LE NOMBRE DE RAKAAT DANS SALAAT-UL-WITR

Question:

Combien rakaat ena dans witr ?

Reponse:

Hadice Hazrat Aisha t:-

عن عبد بن ابى قيس قال سألت عائشة t بكم كان رسول الله r يوتر؟ قالت باربع وثلث وست وثلث وثمان وثلث وعشرة وثلث ولم يكن يوتر باكثر من ثلث عشرة ولا انقص من سبع.

(رواه احمد وابو دؤد والطحاوى)

Traduction:-

Abdullah Bin Abou Qais dire:

Mo fine dimane (Hazrat)  Aisha t:-

“Combien rakaat witr Rasouloullah r ti pé faire? Hazrat Aisha t fine dire: (li ti pé faire witr) avec 4 rakaat + 3; six rakaat + 3; huit rakaat + 3; dix rakaat + 3. Li pas ti pé faire witr plis ki 13 rakaat ni moins ki 7 rakaat.” (Mousnad Ahmad- Abou Dawood - At-Tahaawi).

Position hadice:-

Sanad ça hadice-là li ene Sanad correcte. Ça veut dire ki ça hadice-là li ene hadice valable, surtout quand li approuvé par encore le zot hadice.

Explication:-

Namaz pendant la nuit li reconnaite par Salaat-ul-lail et tahajjud. Et parfois ti pé appelle li Salaat-ul-witr aussi. Pourtant c’est necque ene partie de Salaat-ul-lail ki appelle Salaat-ul-witr. Mais malgré ça entier Salaat-ul-lail fine appelle li Salaat-ul-witr. Probablement acoze ki li pli important dans Salaat-ul-lail. Dans la pratique, souplesse dans l’expression permette nou appelle ene kikchose par ça partie ki pli important là-dans.

En d’autre mot le nombre de rakaat ki Rasouloullah r ti pé faire dans tahajjud, li ti varié de 4 à 10 rakaat. C’est à dire 4, 6, 8 et 10. Et comme witr même, li ti pé faire seulement trois rakaat.

Hadice Hazrat Aisha t:-

"ان رسول الله r كان يوتر بثلث يقرأ فى الركعة الاولى سبح اسم ربك الاعلى وفى الثانية قل يايها الكفرون وفى الثالثة قل هو الله احد وقل اعوذ برب الفلق وقل اعوذ برب الناس"

(رواه الدارقطنى والطحاوى والحاكم)

Traduction:-

Rasouloullah r ti pé faire trois rakaat witr. Dans premier rakaat, li ti pé lire :

Ø  سبح اسم ربك الاعلى.

Ø  dans deuxième rakaat : قل يايها الكفرون.

Ø  et dans troisième rakaat (li ti pé lire) :         قل هو الله احد

قل اعوذ برب الفلق

قل اعوذ برب الناس

(Sounan Darqutni - At-Tahaawi - Al-Hakim)

Position hadice:-

Al Hafiz Ibn Hajar Al Asqalaani dire dans so التلخيص الحبير (At-Talkhees-ul-Habeer) ki selon العقيلى (Al-Uqaili), c’est ene hadice passable et correcte. Mais selon li meme, le hadice ki Hazrat Abdullah Bin Abbaas t et Hazrat Ubay Bin Ka’ab t fine rapporté, dans lequel pas fine mentionne المعوذتان, c’est à dire قل اعوذ برب الناس / قل اعوذ برب الفلق, li pli solide et pli authentique. Yahya Bin Ma-ïne et Imam Ahmad Bin Hambal aussi considère mention de ça deux sourah-là étrange et anormal dans ça hadice-là. Donc selon le hadice pli correcte et pli authentique, Rasouloullah r ti pé lire seulement قل هو الله احد dans troisieme rakaat.

Explication:-

D’après ça hadice-là, le nombre de rakaat ki Rasouloullah r fine faire dans witr c’était de 3 rakaat. Ça version-là li paraite pli solide, surtout quand nou trouvé ki fine précise ceki Rasouloullah r ti pé lire dans chaque rakaat.

Hadice Hazrat Abdullah Bin Abbaas t:-

كان رسول الله r يقرأ فى الوتر سبح اسم ربك الاعلى وقل يايها الكفرون وقل هو الله احد فى ركعة ركعة" (رواه الترمذى)

Traduction:-

Rasouloullah r ti pé lire : "سبح اسم ربك الاعلى",

      "قل يايها الكفرون"

        Et "قل هو الله احد" (chakene) dans ene ene rakaat. (Tirmizi)

Position hadice:-

Allaamah النووى (An Nawawi) fine qualifié ça hadice-là de ene hadice صحيح (authentique) dans so الخلاصة (Al Khulaaçah). Al Iraqui aussi fine qualifié li de saheeh.

Explication:-

Le hadice li bien claire pou montré ki la pratique Rasouloullah r concernant Salaat-ul-witr c’était de trois rakaat. Et ça trois rakaat-là ti avec ene seul salaam dans so la fin. Li pas ti pé faire li en deux volets de 2 + 1 rakaat.

Hazrat Aisha t rapporté:-

كان رسول الله r يوتر بثلث لا يسلم الا فى آخرهن" (الحاكم)

“ Rasouloullah r ti pé faire 3 rakaat witr, li pas ti pé faire salaam excepté dans so la fin.”

 (Al Haakim).

Hadice Hazrat (ابى بن كعب) Ubayy Bin Ka’ab t:-

كان رسول الله r يقرأ فى الوتر سبح اسم ربك الاعلى وفى الركعة الثانية بقل يايها الكفرون وفى الثالثة بقل هو الله احد ولا يسلم الا فى آخرهن ويقول يعنى بعد التسليم سبحان الملك القدوس ثلثا"(النسائ)

Traduction:-

Dans witr Rasouloullah r ti pé lire سبح اسم ربك الاعلى et dans deuxième rakaat (li ti pé lire) قل يايهاالكفرون. Et dans troisième rakaat (li ti pé lire) قل هو الله احد. Et li pas ti pé faire salaam apart dans so la fin. Après salaam li ti pé dire trois fois سبحان الملك القدوس. (Nasaai)

Position hadice:-

C’est ene hadice ki fine qualifié de Saheeh (authentique) par Darqutni et Al Iraqui.

Explication:-

Hadice de Hazrat Ubayy Bin Ka’ab t pé prouve 4 kikchoses concernant Salaat-ul-witr:

1.    Rasouloullah r ti ena l’habitude faire trois rakaat witr.

2.    Banne Sourah ki Rasouloullah r ti pé lire dans chaque rakaat de Salaat-ul-witr.

3.    Salaat-ul-witr ki Rasouloullah r ti ena l’habitude faire li, ti de trois rakaat avec ene seul salaam. C’est à dire li pas ti pé faire salaam au milieu lors deuxième rakaat.

4.    Doah ki li ti pé faire après salaat-ul-witr.

Nou remarqué ki banne Sahaaba-e-Kiraam couma Hazrat Aisha t, Hazrat Abdullah Bin Abbaas t et Hazrat Ubayy Bin Ka’ab t zotte tous fine rapporte ça même façon et ça même pratique habituelle de Rasouloullah r. C’est à dire 3 rakaat de witr dans ene seul volet avec ene seul salaam !

Imam Tirmizi (rahmatoullahi alayh) dire :

"والذى اختاره اكثر اهل العلم من اصحاب النبى r ومن بعدهم ان يقرأ سبح اسم ربك الاعلى وقل يايها الكفرون وقل هو الله احد فى كل ركعة من ذاك سورة"

Ceki la majorité ‘Oulama parmi banne Sahaba de Nabi r et banne ki fine vine après zotte fine adopté, c’est ki la personne li récite :

سبح اسم ربك الاعلى,

     قل يايها الكفرون

     Et قل هو الله احد -- ene sourah dans chaque rakaatlà-dans.”                                                                 (Tirmizi)

A la lumière de ceki Imam Tirmizi fine rapporté, nou trouvé li trois rakaat witr ti ene pratique très connu et en vigueur dans l’époque banne Sahaaba-e-Kiraam et dans l’époque banne tabeïnes. Donc c’est ene pratique ki fine acceptée et adoptée par la plus grande majorité.

Hadice Hazrat Aisha t:-

"ما كان رسول الله r يزيد فى رمضان ولا فى غيره على احدى عشرة ركعة. يصلى اربعا فلا تسئل عن حسنهن وطولهن ثم يصلى اربعا فلا تسئل عن حسنهن وطولهن ثم يصلى ثلاثا"

(رواه البخارى ومسلم)

Traduction:-

“Rasouloullah r pas ti pé faire plis ki onze rakaat ni dans Ramadhaan ni en dehors de ça. Li ti pé faire 4 rakaat. Pas dimane so beauté et so longueur ! Ensuite li ti pé refaire 4 rakaat (sanla aussi) pas dimane so beauté et so longueur. Ensuite li ti pé faire trois rakaat.”

(Boukhari/ Mouslim)

Explication:-

Hazrat Aisha t pé faire mention de onze rakaat namaz ki Rasouloullah r ti pé faire dans la nuit. Ça onze rakaat-là c’était la pratique ki Rasouloullah r ti pé habitué pratiqué tout le temp. Ena des fois li ti pé faire plis ki ça aussi couma parfois li ti pé faire moins ki ça. Mais la pratique en général c’était de onze rakaat. Namaz ki faire dans Ramadhaan et en dehors Ramadhaan c’est namaz tahajjud. Donc ça hadice-là pé cause lors nombre de rakaat dans namaz tahajjud et ça ti reste presque pareil tout le temps dans la pratique Rasouloullah r. Donc ça onze rakaat-là li représente 8 rakaat de tahajjud et 3 rakaat de witr. Li pas concerne namaz taraweeh. Ça montré ki l’habitude Rasouloulah r concernant salaat-ul-witr c’était de 3 rakaat. Quant à ene rakaat de witr ki fine rapporté dans hadice à la lumière de la pratique de Nabi r, li paraite ki ça ti en vigueur pou ene certaine l’époque seulement.

Hadice Hazrat ‘Oumar t:-

عن المسور بن مخرمة قال دفنا ابابكر ليلا فقال عمر انى لم اوتر فقام وصففنا وراوه فصلى بنا ثلث ركعات لم بسلم الا فى آخرهن (معانى الآثار للطحاوى)

Rapporté par Al Miswar Bin Makhramah ki fine dire: Nou fine enterre (Hazrat) Abou Bakr t dans la nuit. Après ça (Hazrat) ‘Oumar t fine dire: “ Mo pas encore faire witr. Alors li fine dibouté et nou fine aligne nou derrière li. Et li fine faire nous faire trois rakaat dans lequel li pas fine faire salaam (ditout) excepté dans so la fin.”

(Ma-aanil-Athaar de At-Tahaawi).

Position hadice:-

Tous banne narrateurs dans Sanad (chaîne de narration) ça hadice-là zotte banne narrateurs fort, solide, et authentique. Donc le hadice li ene hadice Saheeh (authentique).

Explication:-

Hazrat Abou Bakr t ti mort ene jour lundi dans le mois de Joumada-Al-Oula. Donc ça namaz witr ki zotte fine faire en jamaate ti en dehors mois Ramadhaan.

Ça prouvé ki capave faire salaat-ul-witr avec jamaate en dehors Ramadhaan aussi. Mais ça pas prouvé ki li permette faire li régulièrement avec jamaate dans ene forme organisé parceki ceki zotte ti faire, c’était par coïncidence sans organisé. Donc li capave vine ene preuve pou faire li avec jamaate occasionnellement et sans organise li.

Accomplir ene kikchose dans ene forme organisé capave réalisé par faire li lors ene base régulier ou bien par faire li avec ene jamaate de ene nombre assez élevé. Selon banne Fouqaha (juristes) le minimum de ça nombre assez élevé-là commence apartir 3 ou 4 mouswalli. Quant à ene ou deux mouswalli derrière Imam li tolérable quand faire li occasionnellement.

L’anecdote rapporté par Al Miswar Bin Makhramah pas précise narien concernant le nombre de personnes ki ti alignés derrière Hazrat ‘Oumar t pou faire salaat-ul-witr. De ce fait pas capave servi ça pou dire ki faire namaz witr avec ene grand jamaate de banne personnes assez nombreux  li permette parceki si ene grand nombre ti present, ça pas veut dire ki tous ti participé. Li capave oui couma li capave non. Ene kitchose ki pas defini et pas sur, pas capave servi li comme ene base pou ene argument ni capave servi li comme ene preuve.

Le nombre de rakaat de witr ki Hazrat ‘Oumar t fine accomplir c’était de 3 rakaat et ça aussi sans faire salaam au milieu. Et ça fine passé sans être contesté en présence ene bon nombre de banne Sahaaba-e-Kiraam. Ça montré ki accomplir Salaat-ul-witr dans ça façon-là ti ene façon tout à fait normal et reconnu au près banne Sahaba-e-Kiraam.

Li vrai ki nou ena ene l’autre anecdote ki Al Baihaqui fine rapporté dans المعرفة (Al Ma’rifah). Selon ça anecdote-là, Hazrat ‘Oumar t fine rente dans masjid et li fine faire seulement ene rakaat namaz. D’abord le Sanad de ça anecdote-là ena ene Rawi nommé "قابوس بن ابى ظبيان" (Qaabous Bin Abou Zabyaan) ki qualifié de ene Rawi (narrateur) bien faible.

Acoze ça, li pas capave être considéré. Deuxièmement na perna narien ki dire ki li ti faire ça ene rakaat-là comme namaz witr. Donc le hadice ki prouvé ki Hazrat ‘Oumar t ti faire trois rakaat witr li ene hadice bien fort et bien solide ki pas capave être contesté par l’anecdote ki Al Baihaqui fine rapporté dans المعرفة (Al Ma’rifah).

Hadice Hazrat Abdullah Bin Abbaas t et Hazrat Abdullah Bin ‘Oumar t:-

"عن عامر الشعبى قال سألت ابن عمر وابن عباس كيف كان صلاة رسول الله r بالليل؟ فقال: ثلث عشرة ركعة: ثمان ويوتر بثلث وركعتين بعد الفجر" (معانى الآثار للطحاوى)

Traduction:-

Rapporté par عامر الشعبى (Amir Ash-Sha’bi) ki fine dire: “Mo fine dimane Ibn ‘Oumar t et Ibn Abbaas t couma Rasouloullah r so namaz ti été dans la nuit? (En réponse) zotte fine dire: Rasouloullah r ti pé faire treize rakaat, (là-dans ti ena) huit rakaat (tahajjud) et li ti pé faire 3 rakaat witr et 2 rakaat (Sounnat) après fajar (soubh saadiq).”

(Maanil-Athaar de At-Tahaawi

)

Position hadice:-

Ça hadice-là li ene hadice صحيح (authentique) acoze ki tous banne narrateurs dans so Sanad zotte banne narrateurs authentiques.

Explication:-

Ça hadice-là li corresponde avec ceki Hazrat Aisha t fine déclaré. D’après ceki Hazrat Aisha t fine déclaré, Rasouloullah r ti pé faire onze rakaat. En réalité d’après ceki Hazrat Abdullah Bin Abbaas t et Hazrat Abdullah Bin ‘Oumar t fine rapporté aussi, li tombe onze rakaat même. Mais acoze ki zotte fine inclure les deux Sounnat de fajar aussi là-dans, ça faire li vine 13 rakaat. Hazrat Aisha t pas fine compte ça deux rakaat-là.

Pareille couma Hazrat Aisha t, Hazrat Abdullah Bin Abbaas t et Hazrat Abdullah Bin ‘Oumar t aussi pé précise le nombre de trois rakaat witr. Ça li favorise l’opinion de ceux ki dire ki salaat-ul-witr li de 3 rakaat.

La pratique de Hazrat Abdullah Bin Abbaas t:-

عن ابى يحيى قال سمر المسور بن مخرمة وابن عباس حتى طلعت الحمراء ثم نام ابن عباس فلم يستيقظ الا باصوات اهل الزوراء فقال لاصحابه اترونى ادرك اصلى ثلثا يريد الوتر وركعتى الفجر وصلاة الصبح قبل ان تطلع الشمس فقالوا نعم فصلى وهذا فى آخر وقت الفجر (معانى الآثار للطحاوى)

  

Traduction:-

Abu Yahya rapporté ki Al Miswar Bin Makhramah et (Hazrat Abdullah) Bin Abbaas t fine cause causé (juska tard) dans la nuit juska ki "الحمراء" (ene z’étoile ki paraite dans l’intervalle avant Soubh Sadiq) fine paraite. Après ça (Hazrat Abdullah) Bin Abbaas t fine dormi. (Li fine reste dormi) Li pas fine levé. (Li fine levé) necque avec tapaze banne habitants de “Az Zawraa”. Alors li fine dire so banne compagnons: “ki zotte trouvé, eski mo pour gagne le temps faire 3 rakaat, c’est à dire witr, deux rakaat (sounnat) fajar et namaz fajar avant ki soleil lever?” Banne-là fine dire : “Oui”.

Alors li fine faire namaz. Et ça c’était dans dernier l’heure fajar.

(Ma-anil- Athaar de At-Tahaawi).

Position hadice:-

Ça hadice-là so sanad li ene sanad authentique. Donc le hadice li authentique.

Explication:-

"الزوراء" (Az Zawraa) li ene l’endroit ki trouve lors hauteur dans Madina près avec masjid Nabawi cote ti ena bazar. Alors Hazrat Abbdullah Bin Abbaas t fine leve tard avec tapaze banne dimounes ki reste là-bas ou bien banne dimounes ki travail dans bazar-là. Normalement dimoune coummence faire tapaze quand fine faire bien clair dans gramatin. Ça montré ki Hazrat Abdullah Bin Abbaas t so sommeil fine casse dans tard. Donc quand li fine levé, ti ena ziste ene ti pé le temps pour soleil lever. Acoze ça li fine oulé conné si eski li possible ki li capave faire so witr, so sounnat fajar et namaz fajar dans ça ene ti pé le temps ki fine resté devant li avant soleil lever. Quand so banne compagnons fine assure li, li fine faire tout.

Li paraite ki d’après Hazrat Abdullah Bin Abbaas t, salaat-ul-witr ti 3 rakaat même. Si ti capave faire ene seul rakaat witr, alors dans ene situation pareille acote le temps bien limité, jamais li ti pou alle lors 3 rakaat. Li ti pou contente li avec ene seul rakaat afin pour pas rate so namaz fajar. Mais dans ene moment aussi limité, si li fine oulé faire absolument trois rakaat witr, c’est necque acoze ki salaat-ul-witr ena 3 rakaat. Pas ene seul rakaat.

Hazrat Abdullah Bin Abbaas t fine leve tard. Quand li fine faire so witr c’était après soubh sadiq quand salaat-ul-witr so l’heure fine déjà dépassé. Donc en réalité Hazrat Abdullah Bin Abbaas t ti pé remplace salaat-ul-witr dans ça l’heure-là. Ene namaz ki nécessite d’être remplacé c’est ene namaz ki obligatoire. Alors la pratique de Hazrat Abdullah Bin Abbaas t montré  ki d’après li salaat-ul-witr ti obligatoire. C’est à coze ça même li fine prend autant la peine pour faire li avant li faire namaz fajar et ça aussi dans ene l’heure cote le temps ti bien limité. Tous ça-là c’est banne éléments ki renforci l’opinion ki dire ki salaat-ul-witr li waajib (obligatoire) et ki salaat-ul-witr li ena 3 rakaat.             

Hadice Hazrat Abdullah Bin Mas’oud t:-

عن عبد الله بن مسعود قال: "الوتر ثلث كوتر النهار صلاة المغرب" (معانى الآثار للطحاوى)

Traduction:-

Rapporté de Hazrat Abdullah Bin Mas’oud t ki li fine dire:-

“Salaat-ul-witr li trois rakaat pareille couma witr dans la journée été, c’est à dire couma namaz maghrib.”                                                                     (Maanil- Athaar de At-Tahaawi)

Position hadice:-

Ça hadice-là li ene hadice Saheeh (authentique).

Explication:-

Hazrat Abdullah Bin Mas’oud t fine compare salaat-ul-witr avec namaz maghrib dans le nombre de rakaat. Ça veut dire couma namaz maghrib ena trois rakaat, coumsa même salaat-ul-witr aussi ena trois rakaat. Et couma namaz maghrib pas existé moins ki 3 rakaat, coumsa même salaat-ul-witr pas existé moins ki 3 rakaat. Namaz maghrib ena ene Qaidah (posture assizé pour lire tashahhud) lors 2eme rakaat. Namaz witr aussi pour ena ene Qaidah lors deuxième rakaat. Pareille couma namaz maghrib été, salaat-ul-witr aussi bizin faire li dans ene seul volet de 3 rakaat.

Hadice Hazrat Anas t:-

"الوتر ثلث ركعات وكان يوتر بثلث ركعات" (معانى الآثار للطحاوى)

Traduction:-

“Salaat-ul-witr ena trois rakaat. Et li (Hazrat Anas t) ti pé faire 3 rakaat witr.”

(Ma’anil-Athaar de At-Tahaawi).

Position hadice:-

Allaamah Al-Hafiz Ibn Hajar Al-Asqalaani dire dans so الدراية (Ad-Diraayah) ki le sanad (chaîne de narrateurs) de ça hadice-là li ene Sanad authentique.

Explication:-

Ça prouvé ki la pratique de Hazrat Anas t concernant witr c’était de 3 rakaat. Selon ene version dans Ma’anil-Athaar ki fine qualifié de authentique par Hafiz Ibn Hajar dans so Ad-Diraayah, Hazrat ثابت (Thaabit) dire:

"صلى بى انس الوتر انا عن يمينه وام ولده خلقنا ثلث ركعات لم يسلم الا فى آخرهن ، طننت انه يريد ان يعلمنى"

(Hazrat Anas) fine faire trois rakaat witr (en jamaate) avec moi ; Mo ti dans so coté droite et so Ummul-Walad (ene catégorie de esclave) ti derrière nou, (là-dans) li pas fine faire salaam (aukene part) excepté dans so la fin. Mo fine gagne l’impression ki li ti oulé enseigne moi (le nombre et la façon de salaat-ul-witr).”

Hadice Hazrat Abul-A’liyah:-

Hazrat ابو العالية (Abul A’liyah) dire:-

"علمنا اصحاب محمد r اوعلمونا ان الوتر مثل صلاة المغرب غير أنا نقرأ فى الثالثة فهذا وتر الليل وهذا وتر النهار" (معانى الآثار للطحاوى)

Traduction:-

“Banne Sahaba (compagnons) de (Nou Nabi) Mouhammad r fine enseigne nou ki witr li pareille couma namaz maghrib, apart ki nou récite (Qour’aan) dans troisième rakaat (de witr). Donc ça c’est witr dans la nuit et l’autre-là c’est witr dans la journée.”

Position hadice:-

C’est ene hadice rapporté par ene Sanad authentique. Donc ça faire li vine ene hadice Saheeh.

Explication:-

ابو العالية (Abul-Aliyah) ti ene grand tabeï ki fine vive dans l’époque Rasouloulah r mais li fine embrasse l’Islam deux ans après wafaat de Rasouloullah r. Li fine gagne l’occasion joine et bénéficié avec ene bon nombre de banne Sahaba-e-Kiraam. Ça hadice-là pé montré ki witr ena trois rakaat pareille couma namaz maghrib. Seul différence ena ki dans witr bizin récite Qour’aan dans troisième rakaat aussi. Le fait ki fine compare namaz witr avec namaz maghrib permette nou dire ki ena Qaidah lors deuxième rakaat de witr et ki bizin faire witr dans ene seul volet de trois rakaat sans interrompe li par salaam lors deuxième rakaat.

Le hadice de Abul-Aliyah montré ki banne Sahaaba-e-Kiraam ti pé faire trois rakaat witr. Couma nou conné ki Abul-A’liyah li ene grand Tabeï et ki fine vive dans l’époque acote la majorité de banne Sahaba ti encore là même, alors quand li dire «banne Sahaba fine enseigne nou», ça faire référence à la majorité de banne Sahaba-e-Kiraam. Donc d’après la majorité de banne Sahaba-e-Kiraam, le nombre de rakaat de witr c’était trois rakaat.

Version de Al Qasim:-

"رأينا اناسا منذ ادركنا يوترون بثلاث وان كلا لواسع وارجو ان لا يكون بشئ منه بأس" (البخارى)

Traduction:-

Al Qasim (Bin Mouhammad Bin Abou Bakr) dire: “Depi ki nou conné, nou fine trouve banne dimoune faire 3 rakaat witr. Et tout permette. Mo espéré ki pérna narien mauvais avec aukene façon là-dans.” (Boukhari)

Explication:-

Al Qasim li ene tabeï. Banne dimounes ki li fine guette zotte faire witr c’est banne Sahaba et banne tabeï. Selon ça version-là, depi ki li conné, li fine trouve zotte tous pratique 3 rakaat witr. Ça montré ki la pratique de 3 rakaat witr ti ene pratique établi au près banne Sahaba-e-Kiraam. Mais personnellement Al Qasim juge tous banne façon faire witr correcte. C’est ene l’opinion personnelle de Al Qasim. Mais d’après so observation, banne Sahaba-e-Kiraam ti pé pratique 3 rakaat. Ceki li fine observé li ene preuve pli fort ki dimane considère li plis ki so l’opinion personnelle.

Version ابو الزناد (Abuz-Zinaad):-

"عن ابى الزناد عن (الفقهاء) السبعة سعيد بن المسيب وعروة بن الزبير والقاسم بن محمد وابى بكر بن عبد الرحمن وخارجة بن زيد وعبيد الله بن عبد الله وسليمان بن يسار فى مشيخة سواهم اهل فقه وصلاح وفضل وربما اختلفوا فى الشئ فآختر بقول اكثرهم وافضلهم رأيا فكان مما وعيت عنهم على هذه الصفة ان الوتر ثلث لا يسلم الا فى آخرهن" (معانى الآثار للطحاوى)

   

Traduction:-

Abuz-Zinaad rapporté avec banne grand personnages de connaissance, de la piété et de vertu et parmi ena les sept (fouqaha) : Saïd Bin Al-Mousayyab, Urwah Bin Az Zubair, Al Qaasim Bin Mouhammad, Abu Bakr Bin Abdurrahmaan, Khaarijah Bin Zaïd, Ubaidullah Bin Abdullah et Sulaimaan Bin Yaçaar. (Li dire) ena des fois quand zotte divergé dans ene certaine kikchose, alors mo prend l’opinion de la majorité ou bien ceki so l’opinion pli bon. Alors d’après ça principe-là ceki mo fine comprend avec zotte c’est que witr li ena trois rakaat sans faire salaam là-dans apart dans so la fin”. (Ma’anil- Athaar de At-Tahaawi)

Position ça rapport-là:-

Sanad de ça rapport-là li ene Sanad Hassan (bon/passable).

Explication:-

Dans Madina ti ena sept grand ‘Oulama ki nou conne zotte par الفقهاء السبعة (les sept juristes). Quand zotte d’accord lors ene certaine point, dans ene certaine sens, ça li représente couma ene "اجماع" (consensus). D’après ceki Abuz-Zinaad fine rapporté, les sept fouqaha (juristes) de Madinah, zotte tous ti d’accord ki:

1.    Ena trois rakaat dans witr.

2.    Perna salaam lor deuxième rakaat.

3.    Witr li existé dans ene seul volet de 3 rakaat.

Allaamah At-Tahaawi fine rapporté avec ene Sanad authentique ene l’autre version de Abuz-Zinaad selon laquelle li fine dire:

"اثبت عمر بن عبد العزيز الوتر بقول الفقهاء ثلثا لا يسلم الا فى آخرهن"

“(Hazrat) ‘Oumar Bin Abdul Azeez fine établir 3 rakaat witr sans faire salaam (kit part là-dans) apart dans so la fin lors verdict banne fouqaha (juristes).

Quand nou considère les deux versions de Abuz-Zinaad, ça amene nou pour comprend ki les sept célèbres fouqaha et les fouqaha de madinah en général ti reconnaite juste trois rakaat witr dans ene seul volet. D’ailleurs après avoir rapporte la pratique de Hazrat Sa’ad Bin Abou Waqqaas t ki ti pé pratique ene rakaat witr, Imaam Malik (rahmatoullahi alayh) faire ressortir dans so Mou’atta:

"وليس على هذا العمل عندنا ولكن ادنى الوتر ثلاث"

“Ça li pas en pratique chez nou. Mais le minimum witr c’est trois rakaat.”

Et c’est exactement ceki Hazrat Abdullah Bin Mas’oud t fine déclaré:

"اهون ما يكون الوتر ثلث ركعات"

“Pli tigite witr ki capave existé c’est 3 rakaat.” (Mou’atta Imam Mouhammad)

Li paraite ki salaat-ul-witr fine passe par plusieurs étapes :- Ene l’époque ti ena ene seul rakaat witr. Coumsa même ti ena droit faire li en deux volets de d’abord 2 rakaats puis ene rakaat. Couma ti ena la pratique ki connu par  نقض الوتر (casse witr). Mais plutard salaat-ul-witr fine stabilisé lors 3 rakaat avec ene seul volet. Et ça li indiqué par le récit de Abuz-Zinaad selon lequel banne fouqaha (juristes) dans madinah ti faire consensus lors 3 rakaat witr avec ene seul salaam et basant lors verdict banne fouqaha, Hazrat ‘Oumar Bin Abdul Aziz (rahmatoullahi alayh) fine établir witr dans ça façon-là même.

A ce stade nou capave dire comme conclusion ki, selon le principe ki dire :

"الاجماع اللاحق يرفع الخلاف السابق"

“Ene consensus ki formé après, li enlève divergence ki ti existé auparavant.”

Tout façon de faire witr ki pas corresponde avec ça consensus-là, pas capave être considéré. C’est necque la façon ki en conformité et ki encadré avec ça consensus-là ki pour bizin reste en vigueur.

Malgré ça si banne fouqaha et banne Aïmmah couma Imam Shafi’ et Imam Ahmad Bin Hambal fine autorise ene rakaat witr c’est probablement acoze zotte pas fine considère ça source par laquelle ça consensus-là fine être rapporté comme ene source catégorique.