L'HEURE SALAAT-UL WITR

Question:

kan salaatul-witr so l'heure commencer et kan terminar?

Hadice Hazrat Khaarijah Bin Houzaafah t

"… فجعلها (صلاة الوتر) لكم فيما بين صلاة العشاء الى صلاة الفجر"(الحاكم)

Traduction: "… Li (Allah Ta'ala) fine fixé ça (l'heure salaat-ul witr) pou ou dans l'intervalle entre namaz Esha juska namaz Fajar". (Al Haakim)

Position hadice Hazrat Khaarijah Bin Houzaafah t

C'est ene hadice qualifié de saheeh (authentique) par Al Haakim et Allaamah Az-Zahabi. Selon Al Haakim et Allaamah Az-Zahabi, ena ene seul Tabeï nommé Ibn Abou Mourrah ki fine rapporte ça hadice-là avec le sahabi Hazrat Khaarijah Bin Houzaafah t. Selon zotte, c'est la raison pou laquelle Imaam Boukhari et Imaam Mouslim pas fine rapporte ça dans zotte livres. Mais en réalité li pas exacte ceki zotte fine déclaré parceki ena encore ene l'autre Tabeï nommé Abdur Rahmaan Bin Joubair ki fine rapporte ça hadice-là avec Hazrat Khaarijah Bin Houzaafah t. Donc au lieu ene, nou ena deux Tabeï nommé Ibn Abou Mourrah et Abdur Rahmaan Bin Joubair ki fine rapporte ça hadice-là avec Hazrat Khaarijah Bin Houzaafah t.

Explication:

L'heure salaat-ul witr li commencé quand l'heure Esha rentré. C'est-à-dire bizin faire li après ki fine fini faire namaz Esha. Et li terminé avec le commencement l'heure namaz fajar. L'heure namaz fajar li rentré quand soubh sadiq paraite. Donc l'heure namaz witr li resté juska avant soubh sadiq. Shariat fine accorde la facilité accomplir namaz witr dans n'importe ki parti de la nuit dans ça l'intervalle-là.

Hadice Hazrat Aisha t

"كل الليل اوتر رسول الله r وانتهى وتره الى السحر" (رواه البخارى)

Traduction:

Rasouloullah r fine faire salaat-ul witr dans tous banne parti de la nuit. Et finalement (l'heure de) so witr fine vine joine dans l'heure sehri (dernière parti de la nuit). (Boukhari)

Selon ene l'autre hadice rapporté dans Tibraani, Hazrat Aisha t déclaré ki Rasouloullah r fine faire witr dans tout parti de la nuit: Dans so commencement, dans so au milieu et à la fin quand li fine quitte le monde so witr ti vine joine juska l'heure sehri.

Hadice Hazrat Abdullah Bin 'Oumar t

"اذا طلع الفجر فقد ذهب كل صلاة الليل والوتر فاوتروا قبل طلوع الفجر" (رواه الترمذى)

Traduction:

"Quand fajar (l'aube/soubh sadiq) fine paraite, alors l'heure namaz dans la nuit (tahajjud) et (l'heure) namaz witr fine dépassé. Donc fini faire witr avant l'apparition fajar". (Tirmizi)

Position hadice

Le hadice Hazrat Abdullah Bin 'Oumar t fine qualifié de saheeh (authentique) par Allaamah An Nawawi dans الخلاصة (Al Khoulaaçah)

Explication:

"L'heure namaz dans la nuit et l'heure namaz witr fine dépassé" veut dire l'heure ki ti bizin faire li fine dépassé. Mais eski bizin remplace li après? Ça hadice-là perna narien ki dire "Oui" ou "Non" concernant ça question-là. Ça réponse-là bizin cherche ailleurs.