SALAAT-UL-WITR AVEC ENE SEUL SALAAM

Question:

Kan faire namaaz witr eski li sunnate pou faire salaam lor deuxieme rakaat ensuite faire ene rakaat separer, ou bien li sunnate pou faire salaam seulement lor troixieme rakaat?

Reponse:

Hadice Hazrat Aisha t

"ان رسول الله r كان لا يسلم فى ركعتى الوتر" (رواه النسائ)

Traduction:-

“Rasouloullah r pas ti pé faire salaam lors deux rakaat de witr”. (Naçaaï).

Position Hadice:-

Imaam Naçaaï pas fine faire aukene commentaire lors ça hadice-là. Ça veut dire ki ça hadice-là li ene hadice valable d’après li. Al-Haakim fine rapporte ça hadice-là avec ene formule ene ti pé différente. D’après ceki li fine rapporté, Hazrat Aisha t fine déclaré ki Rasouloullah r pas ti pé faire salaam lors deux premier rakaat dans witr. Après avoir rapporte ça, Al-Haakim fine qualifié li de ene hadice Saheeh (authentique). Selon li, ça hadice-là li satisfaire banne critères établis par Imaam Boukhari et Imaam Mouslim. Imaam Az-Zahabi aussi fine confirme Al-Haakim dans ceki li fine déclaré. Donc l’authenticité ça hadice-là li approuvé par trois savants de hadice: Imaam Naçaaï, Al-Haaakim, et Allaamah Az-Zahabi.

Explication:-

Ça hadice-là montré ki salaat-ul-witr ki Rasouloullah r ti pé pratiqué régulièrement et ki fine témoigné par Hazrat Aisha t, c’était avec ene seul salaam. Ça pas veut dire ki li ti pé faire salaam ene seul coté mais ça signifié ki li pas ti pé faire salaam lors deuxième rakaat. Plutôt li ti pé faire salaam lors troisième rakaat et li ti pé faire li tous les deux cotés.

Nou ena ene l’autre hadice rapporté dans Al- Moustadrak par Hazrat Aisha t même. Selon ça version-là Hazrat Aisha t dire:

"كان رسول الله r يوتر بثلث لا يسلم الا فى آخرهن"

“Rasouloullah r ti pé faire trois rakaat witr. Li pas ti pé faire salaam (aukene part) apart dans so la fin”.

Apres avoir rapporte ça hadice-là, Al-Haakim faire ressortir ki ça c’était le witr pratiqué par Ameer-ul-Mouminine Hazrat 'Oumar Bin Al-Khattaab t. Et banne habitants madina fine gagne ça façon-là avec li même. Quant à Allaamah Az-Zahabi li aussi li pas fine faire aukene remarque lors ça hadice-là. De ce fait, li ene hadice valable d’après banne normes établies par banne savants de hadice.

La pratique de Hazrat Abdullah Bin 'Oumar t

" ان عبد الله بن عمر كان يسلم بين الركعة والركعتين فى الوتر حتى يامر ببعض حاجته"

(رواه البخارى)

"(Hazrat) Abdullah Bin 'Oumar t ti pé faire salaam entre ene rakaat et deux rakaats dans witr en sorte ki parfois li ti pé donne directive (dans ça l'intervalle-là concernant so travail."

(Boukhari)

Explication:

D'après ceki Imaam Boukhari fine rapporté, Hazrat Abdullah Bin 'Oumar t ti pé faire 3 rakaats salaat-ul witr. Mais li pas ti pé faire li ene seul coup avec ene seul salaam. Li ti pé faire witr avec deux salaam. C'est-à-dire li ti pé faire deux rakaats et li ti pé salaam lors ça deux rakaat-là. En ensuite li ti pé faire ene rakaat. Parfois li ti pé causé aussi entre ça deux et ene rakaat-là. C'est-à-dire li ti pé sépare ça deux rakaat-là de ça ene rakaat-là par ene lapse de temps dans lequel, ena des fois, li ti pé donne banne directives concernant so travail. Ça prouvé ki li ti pé faire witr de trois rakaat en deux volets de deux rakaat plus ene rakaat avec deux Takbeer Tahreemah séparé.

D'après Hazrat Abdullah Bin 'Oumar t et ene parti de banne Sahaba-e-Kiraam, quand fine faire salaam et fine termine les deux premier rakaat dans witr, ça li pas empêche ajoute encore ene rakaat avec li quand même fine ena banne actions couma conversation, mangé, boire, dormi etc. entre les deux volets namaz. C'est-à-dire ki salaam causé etc. pas empêche continué ça witr ki ti commencé-là. D'après zotte, salaat-ul witr li de trois rakaats mais capave faire li avec deux salaams. La pratique de faire witr avec 2 salaams, Hazrat Abdullah Bin 'Oumar t fine rapporte ça avec Rasouloullah r aussi. Selon At-Tahaawi et Mousnad Ahmad, Hazrat Abdullah Bin 'Oumar t dire:

"كان رسول الله r يفصل بين الوتر والشفع بتسلمة ويسمعناها"

"Rasouloullah r ti pé sépare ene rakaat de deux (premier) rakaat par salaam et ti pé faire nou tanne ça salaam-là".

Si Hazrat Abdullah Bin 'Oumar t fine pratique witr dans ça façon-là et li fine rapporté ki Rasouloullah r aussi ti pé faire li, alors comment nou pou explique la pratique de banne ki faire li avec ene seul salaam?

Normalement la pratique de faire witr en deux volets avec deux Takbeer Tahreemah séparé, c'est-à-dire 2+1 avec deux salaam c'est necque Hazrat Abdullah Bin 'Oumar t, li tout seul fine rapporte ça avec Rasouloullah r. Quand à banne le zotte Sahaba-e-Kiraam, zotte fine rapporte la pratique de Rasouloullah r dans l'autre façon. C'est-à-dire d'après zotte, Rasouloullah r pas ti pé faire salaam lors deux rakaat:-

Æ   Hazrat Aisha t rapporté ki Rasouloullah r ti pé faire 3 rakaat witr. Et li pas ti pé faire salaam lors deux rakaat. Selon ene version de Mousnad Ahmad, Hazrat Aisha t dire ki Rasouloullah r fine faire 3 rakaat witr. (Et) Li pas fine sépare zotte.

Æ   Hazrat Ubayy Bin Ka'ab t rapporté  ki Rasouloullah r pas ti pé faire salaam (aukene part) dans witr apart dans so la fin.

Æ   Hazrat Anas t fine faire 3 rakaat witr et fine faire salaam dans so la fin. Apres ça li dire ki li fine prend ça façon faire witr-là avec Rasouloullah r.

Æ   Hazrat Abdullah Bin Mas'oud t rapporté ki Rasouloullah r fine dire:

وتر الليل ثلث كوتر النهار صلاة المغرب"

"Le witr de la nuit li trois rakaat pareille couma witr dans la journée. C'est-à-dire couma namaz Maghrib".

Ene coté nou ena Hazrat Abdullah Bin 'Oumar t ki dire Rasouloullah r ti pé faire witr en deux volets. C'est-à-dire li ti pé sépare ça deux premier rakaat-là par faire salaam au milieu lors deux rakaat. Et l'autre coté nou ena Hazrat Aisha t, Hazrat Ubayy Bin Ka'ab t, Hazrat Anas t et Hazrat Abdullah Bin Mas'oud t ki pé informé ki Rasouloullah r ti pé faire 3 rakaat witr sans sépare li au milieu par salaam. C'est-à-dire li pas ti faire salaam lors deuxième rakaat. Normalement ceki ça banne-là fine rapporté, li pli mérité pou prend li en considération ki ceki Hazrat Abdullah Bin 'Oumar t pé rapporté, parceki par ici ena ene groupe de Sahaba-e-Kiraam et l'autre coté ena Hazrat Abdullah Bin 'Oumar t li tout seul. Donc ceki ene groupe de personne rapporté li pou ena priorité et préférence lors ceki ene seul dimoune pé rapporté. Ça li ene kitchose tout à fait normal et logique. D'ailleurs Rasouloullah r ti pé faire witr dans la dernière partie de la nuit chez li dans so la caze. Hazrat Aisha t ti gagne l'occasion observe la façon ki Rasouloullah r ti pé faire witr pli bien et plis ki Hazrat Abdullah Bin 'Oumar t. Parceki ça moment-là c'est Hazrat Aisha t ki ti avec Rasouloullah r. Coumsa même Abdullah Bin Mas'oud t et Hazrat Anas t zotte ti couma dimoune dans la caze. Ça position-là ti permette zotte observe Rasouloullah r pli bien ki le zotte. Tout ça-là c'est banne éléments ki donne raison à hadice ki fine rapporté par ça banne Sahaba-là lors hadice ki Hazrat Abdullah Bin 'Oumar fine rapporté.

La pratique de Hazrat 'Oumar t aussi ti de faire 3 rakaat witr avec ene seul salaam. Kikene fine dire Hazrat Hassan Basri ki Hazrat Abdullah Bin 'Oumar t ti pé faire salaam lors deux rakaat. Lors ça Hazrat Hassan Basri dire:

"كان عمر افقه منه كان ينهض فى الثالثة بالتكبير"

"Hazrat 'Oumar t ti pli comprend Deen ki li (Hazrat Abdullah Bin 'Oumar t). Li (Hazrat 'Oumar t) ti pé levé pou troisième rakaat avec takbeer"

Ça récit-là li ene récit authentique ki fine rapporté et approuvé par Al Haakim dans so Al Moustadrak. Allaamah Az-Zahabi aussi pas fine faire aukene remarque lors ça hadice-là. Ça veut dire en principe li authentique d'après li.

Bref le hadice de Hazrat Abdullah Bin 'Oumar t li pas compatible avec ceki la majorité fine rapporté. Donc la pratique plus approuvée c'est la pratique de la majorité. C'est-à-dire faire 3 rakaat witr dans ene seul volet sans sépare li avec salaam lors deuxième rakaat.

Quant à la pratique de Hazrat Abdullah Bin 'Oumar t li paraite ki li fine base ça lors ene principe ki ti en vigueur dans commencement. C'est-à-dire dans commencement ti ena ene pratique existé ki ti appelle نقض الوتر ki signifié cassé ou dissoudre witr. Selon ça principe-là, quand ene personne faire so witr avant li alle dormi et li gagne l'occasion relevé dans la nuit, alors si li envie faire tahajjud, li capave faire tahajjud mais li bizin dissoudre so witr ki li fine déjà fini faire parceki d’après ene hadice li supposé faire so witr en dernier lieu dans la nuit. Et après avoir faire namaz tahajjud li refaire so namaz witr. Pou li dissoudre so witr, li faire seulement ene rakaat pou faire ça namaz witr ki li fine fini faire avant li alle dormi-là vine paire. Ça pratique-là ti existé dans commencement ki fine abrogé et amendé par la déclaration de Rasouloullah r cotte li dire:

"لا وتران فى ليلة" (ابو داود)

"Na perna deux (fois) witr dans ene seul la nuit" (Abou Dawood)

Li paraite ki la pratique de Hazrat Abdullah Bin 'Oumar t concernant sépare ene rakaat de deux rakaat précèdent dans witr ti basé lors ça principe ki ti prévaloir dans commencement mais ki fine amendé plutard. Et peut être ça pas fine vine dans connaissance Hazrat Abdullah Bin 'Oumar t ki fine laisse li continué faire ceki li ti pé faire depi avant.