mouswannaf Abdurrazzaaq, Hazrat
Abdullah Bin 'Oumar t
dire:
"انه
كان يوتر على راحتله وربما نزل فاوتر بالارض"
"Li
ti pé faire witr lors so monture et ena des fois li ti pé descende et li ti pé
faire li enbas lors la terre."
Selon
ene version rapporté par Allaamah Tahaawi dans معانى الآثار (Ma-anil-Athaar) avec ene sanad
authentique, Hazrat Abdullah Bin 'Oumar t ti pé faire namaz (nafil) lors so monture mais li ti
pé faire witr enbas lors la terre. Et li ti pé déclaré ki Rasouloullah r ti pé faire ça dans ça façon-là même.
Selon Mou'atta Imaam Mouhammad (rahmatoullah alayh) aussi, Hazrat Abdullah Bin
'Oumar t ti pé
descende depi lors so monture pou faire namaz faraz et namaz witr. Tout ça-là
confirme la possibilité ki Rasouloullah r ti pé faire witr lors so monture pendant so voyage
seulement par l'obligation et par l'empêchement. Parfois parfois li ti pé faire
li enbas. Ça explique so l'habitude de faire witr à cote pas ti ena l'empêchement.
Pas à coze ki li pas waajib.
L'empêchement
ki ti nécessite faire salaat-ul witr lors monture c'était probablement à coze
ki li ti pé accomplir li tard dans la nuit. Par contre banne namaz faraz, zotte
normalement accompli avec jama'at dans commencement la nuit ou bien dans la
journée cote perna aukene nécessité faire li lors monture.
Hadice Hazrat Talha Bin Ubaidullah t
... قال رسول
الله r خمس صلوات فى اليوم والليلة ..."
"Rasouloullah
r fine dire: Ena 5 namaz (faraz) dans la journée et dans
la nuit …"
(Boukhari/Mouslim)
Explication:
"Ena 5
namaz (faraz) dans la journée et dans la nuit...".
Ça déclaration-là montré ki perna
aukene namaz obligatoire apart ça 5 namaz-là. En présence ene déclaration semblable de la part
Rasouloullah r, coumanière capave pretende ki
salaat-ul witr li waajib (obligatoire)? Quand nou guette le hadice couma li été,
li paraite vraiment difficile. Parceki si nou dire salaat-ul witr li waajib,
alors à ce moment-là, nou pou ena 6 namaz faraz. Et couma nou conné, ça li
contraire à ceki entier l'oummah fine conné et fine pratiqué depi tout le
temps. Donc déclare salaat-ul witr waajib li pas en accord avec le principe établi
et conçu par entier l'oummah depi tout le temps. Tout ça banne questions-là
capave posé si nou prend"واجب" (waajib) dans le même sens de "فرض" (faraz).
Mais si nou dire ki li pas pareille couma faraz, alors tous ça banne
questions-là pas pou posé du tout. La question c'est "eski waajib li
pareille couma faraz" ?
Normalement capave servi le mot
waajib dans le sens de faraz. A coze ça souplesse-là effectivement banne
fouqaha (juristes) zotte servi le mot waajib dans le sens de faraz. Mais
techniquement parlant, ena différence entre les deux. Selon Imaam Abou Hanifah
(rahmatoullahi alayh), waajib c'est ene degré de obligation ene ti peu moins ki
faraz et ki so banne preuve pas ça catégorique-là de par so source ou bien de
par so sens. Quand à faraz, li ene degré de obligation ki repose lors banne
preuves catégorique à cent pour cent sans kit pourcentage de réserve. Donc si
nou dire salaat-ul witr li ene waajib ki pas pareille couma faraz, à ce
moment-là, pas pou ena aukene contradiction avec aukene principe. Et ça pas pou
pose aukene difficulté pou comprend hadice Hazrat Talha Bin Ubaidullah t. C'est-à-dire le nombre de namaz faraz li reste cinq même. Et salaat-ul
witr li pas faraz. Li waajib ki prouvé par le zotte hadices. Deuxièmement
salaat-ul witr li pas ene namaz apart. Li plutôt ene annexe ki inclu dans les 5
namaz. Et ça pas augmente le nombre de cinq. C'est ene raisonnement ki fine
adopté pas seulement par Imaam Abou Hanifah (rahmatoullahi alayh). Li ene raisonnement
et ene façon de faire de Imaam Malik (rahmatoullahi alayh), Imaam Shafi'
(rahmatoullahi alayh) et le جمهور (la
majorité) aussi. Par exemple dans le même hadice de Hazrat Talha Bin Ubaidullah t, fine mentionne zakaat aussi. Ça veut dire concernant du
bien, perna narien ki faraz apart zakaat mais pourtant Imaam Malik (rahmatoullahi
alayh), Imaam Shafi' (rahmatoullahi
alayh) et la majorité de banne 'Oulama
zotte déclare sadaqat-ul fitr faraz. Banne questions ki fine
soulevé dans déclare salaat-ul witr waajib à la lumière de hadice de Hazrat
Talha Bin Ubaidullah t capave posé ici aussi. Mais Imaam
Malik et Imaam Shafi' etc. probablement zotte fine servi le mot فرض ou فريضة dans le même
sens ki Imaam Abou Hanifah fine servi le terme واجب. C'est-à-dire dans le sens
ene degré de obligation ki pas pareille couma faraz. Bref dans déclare
salaat-ul witr perna narien ki casse kit principe. Li tout à fait normal et li
encadré avec le principe adopté par جمهور (la majorité).
