Position Salaat-ul witr

Question:

Eski salatul witr li sunnah ou ben obligatoire?

Reponse:

Hadice rapporté par Hazrat Bouraidah t:

"الوتر حق فمن لم يوتر فليس منا"

"الوتر حق فمن لم يوتر فليس منا"

"الوتر حق فمن لم يوتر فليس منا"

(رواه ابو داود)

Traduction:-

Witr li haqq, celui ki pas faire witr li pas dans nous bande.

Witr li haqq, celui ki pas faire witr li pas dans nous bande.

Witr li haqq, celui ki pas faire witr li pas dans nous bande.

(Abou Dawood)

Position ça hadice-là

Al Haakim fine rapporte ça hadice-là dans so Al-Moustadrak et fine qualifié li de Saheeh (authentique). Allaamah An-Nimawi fine qualifié li de Hassan. Et ça c'est l'opinion de Allaamah Bin Houmaam aussi.

Explication:-

"Witr li haqq":

Haqq signifié ene kitchose ki existé et ki mérité faire li. Donc d'après ça hadice-là, salaat-ul witr li ene namaz ki existé et ki mérite être accompli.

Le degré de mérite ki ça namaz-là ena, ça li indiqué par la sévérité et le ton dur ki Rasouloullah r fine adopté dans avertir ene ki pas faire li: "Li pas dans nous bande". Selon ça hadice-là, néglige salaat-ul witr li représente sorti en dehors jama'at de Rasouloullah r. C'est ene de banne raisons ki fine amene banne savants pou dire ki salaat-ul witr li waajib, c'est-à-dire ene kitchose ki nécessaire faire li.

Hadice Abou Houraira t:

Ena ene hadice dans le même sens ki fine rapporté par Hazrat Abou Houraira t. Selon ça hadice-là aussi, Rasouloullah r fine dire:

"من لم يوتر فليس منا" (رواه احمد)

Traduction:

"Celui ki pas faire witr, li pas dans nous bande". (Mousnad Imam Ahmad)

Position Hadice Hazrat Abou Houraira:

Ena ene narrateur nommé الخليل بن مرة (Al Khaleel Bin Mourrah) ki fine être qualifié comme ene Rawiضعيف  (faible) par Yahya et An Nasaaï. Mais le zotte savants de hadice couma Abou Shaheen et Ahmad Bin Salih fine qualifié li de ene narrateur authentique. Si nous pas accepté ça, forcé-forcé ceki nous capave dire, ceki li ene Rawi مختلف فيه (controversé). Si nous rejette ene hadice lors la base de controverse ki banne savants ena concernant kit narrateur dans so sanad, alors bien ti peu narrateur pou capave traversé. Par conséquence nous pou ena bien ti peu hadice saheeh. C'est à coze ça ene hadice ki rapporté par ene narrateur controversé, li qualifié comme ene hadice Hassan selon banne savants de hadice. Parfois li capave être qualifié de saheeh aussi si nous permette nous ignore certaine critique inacceptable concernant le narrateur en question. Donc ça hadice-là pas capave être rejeté à coze présence le Rawi nommé Al Khaleel Bin Mourrah.

Ene l'autre objection

Ena ene l'autre objection concernant ça hadice-là. C'est-à-dire ena ene Rawi Mou-aawiyah Bin Qurrah ki fine rapporte ça hadice-là de Hazrat Abou Houraira t. Mais selon Imam Ahmad, Mou-aawiyah pas fine tanne aukene hadice avec Hazrat Abou Houraira t. Ça prouvé ki ena انقطاع (disconnection) entre Mou-aawiyah Bin Qurrah et Hazrat Abou Houraira t. Ene hadice ki ena انقطاع dans so sanad, appelle ene حديث منقطع. En principe ene hadice منقطع li ene hadice faible. Mais malgré ça li ene hadice acceptable pou principalement deux raisons:

1.    Premièrement à coze ki li en accord avec hadice ki fine rapporté par Hazrat Bouraidah t. C'est à dire ene pé renforci l'autre ki faire les deux vine saheeh et authentique dans zotte l'ensemble.

2.    Deuxièmement انقطاع ki ena dans so sanad, c'est ene انقطاع de la part ene Rawi ki authentique et ki fine gagne l'époque banne Sahaba-e-Kiraam cote li fine gagne l'occasion joine ene bon quantité Sahaba-e-Kiraam. Ene انقطاع de la part de ene Rawi pareille li tolérable et acceptable d'après banne 'Oulama à coze so l'intégrité, l'authenticité et crédibilité. Donc Mou-aawiayh Bin Qurrah ki paraite dans sanad ça hadice-là ena tous ça banne critères ki faire le hadice rapporté par li acceptable malgré présence انقطاع dans so sanad.