DOAH QOUNOUTE DANS WITR - AVANT OU APRES ROUKOU’ ?

Question:

Doua qunoot dans witr, eski li sunnah pou lire avant ruku ou bien après?

Reponse:

Hadice Hazrat Ubayy Bin Ka’ab t :

"ان رسول الله r كان يوتر بثلث ركعات كان يقرأ فى الاولى بسبح اسم ربك الاعلى وفى الثانية بقل يا ايها الكافرون وفى الثالثة بقل هو الله احد ويقنت قبل الركوع" (رواه النسائ) 

Traduction :

« Rasouloullah r ti pé faire 3 rakaats witr. Dans premier rakaat li ti pé lire سبح اسم ربك الاعلى, dans deuxième rakaat قل يا ايها الكافرون et dans troisième rakaat قل هو الله احد. Et li ti pé faire Qounoute avant roukou’.” (Niçaaï)

Position hadice :

Al-Uqaili et Allaamah Badrudeen Al-Aïni fine qualifié ça hadice-là de ene hadice saheeh. Ena certaine banne rawis ki fine rapporte ça hadice-là sans mentionne ‘Qounoute avant roukou’ aussi. Ena deux groupes de rawi ki fine rapporte deux différent version: Ene groupe ki faire mention de « Qounoute avant roukou » et ene deuxième ki pas mentionne ça. Selon ene principe établi chez banne Mouhadices, la version ene rawi intègre et authentique ki rapporte quelque chose ki so camarade pas fine rapporté, li acceptable surtout quand ça pas nécessite aukene contradiction entre les deux. Donc d’après ça principe-là, la version ki faire mention de “Qounoute avant roukou’ ” li valable et acceptable, quand même le zotte pas fine mentionne li.

Explication :

Ça hadice-là pé montré dans ene façon nette et clair ki Rasouloullah r ti pé faire trois rakaat witr et ki li ti pé faire doah Qounoute avant alle dans roukou’.

La façon faire Qounoute dans witr avant alle dans roukou’ ki Rasouloullah r ti pé faire fine rapporté par banne Sahaba-e-Kiraam couma Abdullah Bin Mas’oud t, Abdullah Bin Abbas t, Abdullah Bin ‘Oumar t et Anas t aussi. Ça montré, faire Qounoute avant alle dans roukou’ dans witr ti ene pratique très connu parmi banne Sahaba-e-Kiraam t.

La pratique Hazrat Abdullah Bin Mas’oud t et banne Sahaba en général

"ان ابن مسعود واصحاب النبى كانوا يقنتون فى الوتر قبل الركوع" (مصنف ابن ابى شيبة)

Traduction :

“ (Hazrat Abdullah) Bin Ma’oud et banne Sahaba de Nabi r ti pé faire Qounoute dans witr avant roukou’. ” (Mouswannaf Ibn Abou Shaibah)

Position hadice :

Selon "الجوهر النقى" (Al-Jawhar-un-Naqui), ene commentaire lors سنن البيهقى (Sounan Al-Baihaqui), le sanad de ça hadice-là li saheeh d’après les critères établi par Imaam Mouslim. Selon Ad-Diraayah, so sanad li ene sanad Hassan (bon).

Explication:

Ça hadice-là montré ki Hazrat Abdullah Bin Mas’oud t et banne Sahaba-e-Kiraam en général ti pé faire Qounoute dans witr avant alle dans roukou’.

"كان غبد الله بن مسعود لا يقنت فى شئ من الصلوات الا فى الوتر قبل الركوع" (الطبرانى)

Traduction :

“ (Hazrat) Abdullah Bin Mas’oud t pas ti pé faire Qounoute dans aukene namaz apart dans witr avant (alle dans) roukou’. ” (Tibraani)

D’après Al-Hafiz Ibn Hajar Al-Asqalaani, ça hadice-là li ene hadice saheeh (authentique).

Hadice Hazrat Abdullah Bin Mas’oud t :

ان النبى r قنت فى الوتر قبل الركوع" (الخلافيات للبيهقى)

Traduction :

“Nabi r ti faire Qounoute dans witr avant roukou. ” (Al-Khilaafiyaat de Al Baihaqui)

Position hadice :

Selon Imaam Al Baihaqui, dans sanad ça hadice-là ena ene rawi nommé ابان بن ابى عياش (Abaan Bin Abu ‘‘Ayyaash) ki fine être critiqué sévèrement par banne savants de hadice. Acoze ça, Imaam Al Baihaqui pas accepté ça hadice-là. Parceki selon Al Baihaqui, ça hadice-là li repose lors Abaan Bin Abu ‘Ayyaash. Mais d’après recherche Imaam Tirmizi, couma li fine faire ressortir dans so Kitaab-ul-‘Ilal, ena plusieurs narrateurs ki fine rapporte ça hadice-là avec Ibraahim An-Nakh-ï apart Abaan Bin Abu ‘Ayyaash. Imaam Tirmizi dire dans so Kitaab-ul-‘Ilal :

"وقد روى غير واحد عن ابراهيم النخعى عن علقمة عن عبد الله بن مسعود ان النبى كان يقنت فى وتره قبل الركوع"

“Plusieurs dimoune fine rapporté avec Ibraahim An-Nakh-ï ki fine rapporté de Al-Qamah ki selon Abdullah Bin Mas’oud t Nabi r ti pé faire Qounoute dans so witr avant roukou’. ”

Ça montré ki Abaan Bin Abu ‘Ayyaash li pas le seul rawi (narrateur) ki fine gagne ça hadice-là avec Ibraahim An-Nakh-ï comme allégué par Al Baihaqui. Li épaulé par encore plusieurs rawi dans rapporte ça hadice-là de Ibraahim An-Nakh-ï. Si pou ene supposition Abaan Bin Abu ‘Ayyaash li pas ene rawi fort et solide, malgré ça, ça hadice-là pas capave être qualifié de ene hadice faible parceki ça hadice-là li pas repose uniquement lors Abaan Bin Abu ‘Ayyaash. Ena encore le zotte ki fine rapporte ça de Ibrahim An-Nakh-ï couma الاعمش (Al A’mash) et منصور (Mansoor) etc. D’ailleurs Abaan Bin Abu ‘Ayyaash, en li même li pas ça faible-là ki rende hadice rapporté par li irrecevable et inacceptable. Plis plis ceki capave dire, li ene rawi ki so mémoire pas ti tellement fort. Hadice ene rawi (narrateur) dans ene position pareille capave prend li en considération quand li épaulé par le zotte dans ceki li fine rapporté. Ça montré et prouvé ki li fine bien rapporté. Donc ça hadice-là li ena tous banne criteres pou faire li vine ene hadice fort et valable ki permette li servi comme ene preuve.

"عن عبد الله قال ارسلت امى ليلة لتبيت عند النبى فتنظر كيف يوتر، فصلى ما شاء الله ان يصلى حتى اذا كان آخر الليل واراد الوتر قرأ بسبح اسم ربك الاعلى فى الركعة الاولى وقرأ فى الثانية قل يا ايها الكافرون ثم قعد ثم قام ولم يفصل بينهما بالسلام ثم قرأ بقل هو الله احد حتى اذا فرغ كبر ثم قنت بما شاء الله ان يدعو ثم كبر وركع" (اخرجه الحافظ ابن عبد البر فى الاستيعاب)

Traduction :

“ (Hazrat) Abdullah (Bin Mas’oud t) dire : « Ene soir mo fine envoye mo maman pou passe la nuit acote Nabi r afin ki li capave observe la façon li (Rasouloullah r) faire witr. (Dans so compte rendu, maman Hazrat Abdullah Bin Mas’oud t raconté) : Li (Rasouloullah r) fine faire namaz ene quantité ki Allah fine oulé juska, quand fine arrive dernier parti la nuit et li fine faire witr, alors li fine lire سبح اسم ربك الاعلى dans premier rakaat, et fine lire قل يا ايها الكافرون dans deuxième rakaat. Ensuite li fine faire Qaidah (posture assizé), et puis après ça li fine dibouté sans ki li fine interrompe ça (deux rakaat-là) par salaam. Après ça li fine lire قل هو الله احد juska quand li fine terminé, li fine faire takbeer (dire Allahou Akbar). Après ça li fine faire Qounoute. Alors (là-dans) li fine faire doah ki Allah fine oulé li faire. Ensuite li fine dire Allahou Akbar et li fine faire roukou’.”  (Al Hafiz Ibn Abdul Barr fine rapporte ça dans Al-Isti-‘aab)

Position hadice:- Al Hafiz Ibn Abdul Barr pas fine faire aukene remarque lors ça hadice-là. Dans ene certaine sens li ene indication ki li correcte d’après li. Mais Al Hafiz Ibn Hajar Al Asqalaani fine qualifié ça hadice-là de ene hadice faible dans so الاصابة (Al Içaabah) acoze le Rawi nommé Abaan Bin Abu ‘Ayyaash, ki trouve dans so sanad.

De l’autre coté nou trouve banne grand personnages couma Imaam Abou Hanifah, Soufyaan Thauri et Yazeed Bin Haroun fine rapporte hadice avec Abaan Bin Abou ‘Ayyaash. En principe, banne grand personnages ti pé hésité pou prend hadice avec ene ki zotte conné ki li pas sérieux. Quand banne personnages pareille fine permette zotte rapporte hadice avec Abaan, ça montré ki li ene Rawi ki capave considère so hadice.

D’ailleurs ceki li fine rapporté li en accord avec ceki le zot fine rapporté. Imaam Abdurrazzaaq (126H-211H) fine approuve ça hadice-là. Ça signifié ki li fine approuve et fine satisfait avec position hadice Abaan. En principe “Shoubah” pas satisfait avec Abaan mais en ceki concerne ça hadice-là, li aussi li fine montré so satisfaction. Donc dans présence tous ça banne élément-là, li bien difficile pour disqualifié ça hadice-là. Forcé forcé capave dire ki li pas ça authentique-là. Mais pas capave dire ki li faible ene quantité ki rende li inacceptable. Donc ena tous banne raisons pour qualifié ça hadice-là de ene hadice hassan (bon/passable) au moins.

Explication:-

Ça hadice-là montré ki Rasouloullah r ti pé faire doah Qounoute dans troisième rakaat de witr avant alle dans roukou’ après avoir faire Qiraate.

Hadice Hazrat Abdullah Bin Abbaas t:-

"اوتر النبى r بثلث فقنت فيها قبل الركوع" (ابو نعيم/البيهقى)

Traduction:-

“Nabi r fine faire trois rakaat witr. Et là-dans li fine faire Qounoute avant (alle dans) Roukou'.” (Abu Nou’aim/ Al Baihaqui)

Position hadice:-

Ena ene Rawi nommé "عطاء بن مسلم" (Ata Bin Mouslim) dans Sanad ça hadice-là. Imaam Al Baihaqui fine qualifié li de ene Rawi faible. Selon li, ça hadice-là, li ene hadice faible. Mais Allaamah "علاء الدين بن على الماردينى" (‘Alaa-ud-Deen Bin Ali Al-Maardini), ene célèbre savant de hadice ki fine décédé en (745H) dire dans so "الجوهر النقى", ene commentaire lors Sounan Al Baihaqui ki "عطاء بن مسلم", li ene Rawi ثقة (authentique/ digne de foi) selon Ibn Maïne, Al Fadl Bin Moosa et وكيع (waki). Ene Rawi ki fine qualifié de authentique par trois célèbres savants de hadice, pas capave pas considère so hadice. Au moins so hadice capave servi comme ene renfort ou ene l’appuye solide pour banne hadices ki fine rapporté avec banne contenu semblable. Si jamais nou dire même ki li faible, alors ça faiblesse-là li couvert et renforci par lezot hadices.

Hadice Hazrat Abdullah Bin Umar t:-

"ان النبى r كان يوتر بثلث ركعات ويجعل القنوت قبل الركوع" (الطبرانى)

Traduction:-

“Nabi r  ti pé faire 3 rakaat witr et li ti pé faire Qounoute avant Roukou’.” (Tibraani)

position hadice et explication:-

Ena ene Rawi nommé سهل بن العباس (Sahl Bin Al-Abbaas) ki pas authentique selon Ad Darqutni. Malgré ça, le contenu de ça hadice-là li approuvé par lezot hadice. Si li pas ene hadice assez fort ki capave soutenir ene thèse par li tout seul, au moins capave servi li comme ene renfort. Et ene renfort pas nécessaire ça fort-là.

La pratique Hazrat Abdullah Bin Mas’oud t:-

"عن عبد الله انه كان يقرأ فى آخر ركعة من الوتر قل هو الله احد ثم يرفع يديه فيقنت قبل الركعة"

(رواه البخارى فى جزء رفع اليدين)

Traduction:-

“Rapporté de (Hazrat) Abdullah (Bin Mas’oud t) ki li ti pé lire قل هو الله احد dans dernier rakaat witr. Ensuite li ti pé lève so deux la main et ti pé faire Qounoute avant Roukou.”

(Imaam Boukhari fine rapporte ça dans Jouz Raf’ul Yadain).

Explication:-

Doah Qounoute dans witr li trouve dans troisième rakaat après Qiraat et avant alle dans roukou. Deux la mains ki Hazrat Abdullah Bin Mas’oud t ti pé levé c’était pour faire takbeer. Ça pas signifié ki li ti pé lève la main dans doah Qounoute.

عن عبد الله انه كان يكبر حين يفرغ من القراءة فاذا فرغ من القنوت كبر فركع (الطبرانى)

Traduction:-

Rapporté de (Hazrat) Abdullah (Bin Mas’oud t) ki quand li ti pe terminé avec Qiraate, alors li ti pé faire takbeer. Après ça quand li ti pé terminé avec Qounoute, li ti pé faire takbeer et li ti pé faire roukou.” (Tibraani)

Position hadice:-

C’est ene hadice ki ena ene Rawi nommé ليث بن ابى سليم (Laith Bin Abou Sulaim) dans so sanad. Acoze so position li ene ti peu controversé, ena banne savants de hadice pas fine oulé accepté so hadice. Malgré tous ça-là, so hadice li correcte et valable parceki banne ‘Oulama couma Imaam Boukhari et Imaam Mouslim, Al Hafiz Bin Hajar et encore le zot fine accepté li couma ene Rawi valable. Acoze ça, hadice ki li fine rapporté li ene hadice valable.

Explication:-

A la lumière de la pratique de Rasouloullah r ki maman Hazrat Abdullah Bin Mas’oud t fine rapporté et à la lumière de ceki Hazrat Abdullah Bin Mas’oud t fine pratiqué, doah Qounoute li trouve dans 3eme rakaat witr. C’est à dire quand fini faire Qiraate dans troisième rakaat, ena pour faire takbeer (dire Allahou Akbar) et lire doah Qounoute et quand fini lire doah Qounoute refaire takbeer et alle dans roukou.

"عن ابراهيم: ان القنوت فى الوتر واجب فى رمضان وغيره قبل الركوع. واذا اردت ان تقنت فكبر واذا اردت ان تركع فكبر ايضا" (اخرجه محمد فى كتاب الحجج والآثار)

Traduction:-

“Hazrat Ibraheem (An Nakh-ï) déclaré: Qounoute dans witr li waajib (obligatoire) avant (alle dans) roukou dans Ramadaan et en dehors Ramadaan. Quand ou ena pou faire Qounoute, ou faire takbeer et (coumsa même) quand ou ena pour faire Roukou, là-aussi ou faire takbeer.” (Imaam Mouhammad fine rapporte ça dans Kitaab-ul-Houjaj Wal Athaar)

Position hadice:-

Ibraheem An Nakh-ï li parmi banne grand tabeines ki fine bénéficié et profité énormément avec banne zélèves de Hazrat ‘Oumar t, Hazrat Ali t et Hazrat Abdullah Bin Mas’oud t. Pou banne savants de hadice, Ibraheem An Nakh-ï li couma dire ene porte parole pour ça trois grands Sahaba-e-Kiraam-là. Quand li dire ene kikchose, la plupart du temps, c’est banne parole de Hazrat Abdullah Bin Mas’oud t ki li fine tendé à travers so banne zélèves. Bien rare, li quitte verdict et déclaration Hazrat Abdullah Bin Mas’oud t. Dans ça tigite-là aussi li suive ceki banne Sahaba couma Hazrat ‘Oumar t et Hazrat Ali t fine dire.

Explication:-

A la lumière de ça exposé-là, nou capave dire ki la façon de faire Qounoute ki Hazrat Ibraheem An Nakh-ï fine expliqué ici, li bizin la façon de ça banne Sahaba-e-Kiraam-là même.

"ان ابن مسعود كان يقنت السنة كلها فى الوتر قبل الركوع" (اخرجه محمد فى الآثار)

Traduction:-

 “(Hazrat Abdullah) Bin Mas’oud t ti pé pratique Qounoute pendant toute longue l’année dans Salaat-ul-witr avant (alle dans) Roukou’.” (Kitaab-ul Athaar de Imaam Mouhammad (rahmatoul-lahi ‘alayh)

Position hadice:-

Ibraheem An Nakh-ï fine rapporte la pratique de Hazrat Abdullah Bin Mas’oud t mais couma nou conné li pas fine vive l’époque Hazrat Abdullah Bin Mas’oud t. Donc li pas fine témoigné li même personnellement ceki li fine rapporté. Li fine bizin témoigne ça lors témoignage ene l’autre ki fine témoigne ça. Ça témoin ki fine capave informe li de ceki li fine témoigné so nom pas mentionné ici. Ça faire so sanad gagne ene انقطاع (disconnection) entre li meme et Hazrat Abdullah Bin Mas’oud t.

D’après banne savants de hadice, ene disconnection ki trouve entre Ibraheem An Nakh-ï et Hazrat Abdullah Bin Mas’oud t, li pas ene défaut ki affaibli la position de ça hadice ki li fine rapporté avec Hazrat Abdullah Bin Mas’oud t. Au contraire, ene hadice ki Ibraheem An Nakh-ï li rapporté de Hazrat Abdullah Bin Mas’oud t sans mentionne le lien entre li et Hazrat Abdullah Bin Mas’oud t, li considéré comme ene hadice pli solide et plus fort ki ene hadice dans lequel li mentionne le lien entre li et Hazrat Abdullah Bin Mas’oud t. Parceki ça hadice dans lequel li pas mentionne le lien, c’est à coze ki li fine gagne ça hadice-là à travers plusieurs dimoune ki fine tanne ça avec Hazrat Abdullah Bin Mas’oud t. Par contre quand li mentionne le lien entre li et Hazrat Abdullah Bin Mas’oud t, alors c’est necque à travers ça ene seul dimoune-là même ki li fine gagne ça hadice-là.

Ici le lien entre li et Hazrat Abdullah Bin Mas’oud t pas fine mentionné. Donc d’après principe, li fine bizin tanne ça à travers ene quantité dimounes ki fine tanne ça avec Hazrat Abdullah Bin Mas’oud t. De ce fait, ça hadice-là li ene hadice bien solide.

Explication:-

Ça hadice-là pé montré ki Hazrat Abdullah Bin Mas’oud t ti pé pratique doah Qounoute dans witr tout le temps et li ti pé faire li avant alle dans roukou.

Hadice Hazrat Anas t:-

عن عاصم قال سألت انس بن مالك عن القنوت فقال قد كان القنوت قلت قبل الركوع اوبعده قال قبله قال فان فلانا اخبرنى عنك انت قلت بعد الركوع فقال كذب انما قنت رسول الله r بعد الركوع شهرا…  (البخارى)

Traduction:-

Rapporté de عاصم (Asim) ki fine dire:

Mo fine dimane (Hazrat) Anas Bin Malik t à propos Qounoute. Li fine dire: Qounoute ti ena li. Mo fine dire: Avant roukou’ ou bien après ? Li fine dire : Avant. Li (Asim) fine dire: Parceki un tel fine rapporté de ou ki ou fine dire “après roukou’”. Alors li (Hazrat Anas t) fine dire: li fine faire erreur parceki c’est necque pendant ene seul mois ki Rasouloullah r ti faire Qounoute après roukou’. (Boukhari)

Explication:-

Ti ena deux qualité Qounoute. Ene Qounoute ki faire dans witr et ça faire li avant alle dans roukou. Ça Qounoute-là li ene Qounoute ki faire régulièrement. Quant à deuxième Qounoute ki faire après Roukou avant alle dans sajdah, c’est ene Qounoute ki Rasouloullah r fine pratique li pendant ene mois seulement. Ça Qounoute-là appelle “Qounoute Nazilah”.